ल़ेह-पेन 26:14 - ह्योल्‍मो

¹⁴ ओहले ङ्यिह थाम्‍ज्‍यी साला रिहल्‍सीन, ओहजेला ङाहगी हिब्रू ताम ङो़ले दि ल़ेहमु सुङ-क़ेज्‍यी थ़ेसीन, ‘शाऊल, ए शाऊल, ख्‍ये ङाहला च्‍यिबे तुहक्‍पु तेर्के? ख्‍येगी ङाहला टाह पेहती च्‍यिॱआङ फेन मे़हथोएँ।’

ल़ेह-पेन 26:14 Referans Kwoze

ल़ेह-पेन 21:40

ओहले माक्‍पेन छ्यिम्‍बुगी, “ओहङगे म़ेदोङ” म़े फान्‍ज्‍यो पावल टे़बाला लाहङदी मिह थाम्‍ज्‍यीलाराङ खाजुम तेहतोङ म़ेदी ला़हदाप पेहसीन। ओहले मिहया़ थाम्‍ज्‍यीराङ खाजुम तेह फान्‍ज्‍यो पावलगी हिब्रू तामला ताम माज्‍ये छू़सीन–

ल़ेह-पेन 22:2

पावलगी हिब्रू ताम माएँ थे़गोराङ मिह मिह-माहङया़ खाजुम तेहसीन।

ल़ेह-पेन 9:7

शाऊल ङ्याम्‍बु डोएँगी मिहया़ थामा थोमे पेहती लाहङदी तेहसीन। खुङया़गी क़ेनी थ़ेसीन यिहॱनाङ सुॱलाङ माहथोङ।

१ कोरिन्‍थी 10:22

च्‍यि ओहराङगी चो़वोला ठादो लाहङच्‍युएँ? च्‍यि ओहराङ चो़वो म़ेदी ओङ छ्यिम्‍बु येहबा ले?

ल़ेह-पेन 26:13

ए क्‍याहल्‍बु, ङ्यिहमा फेचेला ङ्यिह दमस्‍कस क्‍याहसा ङो़ले डोॱराङ येहकें ओहजेला ङ्यिहमागी क्‍या-साङे म़ेदीॱआङ मी़राङ छ्यिप्‍कें थुकी क्‍या-साङे येहसेर ङ्यिह थो़ला क्‍याहप ओहङसीन।

ल़ेह-पेन 26:15

ओहले ङाहगी, ‘चो़वो, राहङ सु यिहम्‍बा लाह?’ म़ेदी टी़हसीन। ओहले चो़वोगी सुङ नाङसीन, ‘ङाह येशू यिहम्‍बा, ख्‍ये ङाहला तुहक्‍पु तेर्केॱराङ येह।