ल़ेह-पेन 5:34 - ह्योल्‍मो

³⁴ ओहजे ती़हजीला गमलिएल माएँ मिहन थो़क्‍यो फरिसी छो़बागी दिनला लाहङसीन। खो छ्य़े-ठिम ताङगेन्‍गी गोबा यिहन्‍गे सोङबे मिह थाम्‍ज्‍यीगी चा़ पेहको येहकें। खोगी ल़ेह-पेनया़ला याहम्‍बीज्‍यीगी तेहन्‍दाला फिला ताङ चाहङदोङ म़ेदी का नाङसीन।

ल़ेह-पेन 5:34 Referans Kwoze

ल़ेह-पेन 22:3

ओहले पावलगी मासीन, “ङाह किलिकिया लुहङबागी टार्सस माएँ क्‍याहसाला क्‍येक्‍योगी यहूदी यिहम्‍बा। यिहॱनाङ, ङाह यरूशलेमलाराङ छारक्‍यो यिहम्‍बा। ओहले लोबेन गमलिएलगी स्‍याहप्‍च्‍यी पेहती ङाहगी ओहराङगी चावा यिहन्‍ज्‍यु ची़दी ओहङग्‍योगी छ्य़े-ठिम या़हबु पेहती लोप ङ्युहङसीन। तिहरीङ राहङ फे़बेया़गी किन्‍ज्‍यो ङो़ले काहजे सेम ताङग्‍यो येहबा, ओहजेराङ ङाहगीॱआङ राहङगी सेम किन्‍ज्‍यो ङो़ले ताङदे येहकें।

लूका 2:46

छोल-छोल्‍बा काहङला आबा-आमागी ङ्यिहमा सुम तिङले येशूला छ्योखाङला च्‍य़ेह सिहन्‍सीन। येशूनी छ्य़े-ठिमकी लोबेनया़गी पाहरक्‍यीला ज़्‍य़ूदी खुङया़गी ताम सेन्‍गेनॱराङ टी़हबा टी़हदी ज़्‍य़ू नाङग्‍यो च्‍य़ेह सिहन्‍सीन।

लूका 5:17

ङ्यिहमा च्‍यी़ येशूगी मिहया़ला सुङदेन नाङगेराङ येहकें। ओहजेला फरिसीया़ दाङ छ्य़े-ठिमकी लोबेनया़ येशूगी पोहला तेहती येहकें। ओहले खुङया़ गालील दाङ यहूदीयागी युहलया़ले, ओहले यरूशलेम क्‍याहसालेगीॱआङ ओहङदी येहकें। ओहले येशू ङ्याम्‍बु नेहपाया़ला टा़ह च्‍य़ूगेन चो़वो छ्येवागी ओङ येहकें।

ल़ेह-पेन 4:15

ओ़ह सुङगोराङ खुङया़गी पत्रुस दाङ यूहन्‍नाला छो़बा नाहङले फिला सोङ म़ेदी ताङ चाहङसीन ओहले खुङया़दी टे़ह क्‍याहप्‍च्‍ये छ़ूसीन,

यूहन्‍ना 3:10

येशूगी खोला सुङ नाङसीन, “ख्‍येनी इस्राएलीया़गी लोबेन यिहन, यिहॱनाङ दि केच्‍याया़ ङोह मे़हस्‍ये दु?

ल़ेह-पेन 5:21

ओ़ह स्‍याहल ङ्यिहन्‍दी खुङ ङाटुराङ छ्योखाङला काहल्‍दी मिहया़ला लोप्‍च्‍ये छ़ूसीन। ओहले पूजाहारी गो-छ्येवा दाङ खोगी रो़हया़गी इस्राएली गोबा थाम्‍ज्‍यीला छो़बाला क़े क्‍याहप्‍सीन। ओ़ह तिङले खुङया़गी ल़ेह-पेनया़ला चोन-खाङले तेन ख्‍येर-स्‍यो म़ेदी मिहया़ला ताङ चाहङसीन।

ल़ेह-पेन 5:27

ओहले खुङया़गी ल़ेह-पेनया़ला छो़बागी दिनला लाहङ च्‍य़ूसीन, ओहले पूजाहारी गो-छ्येवागी खुङया़ला टी़हसीन,

ल़ेह-पेन 5:35

ओ़ह तिङले गमलिएलगी छो़क्‍यो गोबाया़ला मासीन, “ए इस्राएली रो़हया़, ओ़ह मिहया़ला ख्‍यागी च्‍यि पेहच्‍ये पेहक्‍यो? जेम्‍बु पेहतोङ!