ल़ेह-पेन 8:23 - ह्योल्‍मो

²³ च्‍यिबेमाना ङ्यिहगी ल़ेह पेहक्‍यो थोङदी ख्‍येगी सेम छी़उ दुबा, ओहले ख्‍येगी सेम तिहक्‍पाला छ्यिक्‍यो दुबा!”

ल़ेह-पेन 8:23 Referans Kwoze

हिब्रू 12:15

जेम्‍बु पेह, सु मिहज्‍यीॱआङ किन्‍ज्‍योकी काटीन ज्‍योर्च्‍येला ल़े टोहल (छूट) माहती़ज्‍यु, ओहले ख्‍या यिहला खाक्‍ती ज़ोएँगी तू़हगी तोहङबो ल़ेहमु बी़दी ओहङदी मिहया़ला तुहक्‍पु तेर्केन्‍की मिहया़ माहन्‍डोज्‍यु, मिहन्‍सीमाना ख्‍यागी मिह माहङबुलाराङ मेहचाङा ज़ोज्‍ये येह।

यूहन्‍ना 8:34

ओहले येशूगी खुङया़ला सुङ नाङसीन, “तेहम्‍बाराङ, ङाह ख्‍याया़ला माएँ, तिहक्‍पा पेहकेन मिह थाम्‍ज्‍यी तिहक्‍पागी योक्‍पु यिहम्‍बा।

२ पत्रुस 2:19

खुङया़गी ख्‍याया़ला ना थाम्‍ज्‍यीगी पे-ठिमया़लेगी खा फे़ तेर्के म़ेदी ताहम्‍ज्‍या ज़्‍या़गे, यिहॱनाङ खुङ राहङ मानादी तोङदी डोएँगी योक्‍पु काहल सिहन्‍ग्‍यो ओहङगे, च्‍यिबेमाना का़हन्‍दी से़हगी मिहला क्‍याहल ख़ूएँ ओ़ह से़हगीॱराङ खोला योक्‍पु ज़ोएँ यिहम्‍बा।

२ पत्रुस 2:4

स्‍यिहङगामकी स्‍याहप्‍च्‍यीया़गी तिहक्‍पा पेहकेमु किन्‍ज्‍योगी खुङया़ला ल़े ताङ माहनाङ, यिहॱनाङ खुङया़ला ङ्याल्‍वाला क्‍युर चाहङ नाङसीन, ओहले ठिम ताङ नाङगे ङ्यिहमा थु साप्‍स्‍यी तिहङकी ना़-जुबेला ताहम्‍दी ज़्‍या़ नाङदी येहबा।

तीतस 3:3

च्‍यिबेमाना तोहङले ओहराङॱआङ उल्‍दुम्‍बा येहकें, माक्‍यो ताम मिहङ्यीहन्‍गेनदी येहकें, आला ख्‍याम्‍दी येहकें, नामे नाजोकी डे़छ्या दाङ ङ्याहम्‍साङ खाम्‍साङकी योक्‍पु काहल्‍दी येहकें, मिहला सेम चोक्‍पा च्‍याङदी ठादो पेहती राहङगी मिहजी ताङगो येहकें, मिहया़गी ओहराङला ङ्येन्‍ज्‍येन पेहको येहकें ओहले ओहराङगीॱआङ मिहया़ला ङ्येन्‍ज्‍येनॱराङ पेहको येहकें।

एफिसी 4:31

रेबेॱराङ खोक्‍पा नाहक्‍पुया़, स्‍यिहताङ दाङ ङाहर्क्‍यालया़ पाङदोङ, मिहला खा चोक्‍पा ताङगेन्‍की पेहताङया़ पाङदोङ, मिह ताम च्‍येहकेन्‍की पेहताङया़ पाङदोङ, थाम्‍ज्‍यी नामे-नाजो ठादो पेहकेन्‍गी पेहताङया़ॱआङ ख्‍याया़गी पाङदोङ।