ल़ेह-पेन 2:12 - ह्योल्‍मो

¹² ओहले खुङया़ ह्‍अ ल़ेहदी थामा थोमे पेहती राहङ नाहङदुङ, “दिगी तेहन्‍दा च्‍यि यिहम्‍बानी?” म़ेदी टी़हदाप पेहसीन।

ल़ेह-पेन 2:12 Referans Kwoze

ल़ेह-पेन 17:20

दि तामनी ङ्यिहला ज्‍यिबुराङ साम्‍बाज्‍यी ऩेसीन राहङ फे़बेया़गी सुङ नाङज्‍ये जेक्‍यो स्‍याहलगी तेहन्‍दा च्‍यि यिहम्‍बा, ङ्यिहला ह्‍अ कोह च्‍य़ू नाङदोङ म़ेदी मासीन।”

लूका 18:36

ओहले खोगी लाहमला मिह माहङबुराङ डोएँ छोर्ती, “दि च्‍यि यिहम्‍बा?” म़ेदी टी़हसीन।

लूका 15:26

ओहले खोगी योक्‍पु च्‍यी़ला क़े क्‍याहप्‍ती टी़हसीन, ‘दि थाम्‍ज्‍यीराङ छ्याम्‍गेन दाङ लु लेहन्‍गेनया़ च्‍यिबे पेहक्‍यो यिहम्‍बा आँह?’

ल़ेह-पेन 10:17

पत्रुस राहङगी थोङग्‍यो से़हगी तेहन्‍दा ङोह मा़हस्‍येबा सोङबे खो थामा थोमे काहल्‍सीन। ओ़हजेलाराङ कर्नेलियसगी ताङग्‍योगी मिहया़ सिमोनगी खाङबा छोल्‍गेराङ कोह दिनला लेप्‍सीन।

ल़ेह-पेन 2:7

ओहले खुङया़गी ह्‍अ ल़ेहदी मासीन, “च्‍यि दि ताम माएँ मिह थाम्‍ज्‍यी गालीलीया़ मिहम्‍बा ले?

मत्ती 7:28

ओहले येशूगी दि स्‍याहलया़ सुङ छार फान्‍ज्‍यो मिह मिह-माहङ येशूगी सुङदेन थे़दी ज्‍यिबुराङ ह्‍अ ल़ेहसीन।

मर्कूस 6:20

च्‍यिबेमाना यूहन्‍ना मिह टाहङबु दाङ छ्य़ेसेम पेहकेन्‍गी मिह यिहन म़ेदी हेरोदला क्‍यी़ह येहकें। ओ़ह सोङबे खोगी यूहन्‍नाला माहसेपा पेहती ज़्‍या़सीन। हेरोदगी यूहन्‍नागी ताम थे़गेमु हेरोद सेम कालाम-मालाम डोॱनाङ खोगी यूहन्‍नागी ताम या़हबु ने़उ येहकें।

ल़ेह-पेन 2:11

क्रेट छोलिङ दाङ अरब क्‍याहल-खापकी मिहया़ येहबा, ओहले ओहराङ नाहङला यहूदी क्‍यिहपागी मिहया़ दाङ यहूदीगी छ्य़ेला स्‍य़ूहक्‍यो लेहमेन क्‍यिहपागी मिहॱआङ येहबा। ओहले खुङया़गी ओहराङ राहङ-राहङगी तामला किन्‍ज्‍योगी जे नाङग्‍यो याहम्‍जेन छ्येवा छ्या़लेगी तेहन्‍दाला लोहङटी पेहकेन थे़उ दु।”