ल़ेह-पेन 21:4 - ह्योल्‍मो

⁴ ओहले ओ़हला तेहकेन्‍गी चो़वो येशूगी स्‍याहप्‍च्‍यीया़ला ङ्यिह थु काहल्‍सीन ओहले ङ्यिह खुङ ङ्याम्‍बु साता च्‍यी़ तेहसीन। ओहले नाम्‍पार-ताहक्‍पा थु लाहमले रिहक्‍स्‍यी ज्‍योर्ती खुङगी पावलला यरूशलेमला माहन्‍डो म़ेदी उर्चु पेहसीन।

ल़ेह-पेन 21:4 Referans Kwoze

ल़ेह-पेन 28:14

ओ़हला ङ्यिहगी चो़वो छ्येवा येशूला यिह-छ्य़े पेहकेन्‍गी आदा-नो़हया़ला थ़ूसीन। ओहले खुङया़गी ङ्यिहला साता च्‍यी़ तेहतोङ म़ेदी मासीन। ओहले ङ्यिह खुङया़ ङ्याम्‍बु साता च्‍यी़ तेहती रोम क्‍याहल-खापला काहल्‍सीन।

ल़ेह-पेन 19:1

अपोल्‍लोस कोरिन्‍थी क्‍याहसाला येहकेंमु पावल ग्‍या़ माहङबुराङ कोरा क्‍याहप्‍ती एफिसस क्‍याहसाला लेप्‍सीन। एफिसस क्‍याहसाला लेप्‍सीम्‍बाराङ पावलगी चो़वो येशूला यिह-छ्य़े पेहकेन्‍गी लाहला स्‍याहप्‍च्‍यीया़ला थ़ूसीन।

ल़ेह-पेन 11:26

ओहले शाऊलला टार्सस क्‍याहसाला च्‍य़ेह सिहन्‍दी खोला एन्‍टिओखिया क्‍याहसाला ख्‍योङसीन। ओहले खुङ ङ्यी़गी लोह च्‍यी़ थु एन्‍टिओखियागी छेन्‍छोककी मिहया़ ङ्याम्‍बु छोक्‍पा पेहकेनॱराङ सुङ ख्‍येप्‍टा तेर्सीन। एन्‍टिओखिया लुहङबालाराङ तोहङस्‍यो मास्‍यीकागी स्‍याहप्‍च्‍यीया़ला मास्‍यीकापा म़ेदी माक्‍यो यिहम्‍बा।

मत्ती 10:11

“ख्‍याया़ क्‍याहसा दाङ युहलया़ला स्‍य़ूहगेमु ख्‍याया़ला चा़ पेहकेन्‍गी मिहला छोल्‍दोङ ओहले ओ़ह युहललेगी थेन्‍दी माहकाहल थु ख्‍याया़ खोसालाराङ तेहतोङ।

ज्‍याल्‍गा 1:10

चो़वोकी ङ्यिहमाला ङाह नाम्‍पार-ताहक्‍पा थुगी काहङदी येहकें, ओहले रोहवा-लीङती ल़ेहमु छ्यिम्‍बु सुङ-क़ेला ङाहगी क्‍याहप ङो़ले ङाहला दि ल़ेहमु सुङगेनॱराङ जेक्‍यो ङाहगी थ़ेसीन,

२ तिमोथी 1:17

खो रोम क्‍याहल-खापला ओहङ फान्‍ज्‍यो खोगी ङाहला छोल-छोल्‍बा काहङला च्‍य़ेह सिहन्‍सीन।

ल़ेह-पेन 9:16

ओहले ङाहगी मिहनगी तेहन्‍दाला खोगी काहजे तुहक्‍पु ना़ कोहच्‍ये येह, ओ़ह ङाहगी खोला तेन्‍ज्‍ये येह” म़ेदी चो़वो छ्येवागी सुङ नाङसीन।

ल़ेह-पेन 21:16

कैसरिया क्‍याहसागी लाहला स्‍याहप्‍च्‍यीया़ॱआङ ङ्यिह ङ्याम्‍बुराङ ओहङसीन। ओहले खुङगी ङ्यिहला मनासोन माएँ मिहगी खाङबाला क्‍याल तेर्सीन। खोदी साइप्रस छोलिङले ओहङग्‍यो येहकें। तोहङस्‍यो चो़वोला यिह-छ्य़े पेहकें मिहया़ नाहङला खोॱआङ च्‍यी़ यिहन्‍गे।