ल़ेह-पेन 23:1 - ह्योल्मो1 पावलगी छो़बागी छ्यो़ ज़्यिलाराङ त़ेदी मासीन, “आदा-नो़हया़, तिहरीङगी ङ्यिहमा थु किन्ज्योगी ज़ी़लुला ङाहगी नावा चाङमा पेहती मिहजी ताङदे येह” Gade chapit la |
ल़ेह-पेन 23:1
17 Referans Kwoze
ङ्यिह दि जाम्बुलीङला च्यी़राङ मिहम्बा यिहॱनाङ ख्याया़गी दिनॱलाङ ङ्यिहगी राहङगी डोलु-तेहलुया़ टाहङबु पेहती किन्ज्योगी थु-ङ्य़ेबुगी मिहजी ताङदी येहबा दि तामला ङ्यिह ख्याया़ला छ्य़ेन्दो तेन्दी मा ख़ूएँ ओहले ङ्यिहगी राहङगी नावागीॱआङ दिराङ पाङबु तेर्के, दि जाम्बुलीङगी रिहक्स्यी लाहमले मिहम्बा, यिहॱनाङ दि किन्ज्योगी काटीन लाहमले यिहम्बा।
दि ङाहगी माक्योगी ताम तेहम्बाराङ यिहम्बानी मिहम्बा म़ेदी पूजाहारी गो-छ्येवा दाङ यहूदी गोबाया़गी सुङ थुप्च्ये येह। खुङ फे़बेया़गीराङ ङाहला दमस्कस क्याहसाला तेहकेन्गी यहूदी आदा-नो़हया़गी मिहनला यिहगी नाङसीन ओहले ओ़ह यिहगीला चो़वो येशूला यिह-छ्य़े पेहकेन्गी मिहया़ला जु़ङज्येला ङाहला ओङ ज़्योरक्यो येहकें। ओ़ह सोङबे खुङया़ला यरूशलेमला ख्योङदी ङ्य़ेहबा तेर्च्येला ङाह दमस्कसला डोॱराङ येहकें।
ङ्यिहगी ङोह छाएँगी ल़ेहया़ दाङ यिहप्ती-यिहप्ती पेहकेन्गी ल़ेह चोक्पाया़ पाङदी येहबा। ङ्यिह गो़ कोर च्य़ूदी ल़ेह मेहबेकें ओहले किन्ज्योगी सुङला याहर-माहर मेहबेकें। यिहॱनाङ तेहन्दामला ङ्यिह छ्यिसाल-नाहङसाल पेहती प्रा साल्गे ओहले किन्ज्योगी ज़ी़लुला ङ्यिह तेहन्दाम दाङ टाहङबु पेहती मिह थाम्ज्यीगी थोङगे पेहती मिहजी ताङगेराङ येह।
ओहले ओ़ह छो़बाला सदुकी दाङ फरिसी माएँ छो़बा ङ्यिकाराङ येहबा माएँ क्यी़ह येहकें सोङगोराङ पावलगी क़े छ्यिम्बु तेन्दी मासीन, “ए आदा-नो़हया़, ङाह फरिसीगी पुह फरिसीॱराङ यिहम्बा! स्यिक्यो मिह येहपाराङ सोम्बो लो़हज्ये येह म़ेदी रेहवा पेहक्यो सुङगोराङ ङाहला देला ठिम ताङगेराङ येह!” म़ेदी पावलगी मासीन।
यिहॱनाङ ङाह ख्याया़ला माएँ, का़हन्दीगी राहङगी नो़ह ङ्याम्बु स्यिहताङ पेहकें खो ङ्य़ेहबा खुर्च्ये सी़हएँ, ओहले का़हन्दीगी राहङगी नो़हला ङ्याप्च्यु पेहकें, खोगी छो़बा छ्यिम्बुगी दिनला ल़ेहन क्याहप कोहच्ये येह। यिहॱनाङ का़हन्दीगी राहङगी नो़हला ‘ख्ये उल्दुम्बा’ म़ेदी माएँ, खो ङ्याल्वागी मेहला छ्यिकेन्गी ज्यिक्पा ओहङज्ये येह।”
Piblisite