ल़ेह-पेन 9:18 - ह्योल्‍मो

¹⁸ हननियागी दि ताम मा सिहन-लुहङ मे़हबाराङ शाऊलगी मी़ले माहर च्‍यि रोहवा च्‍यि ताहप्‍सीन, ओहले खोगी मी़ थोङसीन ओहले खो लाहङदी बप्‍तिस्‍मा लेहन्‍सीन।

ल़ेह-पेन 9:18 Referans Kwoze

२ कोरिन्‍थी 3:14

यिहॱनाङ खुङगी सेम ज्‍यिबुराङ सान्‍दी काहल्‍दी येहकें, च्‍यिबेमाना ताहन्‍दा ङ्यिहमा थु निङबा छ्य़े टा़हगेमु ओ़ह योल्‍सेनगी खुङया़गी नावा का ज़्‍या़दी येहबा, ओहले मास्‍यीकाला यिह-छ्य़े पेहती च्‍यी़राङ ओ़ह योल्‍सेन खा फे़ ख़ूएँ।

ल़ेह-पेन 22:16

ओ़ह सोङबे ता़ह च्‍यिबे कू़हदी तेहच्‍ये? ता़ह लाहङदोङ ओहले बप्‍तिस्‍मा लेहन्‍दोङ ओहले येशूगी छेन लेहन्‍दी राहङगी पेहक्‍योगी तिहक्‍पा ता़ह च्‍य़ूदोङ!’ म़ेदी हननियागी मासीन।

ल़ेह-पेन 2:38

ओहले पत्रुसगी मासीन, “ख्‍या थाम्‍ज्‍यीगी सेमगी स्‍या़बा पेहती तिहक्‍पा कोहङदागी तेहन्‍दाला येशू मास्‍यीकागी छेनला बप्‍तिस्‍मा लेहन्‍दोङ, ओहले ख्‍यागी किन्‍ज्‍योगी काबाप नाम्‍पार-ताहक्‍पा थु ज्‍योर्च्‍ये येह।

२ कोरिन्‍थी 4:6

“ना़-जुबेला क्‍या-साङेगी येहपा छ्याज्‍यु” म़ेदी सुङ नाङगेन्‍गी किन्‍ज्‍योॱराङ, ताहन्‍दा ओहराङगी सेम नाहङला येहपा छ्या़दे येहबा, ओ़ह लाहमले पेहती किन्‍ज्‍योगी ज़िज्‍यिदकी येहन्‍देनगी क्‍या-साङे मास्‍यीकागी स्‍याहल्‍दोङला येहपा छ्या़ ख़ूज्‍यु।

ल़ेह-पेन 2:41

ओहले मिह माहङबुगीराङ पत्रुसकी तामला यिह छ्य़ेदी बप्‍तिस्‍मा लेहन्‍सीन। ओ़ह ङ्यिहमु तोङरा सुमजे मिहया़ खुङया़गी टाहङजीला खेन पा़हसीन।

ल़ेह-पेन 9:8

शाऊल सालेगी लाहङसीन ओहले मी़ खा फ़ेगेमु खोगी च्‍यिॱआङ माहथोङ। ओ़ह सोङबे खोगी रो़हया़गी खोला लाहक्‍पाला ज़ुङदी ठिती दमस्‍कसला ख्‍योङसीन।

ल़ेह-पेन 9:17

ओहले चो़वो छ्येवागी सुङ नाङग्‍योकी स्‍याहल ङ्यिहन्‍दी हननिया काहल्‍सीन। ओहले खो खाङबा नाहङला स्‍य़ूहदी शाऊलगी थो़ला राहङगी लाहक्‍पा ज़्‍या़दी मासीन, “नो़ह शाऊल, ख्‍ये ओहङगे लाहमला थ़ूक्‍यो चो़वो येशूगीराङ ख्‍येगी मी़ थोङ ख़ूज्‍यु ओहले ख्‍ये नाम्‍पार-ताहक्‍पा थुगी काहङ ख़ूज्‍यु म़ेदी ङाहला ताङ नाङग्‍यो यिहम्‍बा।”

ल़ेह-पेन 9:19

ओहले तो से़हदीले खोगी स्‍युक ज्‍योर्सीन। शाऊल ङ्यिहमा माहङबु थु दमस्‍कस क्‍याहल-खापला येहकेन्‍गी स्‍याहप्‍च्‍यीया़ ङ्याम्‍बु तेहसीन।

ल़ेह-पेन 22:13

ओहले हननिया ङाह पोहला ओहङदी, ‘नो़ह शाऊल, ख्‍येगी मी़ थोङज्‍यु’ म़ेदी मा-लुहङ मे़हबाराङ ङाहगी मी़ थोङसीन।