ल़ेह-पेन 7:30 - ह्योल्‍मो

³⁰ मिद्यान क्‍याहल-खापला लेप्‍ते लोह ज़्‍यिप-च्‍यु डोएँमु मोशागी सीनै लाहगी रिह-काम्‍बुला म़ेह ती़ह तेहक्‍यो चेहरेप नाहङला स्‍यिहङगामकी स्‍याहप्‍च्‍यी च्‍यी़ थोङसीन।

ल़ेह-पेन 7:30 Referans Kwoze

ल़ेह-पेन 7:35

ओ़ह मोशाराङ यिहन, खोला राहङ क्‍यिहपागीॱराङ दि ल़ेहमु म़ेदी चा़ माहबेबा येहकें, ‘सुगी ख्‍येला ङ्यिह थो़ला स्‍युहङ-पेन पेहच्‍ये दाङ ठिम ताङज्‍येला ताङबा?’ म़ेदी माक्‍यो येहकें, यिहॱनाङ मेह ती़ह तेहक्‍यो चेहरेप नाहङला खो ङ्याम्‍बु स्‍यिहङगामकी स्‍याहप्‍च्‍यी लाहमले किन्‍ज्‍योगी स्‍याहल सुङ नाङसीन ओहले मिहरोगीॱराङ इस्राएलीया़ला थार च्‍य़ूज्‍येला ओहले खुङया़गी थो़ला गोबा ज़ोज्‍येला ताङ नाङसीन।

ल़ेह-पेन 7:32

‘ङाह ख्‍येगी चावा अब्राहाम, इसहाक दाङ याकूबकी किन्‍ज्‍यो यिहम्‍बा।’ ओहजेला मोशा ज्‍यी़दी ल्‍होक-ल्‍होक दार्ती ताॱराङ मा़हखु।

ल़ेह-पेन 7:17

किन्‍ज्‍योगी अब्राहाम ङ्याम्‍बु ज़्‍या़ नाङग्‍योकी ताहम्‍ज्‍या तेहन्‍दा डुप्‍केन ती़हजी पोहला लेप्‍च्‍ये पेहती येहकें। ओहजेला इस्राएली मिहया़गी टाहङजी मिश्र क्‍याहल-खापला ज्‍यिबुराङ फेल्‍दी माहङबु काहल सिहन्‍ग्‍यो येहकें।

मर्कूस 12:26

स्‍यिदीले सोम्‍बो लो़हदी ओहङगेन्‍गी तेहन्‍दाला ती़हदी तेहक्‍यो मेह चेहरेप नाहङले किन्‍ज्‍योगी मोशाला च्‍यि सुङ नाङबा ओ़ह ख्‍यागी छ्य़ेला मा़हटाहबा? ओ़ह ती़हजीला किन्‍ज्‍योगी मोशाला दि ल़ेहमु सुङ नाङसीन, ‘ङाह अब्राहाम, इसहाक दाङ याकूबकी किन्‍ज्‍यो यिहम्‍बा’।

गलाती 4:25

हागार अरब क्‍याहल-खापकी सीनै लाह यिहम्‍बा, ओहले ताहङ-तिहरीङकी यरूशलेम ङ्याम्‍बु ओ़ह दुर ख़ूएँ। च्‍यिबेमाना राहङगी पेहजाया़ ङ्याम्‍बु मोहॱआङ छ्य़े-ठिमकी यो़मु काहल्‍दी येह।

लूका 20:37

ओहले स्‍यिक्‍यो मिहया़ येहपाराङ सोम्‍बो लो़हएँ माएँदी मोशागी या़हबु पेहती दास्‍यी तेर्ते येह। मेह ती़हदी तेहक्‍यो चेहरेपगी तेहन्‍दाला मोशागी चो़वो छ्येवाला, ‘अब्राहामकी किन्‍ज्‍यो, इसहाककी किन्‍ज्‍यो, ओहले याकूबकी किन्‍ज्‍यो’ म़ेदी क़े क्‍याहप नाङदी येहकें।

ल़ेह-पेन 7:31

ओहले मोशा ह्‍अ ल़ेहदी या़हबु पेहती ता डोएँमु खोगी चो़वो छ्येवागी दि ल़ेहमु सुङ-क़े थ़ेसीन,