ल़ेह-पेन 8:9 - ह्योल्‍मो

⁹ ओ़ह सामरिया क्‍याहसाला सिमोन मिहन थो़क्‍यो मिह च्‍यी़ येहकें। ओहले खोगी तोहङ यिहन्‍ज्‍युराङ मिहया़ला राहङगी च्‍युहम्‍रुल तेन्‍दी ह्‍अ ल़ेह च्‍यू़उ येहकें। खो राहङगी राहङलाॱआङ चा़ छ्यिम्‍बु मिह यिहन म़ेदी ने़उ येहकें।

ल़ेह-पेन 8:9 Referans Kwoze

ल़ेह-पेन 13:6

ओहले खुङया़ साइप्रस छोलिङगी सा काहङगी लाहमले पेहती पाफोस साने़ थु लेप्‍सीन, ओ़ह ग्‍या़ला खुङगी यहूदी मी़रिप तेन्‍गे मिह च्‍यी़ला थ़ूसीन। खो राहङगी राहङलाराङ, “ङाह लुहङतेम्‍बा यिहन” म़ेदी माउ येहकें। खोगी मिहनती बार-येशू यिहन्‍गे।

ल़ेह-पेन 5:36

ङ्यिहमा तोबाज्‍यी तोहङले थुदास माएँ मेहन्‍दा च्‍यी़, ‘ङाह मिह छ्यिम्‍बु यिहम्‍बा’ म़ेदी थेन्‍ग्‍यो येहकें। ओहले मिह ज्‍य़िप्‍क्‍याजेगी खोला तिङ ङ्या़सीन। तिङले खोला टाहया़गी सेसीन, ओहले खोला तिङ ङ्या़एँ मिहया़ फेतोर कोहतोर काहल्‍दी खोगी मिहनराङ तोङदी काहल्‍सीन।

यूहन्‍ना 7:18

का़हन्‍दीगी राहङ ङो़ले ताम माएँ, ओ़हदीगी राहङदीराङ चा़ छ्यिम्‍बु छोल्‍गे, माॱनाङ का़हन्‍दीगी राहङला ताङ नाङग्‍योदीला चा़ पेहच्‍ये छोल्‍गे, ओ़हदी तेहम्‍बा यिहन, ओहले खोला च्‍यिॱआङ क्‍येन म़ेह।

ल़ेह-पेन 8:11

च्‍यिबेमाना तोहङ यिहन्‍ज्‍युराङ मिहया़ला राहङगी च्‍युहम्‍रुल तेन्‍दी ह्‍अ ल़ेह च्‍य़ूक्‍यो सोङगोराङ मिह माहङबुगीराङ खोला चा़ पेहको येहकें।

ज्‍याल्‍गा 22:15

यिहॱनाङ ख्‍यिदी ल़ेहमु छारा पेहताङ येहकेनया़, ङेहन क्‍याहप्‍केनया़, छ्येउ-छ्येंमु पेहकेनया़, मिह सेकेंनया़, कुला छ्येपा फुल्‍गेनया़, चिहन क्‍याहप च्‍य़ूगेनया़ क्‍याहसा फिला ओहङज्‍ये येह।”

२ पत्रुस 2:18

खुङ छ्य़ेन्‍दो छ्यिम्‍बु तेन्‍दी फेन मे़हथोएँगी तामया़ माएँ, ओहले थेरेरे चोक्‍पा लाहमले स्‍योर्ती ओहङग्‍यो मिहया़ला ज़ुबुकी खाम्‍साङबुकी तेहन्‍दाला पे मी़हसीहएँगी ल़ेहया़ तेन्‍दी छ्यि च्‍य़ूगे।

२ तिमोथी 3:5

खुङया़गी छ्य़ेसेम पेहचेनज्‍यी तेन्‍गे यिहॱनाङ ओ़हगी ओङया़लादी मा-लोक पेहकें। ओ़ह ल़ेहमु मिहया़ ङो़ले था़-रिहङबुराङ तेहतोङ।

२ तिमोथी 3:2

च्‍यिबेमाना मिहया़ राहङला च्‍यी़राङ निङज्‍यी पेहकें, क्‍युह-नोहरला ह्‍अम्‍बा पेहकें, छ्य़ेन्‍दो तेन्‍गे, राहङ च्‍यी़राङ छ्यिम्‍बु यिहम्‍बा म़ेदी माएँ, किन्‍ज्‍योला स्‍याहम्‍डेन तेन्‍गे, आबा-आमाला ची़नाङ मेहबेकें, गिन म़ेहबा दाङ नाम्‍पार-ताहक्‍पा म़ेहबा

२ थेसलोनिकी 2:4

ओहले मिहया़गी किन्‍ज्‍यो म़ेदी चा़ पेहक्‍यो थाम्‍ज्‍यीला ओहले छ्येपा फुल्‍गेन्‍गी थाम्‍ज्‍यीराङ से़हया़ला खोगी टाह पेहच्‍ये येह ओहले ओ़ह से़हया़ला म़ेदीॱआङ खोगी राहङगी राहङलाराङ चा़ छ्यिम्‍बु ज़ोज्‍ये येह, ओहले खोगी राहङगी राहङलाराङ किन्‍ज्‍यो यिहम्‍बा म़ेदी क्‍याहल्‍ज्‍ये येह ओहले खो किन्‍ज्‍योकी छ्योखाङ नाहङला तेहच्‍ये येह।

ल़ेह-पेन 13:8

यिहॱनाङ मी़रिप तेन्‍गे एलुमासगी (ग्रीक क़ेलुला एलुमास माक्‍योदी मी़रिप तेन्‍गेन्‍गी मिह यिहम्‍बा) बारनाबास दाङ शाऊलला तुहक्‍पु तेर्ती स्‍युहङ-पेन छ्यिम्‍बुगी येशूला यिह-छ्य़े माहबेच्‍यु म़ेदी लो़ज्‍ये छोल्‍सीन।