ल़ेह-पेन 5:2 - ह्योल्‍मो

² ओहले खुङ ङ्यी़गी टे़ह क्‍याहप्‍ती चोङग्‍यो स्‍यिहङगी टाङगा सिपाज्‍यी राहङगी तेहन्‍दालाराङ खाजुम्‍बा पेहती पेह ज़्‍या़सीन। ओहले लेहमेन टाङगादी हननियागी ख्‍योङदी ल़ेह-पेनया़गी दिनला ज़्‍या़सीन।

ल़ेह-पेन 5:2 Referans Kwoze

ल़ेह-पेन 4:37

ओहले खोगीॱआङ राहङगी स्‍यिहङ चोङदी टाङगा थाम्‍ज्‍यी ल़ेह-पेनया़ला चि क्‍याहप्‍सीन।

ल़ेह-पेन 5:3

ओहजेला पत्रुसगी मासीन, “ए हननिया, नाम्‍पार-ताहक्‍पा थु ङ्याम्‍बु स्‍योप क्‍याहप्‍कें दाङ स्‍यिहङ चोङग्‍योगी टाङगा सिपाज्‍यी राहङ ङ्याम्‍बु ज़्‍या़गेन्‍गी ताम ती़ह गो-छ्येवागी काहन्‍डुमु पेहती ख्‍येगी सेमला काङ तेर्पा?

यूहन्‍ना 12:6

खोगी प्राङबुया़ला च्‍याहम्‍बा पेहती माक्‍यो मिहम्‍बा येहकें, यिहॱनाङ खो कुमेन यिहन्‍गे सोङबे दि ल़ेहमु माक्‍यो यिहन्‍गे। च्‍यिबेमाना टाङगाकी खुमा खोलाराङ ज़्‍या़ च्‍य़ूक्‍यो येहकें ओहले खोगी ओ़ह खुमाले टाङगा तेन्‍गो येहकें।

मत्ती 23:5

खुङगी दि थाम्‍ज्‍यीराङ मिहया़ला तेन्‍ज्‍येला च्‍यी़राङ पेहकें। खुङ राहङगी प्राला दाङ लाहक्‍पा पुङबागी छ्य़े लू़क्‍योगी खुमाया़ छ्यिम्‍बु-छ्यिम्‍बु ज़ोएँ ओहले टाहङबु यिहन म़ेदी तेन्‍ज्‍येला राहङगी योल्‍सेनया़ला रिहङबु-रिहङबु फेन्‍जार ज़ोएँ।

१ तिमोथी 6:10

च्‍यिबेमाना ल़ेह चोक्‍पा ना थाम्‍ज्‍यीगी चार्ङ्यीदी क्‍युह-नोहरकी निङज्‍यी यिहम्‍बा। काहजे मिहया़गीनी क्‍युह-नोहरकी ह्‍अम्‍बाला छ्यिती तेहपा पेहच्‍ये क्‍युर्ती चोक्‍पा लाहम ङो़ले स्‍य़ूहदी येहबा। ओहले तुहक्‍पुगी खुङया़की सेम ज्‍यिबुराङ सुह क्‍याहप्‍ती येह।

फिलिप्‍पी 2:3

ख्‍या राहङला च्‍यी़राङ ख्‍येप्‍साङ ओहङगे दाङ छ्य़ेन्‍दो तेन्‍ज्‍येला च्‍यिॱआङ ल़ेहया़ माहबे यिहॱनाङ स्‍यिहवा पेहती राहङ म़ेदी लेहमेन छ्यिम्‍बु यिहन म़ेदी सेमला ने़दोङ।

ल़ेह-पेन 2:44

चो़वोला यिह छ्य़ेगेया़ ग्‍या़ च्‍यी़ला जोम्‍दी तेहको येहकें, ओहले राहङ ङ्याम्‍बु येहकेन्‍गी से़हया़ मिह थाम्‍ज्‍यीला के़ह तेर्को येहकें।

ल़ेह-पेन 5:1

हननिया माएँ मिह च्‍यी़ येहकें। ओहले खोगी पी़हमीगी मिहनदी सफीरा यिहन्‍गे। ओहले खुङ ङ्यी़गीॱआङ राहङगी स्‍यिहङ फेमा च्‍यी़ चोङसीन।

ल़ेह-पेन 5:8

ओहले पत्रुसगी, “ङाहला म़े ले, ख्‍या ङ्यी़गी स्‍यिहङ ओहजे टाङगालाराङ चोङग्‍यो यिहम्‍बा?” म़ेदी टी़हसीन। ओहले “लाहसो, ओ़हजेलाराङ चोङग्‍यो यिहम्‍बा” म़ेदी मोहगी मासीन।