ल़ेह-पेन 6:8 - ह्योल्‍मो

⁸ स्‍तिफनासगी चो़वोलेगी माहङबुराङ मेलाम दाङ स्‍युक ज्‍योर्ती येहकें। खोगी मिहया़गी पाहरक्‍यीला याहम्‍जेम्‍बागी ल़ेहया़ पेहती ताक्‍छेनया़ तेन्‍गो येहकें।

ल़ेह-पेन 6:8 Referans Kwoze

ल़ेह-पेन 7:55

यिहॱनाङ स्‍तिफनास नाम्‍पार-ताहक्‍पा थुगी काहङदे स्‍यिहङगाम ङो़ले त़ेदी तेहसीन। ओहजेला स्‍तिफनासगी किन्‍ज्‍योगी ज़िज्‍यिद दाङ येशूला किन्‍ज्‍योगी योबा ङो़ले ज़्‍याङदी ज़्‍य़ूक्‍यो थोङसीन।

ल़ेह-पेन 6:5

ल़ेह-पेनया़गी माक्‍योगी ताम थाम्‍ज्‍यीला या़हबु ऩेसीन। ओ़ह सोङबे खुङया़गी तेहपा दाङ नाम्‍पार-ताहक्‍पा थुगी काहङग्‍योगी स्‍तिफनास, फिलिप, प्रखरस, निकानोर, तीमोन, पर्मिनास दाङ यहूदी छ्य़ेला स्‍य़ूहक्‍यो एन्‍टिओखिया क्‍याहसाकी निकोलाउसला दाम्‍सीन।

१ तिमोथी 3:13

च्‍यिबेमाना डिकनगी स्‍युह कोहएँगी स्‍याहप्‍तो सुगी या़हबु पेहती स्‍युहएँ खुङगी येशू मास्‍यीकाला येहकेन्‍गी तेहपागी तेहन्‍दाला लेहमेनया़लाॱआङ स्‍युक छ्यिम्‍बु पेहती मा ख़ूज्‍ये येह।

ल़ेह-पेन 6:15

ओहजेला छो़बा छ्यिम्‍बुला तेहक्‍योगी मिह थाम्‍ज्‍यीगी स्‍तिफनासला छ्यारे पेहती त़ेदी तेहसीन। खोगी तोहङबादी स्‍यिहङगामकी स्‍याहप्‍च्‍यीदी ल़ेहमु क्‍या-साङे पेहती येहसेर क्‍याहप्‍क्‍यो थोङसीन।

ल़ेह-पेन 6:10

यिहॱनाङ नाम्‍पार-ताहक्‍पा थुगी स्‍तिफनासला दि ल़ेहमु रिहक्‍स्‍यी नाङसीन खोगी ताम माएँमु सुगीॱआङ ल़ेहन क्‍याहप मा़हखु।

ल़ेह-पेन 8:6

ओहले फिलिपकी ताम थे़दी खोगी पेहक्‍योकी याहम्‍जेन छ्येवागी ल़ेहया़ थोङ फान्‍ज्‍यो मिहया़गी खोगी तामला ज्‍यिबुराङ चा़ पेहती ङ्यिहन्‍सीन।

ल़ेह-पेन 6:3

ओ़ह सोङबे आदा-नो़हया़, ख्‍याया़गी पाहरक्‍यीले नाम्‍पार-ताहक्‍पा थु दाङ रिहक्‍स्‍यीगी काहङग्‍यो, ओहले मिहन थोप्‍क्‍यो मेहन्‍दा तिहन दाम्‍दोङ। ओहले दि साहज्‍ये थुङज्‍येगी ठाल ङ्यिह खुङला चि क्‍याहप्‍कें।

एफिसी 4:11

ओहले मिहरोगी मिहया़ला– लाहलाला ल़ेह-पेनया़, लाहलाला लुहङतेम्‍बाया़, लाहलाला या़हबु लेहङगु स्‍येकेन्‍गी मिहया़, लाहलाला पास्‍टरया़ ओहले लाहलाला लोबेनया़की काबापया़ नाङसीन।

यूहन्‍ना 4:48

ओहले येशूगी खोला सुङ नाङसीन, “ख्‍यागी ताक्‍छेन दाङ याहम्‍जेन छ्येवागी ल़ेहया़ माहथोङ थु च्‍यि पेहतीॱआङ यिह-मेहछ्य़ेएँ।”