ल़ेह-पेन 4:13 - ह्योल्‍मो

¹³ पत्रुस दाङ यूहन्‍ना माहङबु मा़हटाहबा मिह यिहन्‍गे यिहॱनाङ खुङ ङ्यी़गी मा़हन्‍ज्‍यीबा पेहती ताम मासीन। दि थोङदी मिह थाम्‍ज्‍यी ह्‍अ ल़ेहसीन। ओहले खुङया़गी पत्रुस दाङ यूहन्‍ना येशू ङ्याम्‍बुराङ तेहक्‍यो दु म़ेदी क्‍यी़ह ज्‍योर्सीन।

ल़ेह-पेन 4:13 Referans Kwoze

१ कोरिन्‍थी 1:27

यिहॱनाङ खेम्‍बा ताहक्‍पुया़ला ङोहजाला छ्यि च्‍य़ूज्‍येला किन्‍ज्‍योगी जाम्‍बुलीङकी उल्‍दुम्‍बा से़हया़ला दाम नाङसीन, ओहले ओङ छ्यिम्‍बु येहकें मिहया़ला ङोहजाला छ्यि च्‍य़ूज्‍येला किन्‍ज्‍योगी जाम्‍बुलीङकी स्‍युकॱराङ म़ेहबाकी से़हया़ला दाम नाङसीन।

यूहन्‍ना 7:15

ओहले यहूदी गोबाया़गी ज्‍यिबुराङ ह्‍अ ल़ेहदी मासीन, “दि मिहगी टा़हॱआङ मा़हटाहबा पेहती दि रोहवा काह-ठि पेहती स्‍य़ेगे काहल्‍ग्‍यो यिहम्‍बा?”

मत्ती 11:25

ओहजेला येशूगी सुङ नाङसीन, “ओ़ किन्‍ज्‍यो याहप स्‍यिहङगाम दाङ जाम्‍बुलीङगी ताहक्‍पु, ङाहगी राहङला थुज्‍यी-छ्ये़ फुल्‍गे च्‍यिबेमाना रिहक्‍स्‍यी छ्यिम्‍बु दाङ टिहम्‍बु मिहया़ ङो़ले पे़हदी ज़्‍या़ नाङग्‍योकी स्‍याहल राहङगी च्‍यिॱआङ मे़हस्‍येएँगी मिहया़ला ङोह स्‍य़े च्‍य़ू नाङसीन।

मत्ती 26:73

याहम्‍बी तिङले ओ़ह ग्‍या़गी मिहया़गी पत्रुससाला ओहङदी, “तेहम्‍बाराङ ख्‍येॱआङ खो ङ्याम्‍बुराङ येहकें, ख्‍येगी ताम मालुगीॱराङ ङोह स्‍य़ेएँ!” म़ेदी मासीन।

यूहन्‍ना 7:49

यिहॱनाङ दि मिह मिह-माहङ नाहङला येहकेन काहजेगी मोशागी नाङग्‍योगी छ्य़े-ठिम ङोह मे़हस्‍येएँ, खुङया़गी थो़ला किन्‍ज्‍योगी मे़मु फो़ सिहन्‍दी येह।”

लूका 22:8

ओहले येशूगी पत्रुस दाङ यूहन्‍नाला, “ख्‍या ङ्यी़ काहल्‍दी थार्पा छ्येपागी डेन ठाबे पेह सोङ” म़ेदी सुङ नाङसीन।

मत्ती 26:71

म़ेदी यिल्‍दोगी कोहला फार काहल्‍सीन। कोहला लेहमेन यो़मु च्‍यी़गी ओ़हला येहकें मिहया़ला, “दि मिहनी नासरतगी येशू ङ्याम्‍बुराङ येहकें ले!” म़ेदी मासीन।

यूहन्‍ना 19:26

राहङगी आमा दाङ मिहरोगी च्‍याहम्‍बा जे नाङग्‍योकी स्‍याहप्‍च्‍यीला राहङ पोहलाराङ लाहङदी तेहक्‍यो ज़ी़दी येशूगी राहङगी आमाला सुङ नाङसीन, “आमा ज़ी़-नाङदोङ, राहङगी पुह!”

