ल़ेह-पेन 4:14 - ह्योल्‍मो

¹⁴ यिहॱनाङ ओ़ह कुच्‍या मिह टा़हदी पत्रुस दाङ यूहन्‍ना ङ्याम्‍बुराङ लाहङदी तेहक्‍यो थोङगोराङ खुङगी च्‍यिॱआङ मा मा़हखु।

ल़ेह-पेन 4:14 Referans Kwoze

ल़ेह-पेन 19:36

दि तामनी सुगीॱआङ मिहन म़ेदी मा मी़हखु। ओ़ह सोङगोराङ ख्‍या फ़ेबेॱया खाजुम पेहती तेहतोङ, च्‍यिॱआङ क्‍यी़ह-चोक्‍पा ल़ेहया़ पेहच्‍ये मेहयोहङगे।

ल़ेह-पेन 4:21

दि थे़दी खुङया़गी खुङ ङ्यी़ला तोहरोङ ठो़ तेन्‍दी ताङ चाहङसीन। खुङया़गी पत्रुस दाङ यूहन्‍नाला ङ्य़ेहबा काल्‍ज्‍येला च्‍यिॱआङ तामया़ माहन्‍ज्‍योर च्‍यिबेमाना खुङया़गी पेहक्‍योगी याहम्‍जेम्‍बा ल़ेहया़ थोङग्‍यो सोङबे मिह थाम्‍ज्‍यीगी किन्‍ज्‍योला त़ेरा तेच्‍या फुल्‍गेराङ येहकें।

ल़ेह-पेन 4:16

“ता़ह दि मिहया़ला ओहराङ च्‍यि पेहच्‍ये? खुङगी पेहक्‍योगी याहम्‍जेन छ्येवागी ल़ेहया़ यरूशलेमगी मिह थाम्‍ज्‍यीगी क्‍यी़ह ज्‍योर सिहन्‍दी येह। ता़ह ओहराङगी दि तामला मिहम्‍बा म़ेदीनी मा मी़हखु।

ल़ेह-पेन 4:10

राहङ फ़ेबेॱया दाङ इस्राएलगी मिह थाम्‍ज्‍यीला क्‍यी़ह ओहङज्‍यु, राहङ फे़बेया़गी दिनला लाहङदी तेहक्‍यो दि मिह नासरतगी येशू मास्‍यीकागी छेनला टा़हक्‍यो यिहम्‍बा। राहङ फ़ेबेॱयागीदी येशूला क्‍याहङस्‍यीङला च्‍याङदी से नाङसीन। यिहॱनाङ किन्‍ज्‍योगी येशूला टोहङग्‍यो ग्‍या़लेगी सोम्‍बो ज़्‍याङ च्‍य़ू नाङसीन।

ल़ेह-पेन 4:13

पत्रुस दाङ यूहन्‍ना माहङबु मा़हटाहबा मिह यिहन्‍गे यिहॱनाङ खुङ ङ्यी़गी मा़हन्‍ज्‍यीबा पेहती ताम मासीन। दि थोङदी मिह थाम्‍ज्‍यी ह्‍अ ल़ेहसीन। ओहले खुङया़गी पत्रुस दाङ यूहन्‍ना येशू ङ्याम्‍बुराङ तेहक्‍यो दु म़ेदी क्‍यी़ह ज्‍योर्सीन।

ल़ेह-पेन 4:15

ओ़ह सुङगोराङ खुङया़गी पत्रुस दाङ यूहन्‍नाला छो़बा नाहङले फिला सोङ म़ेदी ताङ चाहङसीन ओहले खुङया़दी टे़ह क्‍याहप्‍च्‍ये छ़ूसीन,