ल़ेह-पेन 23:15 - ह्योल्‍मो

¹⁵ ता़ह राहङ फे़बेया़गी माक्‍पेन छ्यिम्‍बुला ‘छो़बा छ्यिम्‍बु ङो़ले पावलला लेहमेन तामया़ॱआङ टी़ह कोहच्‍ये येह’ म़ेदी पावलला ओ़ह माक्‍मीया़गी खाङबाले तेन नाङदोङ। ओहले खो छो़बा छ्यिम्‍बुला ओहङगे ती़हजी ङ्यिहगी खोला लाहमलाराङ सेकें” म़ेदी मासीन।

ल़ेह-पेन 23:15 Referans Kwoze

ल़ेह-पेन 22:30

ओहले नाहङबार च्‍युङ यहूदीया़गी पावलला च्‍यिबे फातुर च़ूक्‍यो यिहम्‍बा म़ेदी ङोह स्‍येच्‍येला माक्‍पेन छ्यिम्‍बुगी पूजाहारी छ्यिम्‍बु दाङ छो़बागी मिह थाम्‍ज्‍यीला क़े क्‍याहप्‍ती छो़बा पेहच्‍येला का नाङसीन। ओहले पावलला ख्‍योङदी मिह थाम्‍ज्‍यीगी दिनला लाहङ च्‍य़ूसीन।

ल़ेह-पेन 25:3

ओहले खुङया़गी, “पावलला यरूशलेमला ताङ नाङदोङ” म़ेदी फेस्‍तसला स्‍युहसीन। च्‍यिबेमाना पावलला लाहमला ओहङगे ओहङगेमुॱराङ सेच्‍ये म़ेदी खुङगी टे़ह क्‍याहप सिहन्‍दी येहकें।

यूहन्‍ना 18:12

ओ़ह तिङले माक्‍मीया़गी मिह बा़ल च्‍यी़, खुङया़गी माक्‍पेन दाङ यहूदीया़की कोह सुङगे मिहया़गी येशूला ज़ुङदी ताहम्‍सीन।

ल़ेह-पेन 23:1

पावलगी छो़बागी छ्यो़ ज़्‍यिलाराङ त़ेदी मासीन, “आदा-नो़हया़, तिहरीङगी ङ्यिहमा थु किन्‍ज्‍योगी ज़ी़लुला ङाहगी नावा चाङमा पेहती मिहजी ताङदे येह”

ल़ेह-पेन 23:6

ओहले ओ़ह छो़बाला सदुकी दाङ फरिसी माएँ छो़बा ङ्यिकाराङ येहबा माएँ क्‍यी़ह येहकें सोङगोराङ पावलगी क़े छ्यिम्‍बु तेन्‍दी मासीन, “ए आदा-नो़हया़, ङाह फरिसीगी पुह फरिसीॱराङ यिहम्‍बा! स्‍यिक्‍यो मिह येहपाराङ सोम्‍बो लो़हज्‍ये येह म़ेदी रेहवा पेहक्‍यो सुङगोराङ ङाहला देला ठिम ताङगेराङ येह!” म़ेदी पावलगी मासीन।