ल़ेह-पेन 22:12 - ह्योल्‍मो

¹² ओ़ह क्‍याहसाला हननिया मिहन थो़क्‍यो मेहन्‍दा च्‍यी़ तेहको येहकें। ओहले खोगी मोशागी नाङग्‍यो छ्य़े-ठिमया़ या़हबु पेहती ची़उ येहकें। ओहले खो मिह टाहङबु येहकें ओहले दमस्‍कसला तेहकेन्‍गी यहूदी थाम्‍ज्‍यीगी खोला ची़नाङ पेहको येहकें।

ल़ेह-पेन 22:12 Referans Kwoze

ल़ेह-पेन 10:22

ओहले खुङगी मासीन, “माक्‍पेन कर्नेलियसगी ङ्यिहला ताङ नाङग्‍यो यिहम्‍बा। खो टाहङबु पेहकेन दाङ किन्‍ज्‍योगी ज्‍यिक्‍पा खुर्केन्‍गी मिह यिहम्‍बा, ओहले यहूदी क्‍यिहपागी मिहया़गीॱआङ खोला ची़नाङ पेहकें। नाम्‍पार-ताहक्‍पा स्‍यिहङगामकी स्‍याहप्‍च्‍यी च्‍यी़ खोसाला लेप्‍सीम्‍बाराङ ‘पत्रुसला राहङगी खाङबाला क़े क्‍याहप्‍ती खोगी ताम ङ्यिहन्‍दोङ’ म़ेदी म़े ज़्‍या़सीन दुबा। ओ़ह सोङगोराङ ङ्यिहगी क़े क्‍याहप ओहङग्‍यो” म़ेदी कर्नेलियसगी ताङग्‍यो मिहया़गी मासीन।

ल़ेह-पेन 6:3

ओ़ह सोङबे आदा-नो़हया़, ख्‍याया़गी पाहरक्‍यीले नाम्‍पार-ताहक्‍पा थु दाङ रिहक्‍स्‍यीगी काहङग्‍यो, ओहले मिहन थोप्‍क्‍यो मेहन्‍दा तिहन दाम्‍दोङ। ओहले दि साहज्‍ये थुङज्‍येगी ठाल ङ्यिह खुङला चि क्‍याहप्‍कें।

३ यूहन्‍ना 1:12

डेमेत्रियसलाती मिह थाम्‍ज्‍यीगी या़हबु माएँ ओहले तेहन्‍दाम राहङगीॱआङ खोगी तेहन्‍दाला पाङबु नाङगे। ङ्यिहॱआङ खोगी पाङबु येह। ङ्यिहगी पाङबु तेहन्‍दाम यिहन म़ेदीनी ख्‍याया़लाॱआङ क्‍यी़हराङ येह।

हिब्रू 11:2

ताहङबोगी मिहया़गीॱआङ यिह-छ्य़े पेहक्‍यो सोङबे किन्‍ज्‍यो खुङया़ ङ्याम्‍बु थु काहसो जे नाङसीन।

१ तिमोथी 3:7

येहपाराङ, फि मिहया़गी तन्‍दोलाॱआङ खो या़हबु सी़ह कोहएँ, मिहन्‍सीमाना खोती आब्रु स्‍योर्ज्‍ये येह ओहले खो ती़ह गो-छ्येवागी मिताला छ्यिच्‍ये येह।

२ कोरिन्‍थी 6:8

ङ्यिहला मिहया़गी चा़ पेहॱनाङ मेहबेॱनाङ, ङ्यिहती मिहन चोक्‍पा डोॱनाङ मिहन थोपॱनाङ ङ्यिहला मिहया़गी क्‍येन ता़ मी़हखुएँ छ्याप्‍स्‍यी पेहती ङ्यिह किन्‍ज्‍योगी छ्या़लेया़ पेहको येह। मिहया़गी तालुला ङ्यिह ठाग तिएँगी मिहया़ ल़ेहमु काहल्‍सीन, यिहॱनाङ ङ्यिहगी सुज्‍यीॱलाङ ठाग ती़दे म़ेह।

ल़ेह-पेन 17:4

ओहले खुङया़ नाहङला रेहरे यहूदीया़की चो़वोला सेमले खाल्‍सीन ओहले किन्‍ज्‍योगी ज्‍यिक्‍पा पेहकेन ग्रीक क्‍यिहपागी मिह माहङबुराङगी ओहले मिहन छ्यिम्‍बु थोप्‍क्‍यो पी़हमी पेहजाया़गीॱआङ चो़वोला सेमले खाल्‍दे पावल दाङ सिलास ङ्याम्‍बु काहल्‍सीन।

ल़ेह-पेन 8:2

ओहले किन्‍ज्‍योला छ्य़ेसेम पेहकें मिहया़गी स्‍तिफनासकी फुङबुला ख्‍येर्ती फुक्‍पाला तो़हसीन, ओहले स्‍तिफनासला सेक्‍योगी तेहन्‍दाला खुङ ज्‍यिबुराङ ङ्याहङेन पेहसीन।

लूका 2:25

ओ़ह ती़हजीला यरूशलेम क्‍याहसाला शिमियोन माएँ मिह च्‍यी़ तेहको येहकें। खो टाहङबु पेहकेन दाङ छ्य़ेसेम पेहकेन मिह यिहन्‍गे। ओहले खो किन्‍ज्‍योगी इस्राएल क्‍यिहपाया़ला थार च्‍य़ू नाङगेन्‍गी मास्‍यीकाकी लाहम त़ेदी तेहको येहकें। ओहले नाम्‍पार-ताहक्‍पा थु खो ङ्याम्‍बुराङ ज़्‍य़ूदी येहकें।