ल़ेह-पेन 27:5 - ह्योल्‍मो

⁵ ओहले किलिकिया दाङ पाम्‍फिलिया लुहङबागी छो-क्‍याहम्‍जो च्‍येती ङ्यिह लुकिया लुहङबाला येहकेन्‍गी माइरा क्‍याहसाला लेप्‍सीन।

ल़ेह-पेन 27:5 Referans Kwoze

ल़ेह-पेन 6:9

यिहॱनाङ लाहला मिहगीदी खोला टा़ह पेहच्‍ये छ़ूसीन। खुङ यहूदी छो़खाङगी राहङवाङ छो़बागी मिहया़ ओहले अलेक्‍जेन्‍ड्रिया क्‍याहसा दाङ कुरेनी, ओहले किलिकिया दाङ एशिया क्‍याहल-खाप छ्यिम्‍बुलेगी ओहङग्‍योगी यहूदीया़ यिहन्‍गे। खुङ थाम्‍ज्‍यी डी़दी स्‍तिफनास ङ्याम्‍बु स्‍येपा तुहर्केन छ़ूसीन।

ल़ेह-पेन 13:13

पाफोस क्‍याहसालेगी पावल दाङ खोगी रो़हया़ छ्यु-टुहला जा़दे पाम्‍फिलिया साने़की पर्गा माएँ क्‍याहसाला लेप्‍सीन। ओ़हला लेप्‍ती यूहन्‍नागी पावल दाङ बारनाबासला क्‍युर ज़्‍या़दी खो यरूशलेमला लो़ह काहल्‍सीन।

गलाती 1:21

ओ़ह तिङले ङाह सिरिया दाङ किलिकिया साने़ला फार काहल्‍सीन।

ल़ेह-पेन 22:3

ओहले पावलगी मासीन, “ङाह किलिकिया लुहङबागी टार्सस माएँ क्‍याहसाला क्‍येक्‍योगी यहूदी यिहम्‍बा। यिहॱनाङ, ङाह यरूशलेमलाराङ छारक्‍यो यिहम्‍बा। ओहले लोबेन गमलिएलगी स्‍याहप्‍च्‍यी पेहती ङाहगी ओहराङगी चावा यिहन्‍ज्‍यु ची़दी ओहङग्‍योगी छ्य़े-ठिम या़हबु पेहती लोप ङ्युहङसीन। तिहरीङ राहङ फे़बेया़गी किन्‍ज्‍यो ङो़ले काहजे सेम ताङग्‍यो येहबा, ओहजेराङ ङाहगीॱआङ राहङगी सेम किन्‍ज्‍यो ङो़ले ताङदे येहकें।

ल़ेह-पेन 21:39

ओहले पावलगी, “मिहम्‍बा ला़ह, ङाहनी किलिकिया क्‍याहल-खापला येहकेन्‍गी मिह माहङबुगीराङ ङोह स्‍ये़एँगी टार्सस क्‍याहसाकी यहूदी यिहम्‍बा” म़ेदी मासीन। ओहले, “ङाहला दि मिहया़गी दिनला च्‍यिरा़ ताम मा च्‍य़ू नाङदोङ” म़ेदीमाॱराङ स्‍युहसीन।

ल़ेह-पेन 15:41

ओहले खुङया़गी छेन्‍छोकया़ला आ़र क्‍ये च्‍य़ूएँराङ खुङ ङ्यी़ सिरिया दाङ किलिकिया साने़लेगी पेहती काहल्‍सीन।

ल़ेह-पेन 15:38

यिहॱनाङ पावलगी “मर्कूसला ङ्याम्‍बु ख्‍येर्ती डोज्‍येला या़हबु मेहयोहङगे” म़ेदी मासीन। च्‍यिबे मासीमाना मर्कूस ल़ेह सिहन्‍दा माहच्‍येह पेहती पाम्‍फिलिया साने़लेगी खुङया़ला क्‍युर ज़्‍या़दी खो लो़ह ओहङग्‍यो येहकें।

ल़ेह-पेन 15:23

ओहले छेन्‍छोककी थाम्‍ज्‍यीराङ मिहया़गी खुङया़ला दि ल़ेहमु यिहगी च्‍यी़ प्री़हदी ताङ चाहङसीन– “एन्‍टिओखिया, सिरिया दाङ किलिकिया साने़या़ला तेहकेन्‍गी लेहमेन क्‍यिहपागी किन्‍ज्‍योला यिह-छ्य़े पेहक्‍यो आदा-नो़हया़ दाङ आज्‍यी-नुहमुया़, ल़ेह-पेनया़ दाङ एल्‍डरया़ थाम्‍ज्‍यीलाराङ टास्‍यी-देले।

ल़ेह-पेन 2:10

फ्रिगिया, पाम्‍फिलिया, मिश्र, कुरेनी पोहला येहकेन्‍गी लिबिया क्‍याहल-खाप, रोम क्‍याहसा,