ल़ेह-पेन 3:19 - ह्योल्मो19 ता़हनी ख्या फे़बेया़गी सेमगी स्या़बा पेहती तिहक्पा पाङदी किन्ज्यो ङो़ले लो़ह नाङदोङ, ओहले किन्ज्योगी ख्या फे़बेया़गी तिहक्पा थाम्ज्यीराङ ता़ह च्य़ू नाङज्ये येह। दि ल़ेहमु पेहती ख्या फे़बेया़गी किन्ज्योलेगी यिहला लो तेहमु दाङ स्युक ज्योर्च्ये येह। Gade chapit la |
ल़ेह-पेन 3:19
73 Referans Kwoze
च्यिबेमाना दि मिहया़गी सेम ङोहॱराङ मे़हस्येएँ काहल्दी येह। खुङया़गी नाम्ज्यो मे़हथेगे काहल्दी येह ओहले खुङया़गी मी़ चुम्दी येह। मिहन्सीमानानी खुङया़गी थोङज्ये दाङ थे़ज्ये येहकें ओहले सेमगी ङोह स्ये़ज्ये येहकें ओहले खुङया़गी राहङगी सेम ङाह ङो़ले ग्युर्च्ये येहकें ओहले ङाह खुङया़ला टा़ह च्य़ूज्ये येहकें’।”
च्यिबेमाना ओ़ह मिहया़गी सेम ज्यिबुराङ सान्दी येह, खुङया़गी नाम्ज्यो थुक्पु काहल सिहन्दी येह ओहले खुङया़गी राहङगी मी़ चुम्दी येह! मिहन्सीमानानी खुङया़गी थोङज्ये येहकें, थे़ज्ये येहकें ओहले सेमगी ह्अ कोहज्ये येहकें। ओहले खुङया़गी राहङगी सेम ङाह ङो़ले लो़हज्ये येहकें ओहले ङाह खुङया़ला टा़ह च्य़ूज्ये येहकें’।”
ओ़ह ङ्यिहमाला चो़वो येशूगी राहङगी नाम्पार-ताहक्पा मिहया़ लाहमले ज़िज्यिद नोम नाङज्ये येह ओहले यिह छ्य़ेगेया़ थाम्ज्यीलाराङ ह्अ ल़ेह च्य़ू नाङज्येला मिहरो फेप नाङज्ये येह ओहजेला राहङ फे़बे-मे़हमेया़ॱआङ ओ़हला ओहङज्ये येह, च्यिबेमाना ङ्यिहगी तामला ख्या फ़ेबे-म़ेहमेया़गी यिह-छ्य़े जे नाङसीन।
आदा-नो़ह दाङ आज्यी-नुहमुया़, ख्यागी तिहङ रिहङबु केच्या च्यी़ ङोह स्ये़ज्यु माएँ ङाहती सेम्बा येहबा। ओ़ह ख्याला क्यी़ह ज्योर्सीन माना ख्यागी राहङगी तेहन्दाला छ्य़ेन्दो तेन्ज्ये म़ेह। दि तिहङ रिहङबु केच्या दि ल़ेहमु येहबा, ओहङ कोहएँगी लेहमेन क्यिहपाकी मिहया़ मास्यीकाला माहयोहङ थु च्यी़राङ इस्राएलीया़गी यिह सान्दी ओहङज्ये येह।
ओहले छेन्छोककी आदा-नो़हया़गी खुङया़ला ओ़ह ग्या़ले ताङ चाहङसीन। ओहले खुङया़ फोनिके दाङ सामरिया युहलले पेहती काहल्सीन, ओहजेला खुङया़गी ग्या़ ग्या़ला किन्ज्योला यिह-छ्य़े पेहक्यो आदा-नो़हया़ला लेहमेन क्यिहपागी मिहया़गीॱआङ किन्ज्योला सेमले खाल्दे येह माएँ ताम स्येसीन दि थे़दी खुङया़ ज्यिबुराङ क़ेहनाङ पेहसीन।
Piblisite