ल़ेह-पेन 4:14

यिहॱनाङ ओ़ह कुच्‍या मिह टा़हदी पत्रुस दाङ यूहन्‍ना ङ्याम्‍बुराङ लाहङदी तेहक्‍यो थोङगोराङ खुङगी च्‍यिॱआङ मा मा़हखु।

ल़ेह-पेन 4:19

ओहजेला पत्रुस दाङ यूहन्‍नागी मासीन, “ख्‍या फे़बेया़गी सुङ नाङग्‍योकी स्‍याहल ङ्यिहन्‍ज्‍ये नि किन्‍ज्‍योगी सुङ नाङग्‍योकी स्‍याहल ङ्यिहन्‍ज्‍ये, किन्‍ज्‍योगी दिनला का़हन्‍दी ठाबे यिहम्‍बा, ख्‍या फ़ेबेॱया राहङगीराङ साम्‍लु ताङ नाङदोङ ला़ह।

ल़ेह-पेन 4:29

ओ़ चो़वो, खुङया़गी तेन्‍ग्‍योकी ज्‍यी़-ङोर ङो़ले ज़ी़-नाङदोङ। ओहले राहङगी सुङदेन स्‍युक छ्यिम्‍बु पेहती स्‍येच्‍येला राहङगी स्‍याहप्‍तो स्‍युहएँया़ला स्‍युक नाङदोङ।

ल़ेह-पेन 4:31

दि रोहवा पेहती सोल्‍वाङ ताप सिहन फान्‍ज्‍यो खुङ छो़दी तेहक्‍यो ग्‍या़ युहङसीन। ओहले खुङ थाम्‍ज्‍यी नाम्‍पार-ताहक्‍पा थुगी काहङसीन ओहले खुङगी किन्‍ज्‍योगी सुङदेन मा़हन्‍ज्‍यीबा पेहती स्‍येती काहल्‍सीन।

ल़ेह-पेन 9:27

ओहले बारनाबास माएँ स्‍याहप्‍च्‍यीगी शाऊलला रो़ह पेहती ल़ेह-पेनया़ साला ख्‍येर्सीन। ओहले शाऊल दमस्‍कसला डोएँमु लाहमला चो़वो छ्येवा ङ्याम्‍बु ज्‍याल्‍दी चो़वो छ्येवागी खो ङ्याम्‍बु स्‍याहल सुङ नाङग्‍यो दाङ दमस्‍कसला मा़हन्‍ज्‍यीबा पेहती चो़वो छ्येवा येशूगी छेनला सुङ ख्‍येप्‍टा तेरक्‍योगी तामया़ बारनाबासगी स्‍येसीन।

ल़ेह-पेन 9:28

ओहले शाऊल यरूशलेमला खुङया़ ङ्याम्‍बु ज्‍यिक्‍पा माहबेबा पेहती फार छुर यू़हज्‍ये छ़ूसीन, ओहले खोगी मा़हन्‍ज्‍यी़बा पेहती चो़वो छ्येवागी छेनला सुङ ख्‍येप्‍टा स्‍येसीन।

१ कोरिन्‍थी 14:25

खोगी सेम नाहङगी तामया़ थोङज्‍ये येह, ओहले खोगी खेप्‍चु क्‍याहप्‍ती किन्‍ज्‍योला त़ेरा तेच्‍या फुल्‍ज्‍ये येह, ओहले खोगी “किन्‍ज्‍यो ख्‍याया़गी पाहरक्‍यीला ज़्‍य़ू नाङदी दु” म़ेदी स्‍येच्‍ये येह।

२ कोरिन्‍थी 3:12

ओ़ह सोङबे ङ्यिहती दि ल़ेहमु रेहवा येहकें सोङबे ङ्यिह तेहन्‍दामकी तामया़ स्‍येच्‍येला मी़हज्‍यी़एँ।