ल़ेह-पेन 4:34 - ह्योल्‍मो

³⁴ खुङया़ नाहङला सुॱलाङ च्‍यि से़हदीॱआङ कोम्‍बु मेहयोहङ येहकें, च्‍यिबेमाना काहजे मिहया़ स्‍यिहङगी ताहक्‍पु येहकें खुङया़गी ओ़ह स्‍यिहङया़ चोङदी,

ल़ेह-पेन 4:34 Referans Kwoze

ल़ेह-पेन 2:45

खुङ राहङगी स्‍यिहङया़, पेलाया़ चोङदी सु सुला च्‍यी़ज्‍यीगी कोहपु येहबा खुङया़ला थाम्‍ज्‍यीराङ के़हदी तेर्को येहकें।

लूका 16:9

“ङाहगी ख्‍याला माएँ, जाम्‍बुलीङगी क्‍युहगी ङ्येहवाया़ जे़दोङ ओहले ओ़ह क्‍युह चो़हगे ती़हजीला ख्‍याला नाहमॱआङ था-मे़हछ्येएँगी ग्‍या़ला फेप स्‍युहज्‍ये येह।”

लूका 12:33

ख्‍यागी क्‍युहया़ चोङदी टाङगा प्राङबुया़ला के़हदी तेर! राहङगी तेहन्‍दाला निङबा मेहन्‍डोएँगी काहल्‍दाया़ जे़दोङ। स्‍यिहङगामला नाहमॱआङ मेहतोङगेन्‍गी क्‍युह स्‍यिहङगामला सी़दोङ। ओ़हला कुमेनॱआङ मेहस्‍योर्केन ओहले बुगीॱआङ मेहसाहएँ।

लूका 22:35

ओहले येशूगी स्‍याहप्‍च्‍यीया़ला, “ङाहगी ख्‍याला काहल्‍दा, लेकाम दाङ टाङगा माहख्‍येर्पा पेहती सोङ म़ेदी ताङगेमु ओहजेला ख्‍याला च्‍यिॱआङ कोम्‍बु काहल्‍बा?” म़ेदी टी़ह नाङसीन। ओहले स्‍याहप्‍च्‍यीया़गी, “च्‍यिॱआङ कोम्‍बु माहकाहल ला़ह” म़ेदी स्‍युहसीन।

मर्कूस 10:21

ओहले येशूगी खोला ज़ी़ नाङसीन ओहले च्‍याहम्‍बा जेती सुङ नाङसीन, “ता़ह ख्‍येगी राहङसा ल़ेह च्‍यी़ पेह कोहच्‍ये येहबा। काहल्‍दी राहङगी थाम्‍ज्‍यीराङ क्‍युह नोहरया़ चोङदी ओहङग्‍योगी टाङगा प्राङबुया़ला तेर ओहले ख्‍येगी स्‍यिहङगामला क्‍युह-नोहर ज्‍योर्च्‍ये येह ओहले ख्‍ये लोह ओहङदी ङाहला ताहदा क्‍याहप्‍ती स्‍यो।”

मत्ती 19:21

येशूगी खोला सुङ नाङसीन, “ख्‍ये थाम्‍ज्‍यीराङ से़हया़ला टाहङबु डोज्‍ये सेम येहसीमाना, काहल्‍दी ख्‍ये ङ्याम्‍बु का़ह येहकेन्‍दी थाम्‍ज्‍यीराङ क्‍युहया़ चोङदी ओहङग्‍योगी टाङगाया़ प्राङबुया़ला तेर, ओहले ख्‍येगी स्‍यिहङगामला क्‍युह ज्‍योर्च्‍ये येह, ओहले ओहङदी ङाहला ताहदा क्‍याहप्‍ती स्‍यो।”

१ तिमोथी 6:19

दि ल़ेहमु पेहती राहङगी तिङमा ओहङगेन्‍गी मिहलीकी तेहन्‍दाला या़हबु ब्राम तिङदी क्‍युह-नोहर सी़दे ज़्‍या़ ख़ूज्‍यु। ओहले खुङया़गी तेहन्‍दामकी मिहली ज़ुङदी ज़्‍या़ ख़ूज्‍ये येह।

ल़ेह-पेन 4:37

ओहले खोगीॱआङ राहङगी स्‍यिहङ चोङदी टाङगा थाम्‍ज्‍यी ल़ेह-पेनया़ला चि क्‍याहप्‍सीन।

याकूब 1:27

तुहक्‍पुला छ्यिक्‍यो ह्‍युग्‍मो दाङ टो़टेया़ला रो़हराम पेहकेन ओहले जाम्‍बुलीङकी चोक्‍पा से़हया़ यिहन्‍ज्‍यु राहङ था़-रिहङबु तेहकेंॱराङ किन्‍ज्‍यो याहपला थु ङ्य़ेबु ओहङगेन्‍गी चाङमा दाङ नाम्‍पार-ताहक्‍पा छ्य़े यिहम्‍बा।

१ थेसलोनिकी 4:12

ओ़ह ल़ेहमु पेहसीमाना ख्‍या फ़ेबे-म़ेहमेया़ला फि-मिहया़गीॱआङ ची़नाङ पेहच्‍ये येह। ओहले ख्‍याला कोहपु डोएँमु लेहमेन मिहया़ थो़ला रे़ह कोहच्‍ये म़ेह।

२ कोरिन्‍थी 8:14

यिहॱनाङ थाम्‍ज्‍यीला ङ्याम्‍बा ओहङज्‍यु म़ेदी दि ताहन्‍दागी ती़हजीला ख्‍याया़ ङ्याम्‍बु येहकेन्‍गी बोल्‍बु लाहमले खुङया़गी कोहपुया़ छाङबु डो ख़ूज्‍यु, ओ़हठीॱराङ पेहती खुङया़गी बोल्‍बु लाहमले ख्‍याया़गी कोहपु छाङबु पेह तेर्च्‍यु। दि ल़ेहमु पेहती ख्‍या थाम्‍ज्‍यी ङ्याम्‍बा ओहङज्‍ये येह।