ल़ेह-पेन 2:43 - ह्योल्‍मो

⁴³ ल़ेह-पेनया़गी याहम्‍जेन छ्येवागी ल़ेहया़ पेहती माहङबुराङ ताक्‍छेनया़ तेन्‍गो येहकें। ओ़ह सोङबे मिहया़गी किन्‍ज्‍योगी ज्‍यिक्‍पा पेहको येहकें।

ल़ेह-पेन 2:43 Referans Kwoze

यूहन्‍ना 14:12

तेहम्‍बाराङ ङाह ख्‍याया़ला माएँ, सुगी ङाहला यिह छ्य़ेगे, खोगी ङाहगी पेहक्‍यो ल़ेहमु ल़ेहया़ पेहच्‍ये येह, ओहले ओ़ह म़ेदीॱआङ छ्यिम्‍बु ल़ेहया़ पेहच्‍ये येह, च्‍यिबेमाना ङाह याहप्‍च्‍येन आबासाला डोॱराङ येह।

लूका 8:37

ओहले गेरासेनी लुहङबागी थाम्‍ज्‍यीराङ मिहया़गी, “दि ग्‍या़ले फेप्‍तोङ लाह, ओहर-छ्य़े!” म़ेदी स्‍युहसीन च्‍यिबेमाना खुङया़ ज्‍यिबुराङ ज्‍यी़क्‍यो येहकें। ओ़ह सोङबे येशू टुह-छ्युङला जा़दे लो़ह फेप नाङसीन।

लूका 7:16

येशूगी याहम्‍जेम्‍बागी छ्या़ले थोङदी मिह थाम्‍ज्‍यीराङ ह्‍अ ल़ेहसीन। ओहले किन्‍ज्‍योला ज्‍यिक्‍पा पेहती त़ेरा फुल्‍दी मासीन “ज्‍यिबुराङ चा़ छ्यिम्‍बुगी लुहङतेम्‍बा च्‍यी़ ओहराङगी पाहरक्‍यीलाॱआङ फेप नाङसीन दु, ओहले किन्‍ज्‍यो राहङगी मिहया़ला थार च्‍य़ूज्‍येला फेप नाङग्‍यो यिहन!”

मर्कूस 16:17

ओहले यिह-छ्य़े पेहकेनया़ ङ्याम्‍बु दि ल़ेहमु ताक्‍छेन ओहङज्‍ये येह– खुङया़गी ङाहगी मिहनला ल्‍हेन्‍डीया़ तेन्‍ज्‍ये येह ओहले ताम साम्‍बा साम्‍बाया़ माज्‍ये येह।

ल़ेह-पेन 9:40

ओहले पत्रुसकी खुङ थाम्‍ज्‍यीला फिला ताङसीन ओहले पी़मु च़ूदी सोल्‍वाङ ताप्‍सीन। ओहले पत्रुसगी ओ़ह फुङबु ङो़ले त़ेदी, “ए ताबीता, ख्‍ये लाहङदोङ!” म़ेदी मासीन ओ़हजेलाराङ मोहगी मी़ खा फ़ेसीन ओहले पत्रुसला थोङदी लाहङदी तेहसीन।

ल़ेह-पेन 4:33

चो़वो येशू टोहङ नाङदी येहपाराङ सोम्‍बो ज़्‍याङ नाङग्‍योकी तेहन्‍दाला ल़ेह-पेनया़गी स्‍युक छ्यिम्‍बु पेहती स्‍येको येहकें, ओहले खुङ थाम्‍ज्‍यी थो़ला किन्‍ज्‍योगी काटीन येहकें।

ल़ेह-पेन 9:34

ओहले पत्रुसगी एनियासला, “ए एनियास, येशू मास्‍यीकाकी ख्‍येला ताहन्‍दाॱराङ टा़ह च्‍य़ू नाङगेन। ता़ह ख्‍ये लाहङदोङ, ओहले राहङगी तेङगो तिहदोङ!” म़ेदी मासीन। ओहले खो ओ़हजेलाराङ ह्‍ओप लाहङसीन ओहले खो डो ख़ूएँ काहल्‍सीन।

ल़ेह-पेन 2:22

“इस्राएली आदा-नो़हया़, ङाहगी ताम सेन नाङदोङ। किन्‍ज्‍योगी येशू लाहमले ख्‍या फे़बेया़गी पाहरक्‍यीला ओङ छ्यिम्‍बुगी छ्या़लेया़ जे-नाङदी याहम्‍जेन छ्येवागी ताक्‍छेनया़ तेन नाङग्‍योदीनी ख्‍या फे़बेया़ला थुयी़राङ येहबा। ओ़ह ताक्‍छेनया़ लाहमले किन्‍ज्‍योगी नासरतकी येशूला राहङगीराङ ताङग्‍यो यिहम्‍बा म़ेदी दास्‍यी नाङसीन।

ल़ेह-पेन 5:5

दि ताम थे़-लुहङ मे़हबाराङ हननिया साला दाङे रिहल्‍दे स्‍यिसीन। दि ताम थे़गेन मिह थाम्‍ज्‍यी ज्‍यिबुराङ ज्‍यी़सीन।