ल़ेह-पेन 6:6 - ह्योल्‍मो

⁶ ओहले खुङया़गी ओ़ह दाम्‍ग्‍योगी मिह तिहनला ल़ेह-पेनया़गी दिनला ख्‍येर्सीन, ओहले ल़ेह-पेनया़गी सोल्‍वाङ ताप्‍ती राहङगी लाहक्‍पा खुङ थो़ला ज़्‍या़सीन।

ल़ेह-पेन 6:6 Referans Kwoze

२ तिमोथी 1:6

ओ़ह सोङबे ङाह ख्‍येला तोहङमागी तामया़ टेहम्‍बा साल च्‍य़ूगेनॱराङ माउ येह, ङाहगी ख्‍ये थो़ला लाहक्‍पा ज़्‍या़गेमु किन्‍ज्‍योगी नाङग्‍योकी काबापला ख्‍येगी मेह ल़ेहमुराङ पेहती ती़हदी तेह च्‍य़ूदोङ।

ल़ेह-पेन 1:24

ओहले खुङया़गी दि ल़ेहमु म़ेदी सोल्‍वाङ ताप्‍सीन, “मिह थाम्‍ज्‍यीगी सेमला येहकेन्‍गी ताम ङोह ख्‍येन नाङगे चो़वो छ्येवा, दि मेहन्‍दा ङ्यी़ नाहङला राहङगी का़हन्‍दीला दाम नाङग्‍यो येहबा ओ़ह ङ्यिहला तेन नाङदोङ,

१ तिमोथी 4:14

ख्‍येगी ज्‍योरक्‍योकी काबापला याहङसे मा़हने। ओ़ह काबाप लुहङतेम्‍बागी स्‍याहल सुङगेमु ओहले छेन्‍छोककी एल्‍डरया़गी ख्‍ये थो़ला लाहक्‍पा ज़्‍या़गेमु ख्‍येला ज्‍योरक्‍योकी काबाप यिहम्‍बा।

ल़ेह-पेन 8:17

पत्रुस दाङ यूहन्‍नागी राहङगी लाहक्‍पा खुङया़गी थो़ला ज़्‍या़गेमु खुङया़गी नाम्‍पार-ताहक्‍पा थु ज्‍योर्सीन।

ल़ेह-पेन 13:3

ओहले खुङ फे़बेया़गी येहपाराङॱआङ ङ्युङने तेहती खुङ ङ्यी़गी थो़ला लाहक्‍पा ज़्‍या़दी सोल्‍वाङ ताप्‍ती ताङ चाहङसीन।

ल़ेह-पेन 9:17

ओहले चो़वो छ्येवागी सुङ नाङग्‍योकी स्‍याहल ङ्यिहन्‍दी हननिया काहल्‍सीन। ओहले खो खाङबा नाहङला स्‍य़ूहदी शाऊलगी थो़ला राहङगी लाहक्‍पा ज़्‍या़दी मासीन, “नो़ह शाऊल, ख्‍ये ओहङगे लाहमला थ़ूक्‍यो चो़वो येशूगीराङ ख्‍येगी मी़ थोङ ख़ूज्‍यु ओहले ख्‍ये नाम्‍पार-ताहक्‍पा थुगी काहङ ख़ूज्‍यु म़ेदी ङाहला ताङ नाङग्‍यो यिहम्‍बा।”

१ तिमोथी 5:22

ह्‍अदा-ह्‍ओदे पेहती सु मिहज्‍यी थो़ला लाहक्‍पा ज़्‍या़दी खुङला छेन्‍छोककी एल्‍डर माहज़ो़। ओहले लेहमेन मिहया़गी पेहकेन्‍गी तिहक्‍पागी ल़ेहला लाहक्‍पा माहक्‍याहप। राहङला नाहम्‍माॱनाङ नाम्‍पार-ताहक्‍पा ज़्‍या़दोङ।

हिब्रू 6:2

नामे नाजोकी बप्‍तिस्‍मागी तेहन्‍दाला लुहङ, सुज्‍यी थो़ला लाहक्‍पा ज़्‍या़गेन्‍की ल़ेह, स्‍यिदीले सोम्‍बो लो़हगेन्‍गी केच्‍या दाङ था़ म़ेहबा ङ्य़ेहबा काल्‍गेन तामया़गी ब्राम येहपाराङ माहतिङ।

मर्कूस 5:23

ओहले खोगी, “ङाहगी पोहमो पी़हरु ज्‍यिबुराङ नेहपा येहबा, राहङ फेप नाङदी मोहला दे़ नाङदोङ ओहले मोह टा़हदी थार्च्‍ये येह” म़ेदी स्‍युहसीन।

ल़ेह-पेन 9:12

ओहले शाऊलगी राहङगी मी़ थोङज्‍यु म़ेदी हननिया मिहन थो़क्‍यो मेहन्‍दा च्‍यी़ नाहङला ओहङदी राहङगी थो़ला लाहक्‍पा ज़्‍या़क्‍यो ज्‍याल्‍गाला थोङदी येह।”

ल़ेह-पेन 19:6

ओहले पावलगी राहङगी लाहक्‍पा खुङ थो़ला ज़्‍या़एँमु नाम्‍पार-ताहक्‍पा थु खुङ थो़ला ज़्‍य़ू फेप्‍सीन। ओ़ह तिङले खुङया़गी लेहमेन लेहमेन क्‍यिहपागी तामया़ मासीन ओहले लुहङदेनया़ माज्‍ये छ़ूसीन।