ल़ेह-पेन 2:45 - ह्योल्‍मो

⁴⁵ खुङ राहङगी स्‍यिहङया़, पेलाया़ चोङदी सु सुला च्‍यी़ज्‍यीगी कोहपु येहबा खुङया़ला थाम्‍ज्‍यीराङ के़हदी तेर्को येहकें।

ल़ेह-पेन 2:45 Referans Kwoze

१ यूहन्‍ना 3:17

जाम्‍बुलीङगी क्‍युह-नोहर येहकेया़गी राहङगी आदा-नो़ह दाङ आज्‍यी-नुहमुया़ तुहक्‍पुला छ्यिक्‍यो थोङगेमुॱआङ राहङगी सेम सान्‍दी पेहसीनमाना ओ़ह ल़ेहमु मिहया़गी किन्‍ज्‍योला काह-ठि पेहती चेवा पेह ख़ूज्‍ये ले?

ल़ेह-पेन 4:34

खुङया़ नाहङला सुॱलाङ च्‍यि से़हदीॱआङ कोम्‍बु मेहयोहङ येहकें, च्‍यिबेमाना काहजे मिहया़ स्‍यिहङगी ताहक्‍पु येहकें खुङया़गी ओ़ह स्‍यिहङया़ चोङदी,

लूका 18:22

दि सेन्‍दी येशूगी खोला सुङ नाङसीन, “ओ़ह ल़ेहमु यिहन्‍सीमाना, ख्‍येगी येहपाराङॱआङ पेह कोहएँगी ल़ेह च्‍यी़ येहबा। ख्‍ये राहङगी का़ह येहकेन्‍दी क्‍युह थाम्‍ज्‍यीराङ चोङदी प्राङबुया़ला के़ह तेर, ओहले ख्‍येला स्‍यिहङगामकी क्‍युह ज्‍योर्च्‍ये येह ओहले ङाहगी तिङदा तिङ स्‍यो।”

२ कोरिन्‍थी 9:9

सुङरापॱलाङ दि ल़ेहमु प्री़हदी येहबा, “खोगी माहङबुराङ ताप्‍के, ओहले प्राङबुया़ला तेर्के, खोगी पेहक्‍यो ल़ेह टाहङबु नाहम्‍स्‍यी किन्‍दुॱराङ लिहच्‍ये येह।”

ल़ेह-पेन 11:29

ओहले एन्‍टिओखिया क्‍याहसाला तेहकेन्‍गी चो़वो येशूगी स्‍याहप्‍च्‍यीया़गी यहूदीया लुहङबागी आदा-नो़हया़ला रो़ह पेहच्‍ये म़ेदी काहजे ला़ खाएँ डेल्‍बाया़ ती़हदे ताङज्‍ये सेम पेहसीन।

मत्ती 19:21

येशूगी खोला सुङ नाङसीन, “ख्‍ये थाम्‍ज्‍यीराङ से़हया़ला टाहङबु डोज्‍ये सेम येहसीमाना, काहल्‍दी ख्‍ये ङ्याम्‍बु का़ह येहकेन्‍दी थाम्‍ज्‍यीराङ क्‍युहया़ चोङदी ओहङग्‍योगी टाङगाया़ प्राङबुया़ला तेर, ओहले ख्‍येगी स्‍यिहङगामला क्‍युह ज्‍योर्च्‍ये येह, ओहले ओहङदी ङाहला ताहदा क्‍याहप्‍ती स्‍यो।”

लूका 19:8

यिहॱनाङ जखायसगी ह्‍ओप लाहङदी मासीन, “सेन नाङदोङ चो़वो ला़ह, ता़ह ङाह राहङगी क्‍युहगी बो फे़ प्राङबुया़ला के़हदी तेर्कें, ओहले लो़हलो मिहती टाङगा साहक्‍यो येहना खुङला बो ज़्‍यि ल्‍हा़मा पेहती लो़ तेर्कें।”

लूका 16:9

“ङाहगी ख्‍याला माएँ, जाम्‍बुलीङगी क्‍युहगी ङ्येहवाया़ जे़दोङ ओहले ओ़ह क्‍युह चो़हगे ती़हजीला ख्‍याला नाहमॱआङ था-मे़हछ्येएँगी ग्‍या़ला फेप स्‍युहज्‍ये येह।”

२ कोरिन्‍थी 9:1

मास्‍यीकाला यिह-छ्य़े पेहक्‍यो पुह पोहमोया़गी तेहन्‍दाला तेरक्‍यो डेल्‍बाकी तेहन्‍दाला ङाहगी ख्‍याया़ला लेहमेन ताम प्रुह मेहकोहएँ।

ल़ेह-पेन 4:35

ओहले ओहङग्‍योगी टाङगाया़ ल़ेह-पेनया़ साला ख्‍योङगो येहकें ओहले खुङया़गी सु सुला कोहपु येहबा खुङला के़ह तेर्को येहकें।