ल़ेह-पेन 2:2 - ह्योल्‍मो

² ओहले याहङमे-याहङलाराङ स्‍यिहङगामले माहर ल्‍हा़बा स्‍युक छ्यिम्‍बुच्‍यी ओहङदी खुङ तेहक्‍योगी खाङबाला ल्‍हा़बागी क़ेगी काहङसीन।

ल़ेह-पेन 2:2 Referans Kwoze

ल़ेह-पेन 4:31

दि रोहवा पेहती सोल्‍वाङ ताप सिहन फान्‍ज्‍यो खुङ छो़दी तेहक्‍यो ग्‍या़ युहङसीन। ओहले खुङ थाम्‍ज्‍यी नाम्‍पार-ताहक्‍पा थुगी काहङसीन ओहले खुङगी किन्‍ज्‍योगी सुङदेन मा़हन्‍ज्‍यीबा पेहती स्‍येती काहल्‍सीन।

यूहन्‍ना 3:8

ल्‍हा़बा का़हले सेम ने़गे ओ़हलेराङ स्‍याङगे। ख्‍येगी ल्‍हा़बागी क़ेनी थे़गे, यिहॱनाङ ल्‍हा़बा का़हलेगी ओहङगे ओहले का़हला डोएँ, ओ़ह ख्‍येगी ह्‍अ मेहकोहएँ। थु लाहमले क्‍येक्‍यो मिह थाम्‍ज्‍यी ओ़ह ल़ेहमुराङ ओहङगे।”

लूका 2:13

ओहले याहङमे-याहङराङ ओ़ह स्‍यिहङगामकी स्‍याहप्‍च्‍यी ङ्याम्‍बु राहङसा क्‍याहक्‍चेराङ स्‍यिहङगामकी स्‍याहप्‍च्‍यीया़ थोङसीन ओहले किन्‍ज्‍योला दि ल़ेहमु पेहती त़ेरा फुल्‍सीन,

ल़ेह-पेन 2:3

ओहले मेहगी च्‍येले ल़ेहमु खुङया़गी पोहला थोङसीन, ओहले बो बो पेहती ओ़हला येहकेन खुङ थाम्‍ज्‍यी थो़ला तेहसीन।

ल़ेह-पेन 2:6

ओहले ओ़ह ल़ेहमु क़े थे़गोराङ ओ़हला मिह माहङबुराङ जोम ओहङसीन। ओहले लेहमेन लेहमेन क्‍याहल-खापलेगी ओहङग्‍योगी यहूदीया़गी खुङ राहङ-राहङगी ताम ओ़ह स्‍याहप्‍च्‍यीया़गी माएँ थे़दी खुङया़ ज्‍यिबुराङ ह्‍अ ल़ेहसीन।

१ पत्रुस 1:12

खुङया़ला दि केच्‍या ङोह स्‍य़े च्‍य़ूक्‍यो येहकें च्‍यिबेमाना खुङया़गी राहङगी तेहन्‍दाला मिहम्‍बा, यिहॱनाङ ख्‍याया़ला स्‍याहप्‍तो स्‍यी़ह-तेहक्‍यो येहकें। दि केच्‍या स्‍यिहङगामले माहर ताङ नाङग्‍योकी नाम्‍पार-ताहक्‍पा थु लाहमले ख्‍याया़ला स्‍येक्‍योगी या़हबु लेहङगुया़ प्रा साल्‍गेनया़गीॱराङ ताहन्‍दा ख्‍याया़ला स्‍येती येहबा। स्‍यिहङगामकी स्‍याहप्‍च्‍यीया़ॱआङ दि से़हया़ ताज्‍येला ज्‍यिबुराङ सेम पेहती येहबा।