ल़ेह-पेन 24:23 - ह्योल्‍मो

²³ ओहले देजे म़े फान्‍ज्‍यो फेलिक्‍सगी माक्‍पेनला, “पावलला या़हबु पेहती सुङदोङ। यिहॱनाङ, खोला कोहकेन्‍गी से़हया़ क्‍याल ओहङगेन्‍गी रो़हया़लादी मा़हका ओहले खोला तेहमु पेहती ज़्‍या़दोङ” म़ेदी का नाङसीन।

ल़ेह-पेन 24:23 Referans Kwoze

ल़ेह-पेन 28:16

रोमला लेप फान्‍ज्‍यो पावलला राहङगी सेमला ने़जेबा खाङबा च्‍यी़ लेहन्‍दी तेहच्‍येला ओङ ज्‍योर्सीन। ओहले खोला सुङज्‍येला माक्‍मी च्‍यी़ॱआङ ज़्‍या़सीन।

ल़ेह-पेन 27:3

ओहले नाहङबार च्‍युङ ङ्यिह सीदोन क्‍याहसाला लेप्‍सीन। ओ़ह ग्‍या़ला माक्‍पेन युलियसगी पावलला निङज्‍यी पेहती राहङगी रो़हया़साला काहल्‍दी थू़ज्‍ये दाङ रो़हराम पेहॱलाङ माज्‍येला लोहङ तेर्सीन।

ल़ेह-पेन 28:31

ओहले खोगी सुॱलाङ मा़हन्‍ज्‍यीबा पेहती किन्‍ज्‍योगी क्‍याहल्‍सीगी तेहन्‍दाला खाम छ्यिम्‍बु पेहती प्रा साल्‍गो येहकें, ओहले चो़वो येशू मास्‍यीकागी तेहन्‍दाला लोप्‍को येहकें ओहले खोला सुज्‍यीगीॱआङ मे़हका येहकें।

ल़ेह-पेन 24:26

ओहले फेलिक्‍सगी पावल लाहमले टाङगा साह ङ्युहङगे नि म़ेदी रेहवा पेहक्‍यो येहकें। ओ़ह सोङबे पावलला लेहमा टाहङमाराङ क़े क्‍याहप्‍ती ताम टी़हउ येहकें।

ल़ेह-पेन 23:35

“ओ़हठी यिहन्‍सीमाना ख्‍येला क्‍येन ता़गे मिहया़ ओहङज्‍यु, ओहले ङाहगी ख्‍येगी ताम ङ्यिहन्‍गे लोह!” म़ेदी स्‍युहङ-पेन छ्यिम्‍बुगी मासीन। ओहले स्‍युहङ-पेन छ्यिम्‍बुगी पावलला या़हबु पेहती सुङदी तेहतोङ म़ेदी क्‍याहल्‍बु हेरोदकी क्‍याहल-गाङ नाहङला ज़्‍या़ज्‍येला का तेर्सीन।

ल़ेह-पेन 23:16

ओहले खुङगी सेच्‍ये म़ेदी टे़ह क्‍याहप्‍क्‍योगी तामदी पावलगी नुहमुकी पुहगी क्‍यी़ह ज्‍योर्सीन। ओहले खो माक्‍मीया़ तेहकेन्‍गी खाङबा नाहङला काहल्‍दी पावलला स्‍येसीन।

ल़ेह-पेन 25:4

ओहले फेस्‍तसगी मासीन, “पावलला कैसरियागी चोन-खाङलाराङ ज़्‍या़दी येहबा, ङाहॱआङ ग्‍यो़बाराङ ओ़ह ग्‍या़ला डोउ येहबा।