ल़ेह-पेन 22:8 - ह्योल्‍मो

⁸ ओहले ङाहगी, ‘चो़वो छ्येवा! राहङ सु यिहम्‍बा ला़ह?’ म़ेदी टी़हसीन। ओहले चो़वो छ्येवागी ‘ङाह नासरतकी येशू यिहम्‍बा, ख्‍येगी ङाहला तुहक्‍पु तेर्केॱराङ येह’ म़ेदी सुङ नाङसीन।

ल़ेह-पेन 22:8 Referans Kwoze

ल़ेह-पेन 26:9

यिहन्‍ज्‍येनी, ङाहगीॱआङ ला़ खाजेबा नासरतगी येशूला टाह पेह कोहएँ म़ेदी सेम क्‍ये़दी येहकें।

ल़ेह-पेन 6:14

“नासरतकी येशूगी दि छ्योखाङला रोम्‍ज्‍ये येह ओहले मोशागी ङ्यिहला नाङग्‍योगी पे-ठिमॱआङ च्‍ये तेर्च्‍ये येह” म़ेदी दि ल़ेहमु तामया़ दि मिहगी माक्‍यो ङ्यिह राहङगीराङ थे़दी येह।

ल़ेह-पेन 4:10

राहङ फ़ेबेॱया दाङ इस्राएलगी मिह थाम्‍ज्‍यीला क्‍यी़ह ओहङज्‍यु, राहङ फे़बेया़गी दिनला लाहङदी तेहक्‍यो दि मिह नासरतगी येशू मास्‍यीकागी छेनला टा़हक्‍यो यिहम्‍बा। राहङ फ़ेबेॱयागीदी येशूला क्‍याहङस्‍यीङला च्‍याङदी से नाङसीन। यिहॱनाङ किन्‍ज्‍योगी येशूला टोहङग्‍यो ग्‍या़लेगी सोम्‍बो ज़्‍याङ च्‍य़ू नाङसीन।

ल़ेह-पेन 3:6

ओहले पत्रुसकी मासीन, “ङाह ङ्याम्‍बु सेर ङुलनी म़ेह। यिहॱनाङ, ङाह ङ्याम्‍बु च्‍यि येहबा, ओ़हदीॱराङ ख्‍येला तेर्कें। नासरतकी येशू मास्‍यीकागी छेनला लाहङदी सोङ!”

मत्ती 25:45

ओ़ह ती़हजीला ज़्‍य़ू-ठिला ज़्‍य़ू नाङगेन क्‍याहल्‍बुगी खुङया़ला दि ल़ेहमु सुङ नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि च्‍यि माहबेबा, ओ़ह ख्‍याया़गी ङाहलाराङ माहबेबा यिहम्‍बा।’

मत्ती 2:23

ओहले खुङ नासरत माएँ क्‍याहसाला काहल्‍दी तेहसीन। दि ल़ेहमु पेहती लुहङतेम्‍बाया़ लाहमले सुङ नाङग्‍योकी स्‍याहल तेहन्‍दा डुप्‍सीन, “मिहरोला नासरी माज्‍ये येह।”

१ कोरिन्‍थी 12:12

पे यिहॱना़, ओहराङगी ज़ुबुला ना माहङबुराङ ओङबुया़ येहबा– दि नामे नाजो ओङबुया़ डी़दी ज़ुबु च्‍यी़राङ डोएँ। मास्‍यीकाॱआङ ओ़ह ल़ेहमुराङ यिहम्‍बा।

मत्ती 25:40

ओहजेला ज़्‍य़ू-ठिला ज़्‍य़ू नाङगे क्‍याहल्‍बुगी दि ल़ेहमु सुङदी ल़ेहन क्‍याहप नाङज्‍ये येह, ‘तेहम्‍बाराङ ङाह ख्‍याया़ला माएँ, ङाहगी नो़ह-नुहमुया़ नाहङला थाम्‍ज्‍यी म़ेदी फेमाला ख्‍याया़गी च्‍यि पेहपा, ओ़ह ङाहलाराङ पेहक्‍यो यिहम्‍बा’।”

ल़ेह-पेन 10:14

ओहले पत्रुसगी मासीन, “मिहम्‍बा चो़वो छ्येवा, च्‍यिबेमाना ङाहगी नाहमॱआङ टाहङबु म़ेहबा दाङ मेहचाङा से़हया़ से़दी म़ेह!”

ल़ेह-पेन 22:7

ओहले ङाह साला रिहल्‍सीन, ओहले ङाहगी दि रोहवा सुङ-क़े च्‍यी़ थ़ेसीन, ‘ए शाऊल, ए शाऊल ख्‍येगी ङाहला च्‍यिबे तुहक्‍पु तेर्कें?’ म़ेदी टी़हक्‍यो थ़ेसीन।