ल़ेह-पेन 7:57 - ह्योल्‍मो

⁵⁷ ओहजेला खुङया़गी क़े छ्यिम्‍बु तेन्‍दी राहङ-राहङगी नाम्‍ज्‍यो का़सीन ओहले खुङ थाम्‍ज्‍यीराङ स्‍तिफनास थो़ला च्‍योम काहल्‍सीन।

ल़ेह-पेन 7:57 Referans Kwoze

ल़ेह-पेन 23:27

पावल माएँ दि मिहला यहूदीया़गी सेच्‍ये म़ेदी ज़ुङसीन दुबा, यिहॱनाङ खोदी रोम क्‍याहल-खापगी नागरिकता ज़्‍योरक्‍योगी मिह दुबा। दि ताम क्‍यी़ह ज्‍योर फान्‍ज्‍यो ङाहगी राहङदीराङ माक्‍मीया़ ख्‍येर्ती दि मिहला या़हबु पेहती ओ़ह ग्‍या़लेगी खा फ़ेदी ख्‍योङसीन।

ल़ेह-पेन 7:54

स्‍तिफनासकी ताम थे़दी छो़बा छ्यिम्‍बुला तेहक्‍योगी मिहया़ ज्‍यिबुराङ स्‍यिहताङ लाहङसीन ओहले स्‍यिहताङगी सो मुहर्सीन।

ल़ेह-पेन 7:56

ओहले खोगी मासीन, “त़ेदोङ, ङाहगी स्‍यिहङगाम खा फे़क्‍यो थोङसीन, ओहले मिहगी स़ेबुला किन्‍ज्‍योगी योबा ङो़ले ज़्‍याङदी ज़्‍य़ूक्‍यो थोङसीन।”

ल़ेह-पेन 7:58

खुङया़गी स्‍तिफनासला तोहगी क्‍याहप्‍ती सेच्‍येला क्‍याहसा यिहन्‍ज्‍यु टिहते फिला ख्‍येर्ती। ओहले पाङबु तेहकेया़गी राहङगी चुङगा पित्‍ते शाऊल मिहन थो़क्‍यो स्‍यारा च्‍यी़गी काङबा पोहला ज़्‍या़सीन।