ल़ेह-पेन 8:7 - ह्योल्‍मो

⁷ च्‍यिबेमाना मिह माहङबुलेगी मेहचाङा नाम्‍स्‍यीया़ क़े तेन्‍दी काहल्‍सीन ओहले ज़ुबु कुहल मी़हखुएँ दाङ काङबा कुच्‍या मिहया़ माहङबुराङ टा़हसीन।

ल़ेह-पेन 8:7 Referans Kwoze

मत्ती 10:1

ओहले येशूगी राहङगी ल़ेह-पेन च्‍यिङ्यी़ला क़े क्‍याहप नाङसीन ओहले खुङला मेहचाङा नाम्‍स्‍यीया़ तेन्‍गेन दाङ नामे-नाजो नाहजाया़ टा़ह-च्‍यू़ नाङगेन्‍गी ओङ नाङसीन।

ल़ेह-पेन 5:16

यरूशलेमगी साहर-सुहरला येहकेन क्‍याहसालेगीॱआङ मिह माहङबुराङ ओहङसीन। खुङया़गी नेहपाया़ दाङ मेहचाङा नाम्‍स्‍यी स्‍य़ूहक्‍यो मिहया़ला ख्‍योङसीन ओहले खुङ थाम्‍ज्‍यी टा़हसीन।

हिब्रू 2:4

किन्‍ज्‍योगीॱआङ ताक्‍छेनया़ तेन नाङदी माहङबुराङ याहम्‍जेन छ्यिम्‍बु दाङ वाङज्‍या छ्यिम्‍बुकी छ्या़लेया़ जे नाङसीन ओहले राहङ थु-सेम जे-नाङदी क्‍य़ेहदी नाङग्‍यो नाम्‍पार-ताहक्‍पा थुगी काबापया़ लाहमले दि केच्‍यागी तेहन्‍दाला पाङबु नाङसीन।

यूहन्‍ना 14:12

तेहम्‍बाराङ ङाह ख्‍याया़ला माएँ, सुगी ङाहला यिह छ्य़ेगे, खोगी ङाहगी पेहक्‍यो ल़ेहमु ल़ेहया़ पेहच्‍ये येह, ओहले ओ़ह म़ेदीॱआङ छ्यिम्‍बु ल़ेहया़ पेहच्‍ये येह, च्‍यिबेमाना ङाह याहप्‍च्‍येन आबासाला डोॱराङ येह।

लूका 10:17

ओहले येशूगी ताङ चाहङ नाङग्‍यो ओ़ह स्‍याहप्‍च्‍यी तिहन-ङ्यी़ लो़ह ओहङदी क़ेहनाङ पेहती येशूला स्‍युहसीन, “चो़वो ला़ह, राहङगी छेनला ङ्येहम्‍बा नाम्‍स्‍यीया़ ङ्यिहगी ओङ चो़ला ओहङसीन।”

मर्कूस 9:26

ओहजेला ओ़ह नाम्‍स्‍यी क़े तेन्‍गेॱराङ ओहले ओ़ह पेहजाला लुङला डो च्‍य़ूदी थेन्‍दी काहल्‍सीन। ओ़ह पेहजादी स्‍यिक्‍यो ल़ेहमुराङ काहल्‍सीन ओहले मिह थाम्‍ज्‍यीगी “ता़ह दि पेहजानी स्‍यिसीन दु” म़ेदी माज्‍ये छ़ूसीन।

मत्ती 11:5

“मी़ मेहथोङगेन मिहया़गी मी़ थोङगोराङ येह, काङबा स्‍योरक्‍यो मिहया़ लाहङदी डोॱराङ येह, जे-ने़ह थेन्‍ग्‍यो मिहया़ टा़हगेॱराङ येह, नाम्‍ज्‍यो मे़हथेगे मिहया़गी थे़एँराङ येह, स्‍यिक्‍यो मिहया़ सोम्‍बो लो़हदीॱराङ येह ओहले प्राङबुया़गी या़हबु लेहङगु ङ्यिहन ङ्युहङगेनॱराङ येह।

मत्ती 4:24

ओ़ह सोङबे गालील साने़की पोहला येहकेन्‍गी सिरिया क्‍याहल-खाप काहङ्येॱराङ येशूगी जे नाङग्‍योकी जेबापया़गी तेहन्‍दाला ख्‍येप्‍टा काहल्‍सीन। मिहया़गी यिहन्‍जे मिहन्‍जे नाहजाया़ दाङ क्‍येन क्‍याहप्‍क्‍यो नेहपाया़ला येशूसाला ख्‍योङसीन। खुङया़ नाहङला रेहरेला ल्‍हेन्‍डी स्‍युहक्‍यो येहकें, रेहरेला ज़ा नाहजा क्‍याहप्‍क्‍यो येहकें ओहले रेहरे ओङबु स्‍योरक्‍योगी मिहया़ येहकें। येशूगी थाम्‍ज्‍यीलाराङ टा़ह च्‍य़ू नाङसीन।

ल़ेह-पेन 8:6

ओहले फिलिपकी ताम थे़दी खोगी पेहक्‍योकी याहम्‍जेन छ्येवागी ल़ेहया़ थोङ फान्‍ज्‍यो मिहया़गी खोगी तामला ज्‍यिबुराङ चा़ पेहती ङ्यिहन्‍सीन।