2 छ्योखाङ नाहङला स्य़ूहगे मिहया़ ङ्याम्बु सेङ्यिम लाङज्येला क्येएँ यिहन्ज्युराङ काङबा कुच्या मिह च्यी़ला मिहया़गी खुर ख्योङदी ङ्यिहमा-टाहङमाराङ छ्योखाङगी ज़ेबु माएँ कोह ग्या़ला ज़्या़ तेर्को येहकें।
लुस्त्रा क्याहसाला काङबा कुच्या मिह च्यी़ तेहको येहकें। ओहले खो क्येएँ यिहन्ज्युराङ काङबा कुच्या येहकें सोङगोराङ खो नाहमॱआङ लाहङदी डो मी़हखुएँ येहकें।
ओहले खोगी ख्यिम्जीया़ दाङ तोहङले खोला लाङदी तेहक्यो थोङगेनया़गी मासीन, “लाहमला तेहती लाङगे मिह च्यि दि मिहराङ मिहम्बा ले?”
यिहॱनाङ खोगी कोह ग्या़ला लाजरस माएँ ज़ुबु काहङग्याराङ स्योवादीराङ स्योवा थेन्ग्यो प्राङबु मिह च्यी़ तेहको येहकें।
सुङ नाङसीन, ‘ए कर्नेलियस, किन्ज्योगी ख्येगी सोल्वाङ सेन नाङदी येह ओहले ख्येगी प्राङबुया़ला पेहक्योगी रो़हराम ज़ी़ नाङदी येह।
ओहले येशू यरीहो क्याहसाला लेप्च्ये जेकेमु लाहमला मी़ मेहथोङगेन मिह च्यी़ लाङदे तेहती येहकें।
ओहले खो ज्यिबुराङ ज्यी़दी स्यिहङगामकी स्याहप्च्यीला या़हबु पेहती त़ेदी मासीन, “चो़वो छ्येवा सुङ नाङदोङ।” ओहले स्यिहङगामकी स्याहप्च्यीगी सुङ नाङसीन, “ख्येगी ताप्क्योगी सोल्वाङ दाङ प्राङबु मिहया़ला राहङगी सेम काहसो पेहती रो़हराम पेहक्योदी किन्ज्योगी ज़ी़ नाङदी येह।
दि रोहवा याहम्जेन छ्येवाच्यी पेहती टा़हक्यो मिहगी लो़ह, लो़ह-ज़्यिप-च्यु म़ेदीॱआङ ल्हाक्पु काहल्दी येहकें।
ओहले मिहया़गी खोला छ्योखाङगी ज़ेबु माएँ कोह ग्या़ला सेङ्यिम लाङदे तेहक्यो मिह दिराङ यिहन म़ेदी खोला ङोह स्य़ेसीन। “काहन्डुमु पेहती डो ख़ूएँ काहल्बा?” म़ेदी मिहया़ याहम्जेनज्यी ने़दी ह्अ ल़ेहसीन।