ल़ेह-पेन 19:6 - ह्योल्‍मो

⁶ ओहले पावलगी राहङगी लाहक्‍पा खुङ थो़ला ज़्‍या़एँमु नाम्‍पार-ताहक्‍पा थु खुङ थो़ला ज़्‍य़ू फेप्‍सीन। ओ़ह तिङले खुङया़गी लेहमेन लेहमेन क्‍यिहपागी तामया़ मासीन ओहले लुहङदेनया़ माज्‍ये छ़ूसीन।

ल़ेह-पेन 19:6 Referans Kwoze

ल़ेह-पेन 6:6

ओहले खुङया़गी ओ़ह दाम्‍ग्‍योगी मिह तिहनला ल़ेह-पेनया़गी दिनला ख्‍येर्सीन, ओहले ल़ेह-पेनया़गी सोल्‍वाङ ताप्‍ती राहङगी लाहक्‍पा खुङ थो़ला ज़्‍या़सीन।

ल़ेह-पेन 2:4

ओहले खुङ थाम्‍ज्‍यीराङ नाम्‍पार-ताहक्‍पा थुगी काहङसीन ओहले खुङगी नाम्‍पार-ताहक्‍पा थु लाहमलेॱराङ ताम मा ख़ूएँगी ओङ ज्‍योर्ती राहङसा-राहङसा ताम साम्‍बाया़ माज्‍ये छ़ूसीन।

१ तिमोथी 5:22

ह्‍अदा-ह्‍ओदे पेहती सु मिहज्‍यी थो़ला लाहक्‍पा ज़्‍या़दी खुङला छेन्‍छोककी एल्‍डर माहज़ो़। ओहले लेहमेन मिहया़गी पेहकेन्‍गी तिहक्‍पागी ल़ेहला लाहक्‍पा माहक्‍याहप। राहङला नाहम्‍माॱनाङ नाम्‍पार-ताहक्‍पा ज़्‍या़दोङ।

मर्कूस 16:17

ओहले यिह-छ्य़े पेहकेनया़ ङ्याम्‍बु दि ल़ेहमु ताक्‍छेन ओहङज्‍ये येह– खुङया़गी ङाहगी मिहनला ल्‍हेन्‍डीया़ तेन्‍ज्‍ये येह ओहले ताम साम्‍बा साम्‍बाया़ माज्‍ये येह।

२ तिमोथी 1:6

ओ़ह सोङबे ङाह ख्‍येला तोहङमागी तामया़ टेहम्‍बा साल च्‍य़ूगेनॱराङ माउ येह, ङाहगी ख्‍ये थो़ला लाहक्‍पा ज़्‍या़गेमु किन्‍ज्‍योगी नाङग्‍योकी काबापला ख्‍येगी मेह ल़ेहमुराङ पेहती ती़हदी तेह च्‍य़ूदोङ।

ल़ेह-पेन 9:17

ओहले चो़वो छ्येवागी सुङ नाङग्‍योकी स्‍याहल ङ्यिहन्‍दी हननिया काहल्‍सीन। ओहले खो खाङबा नाहङला स्‍य़ूहदी शाऊलगी थो़ला राहङगी लाहक्‍पा ज़्‍या़दी मासीन, “नो़ह शाऊल, ख्‍ये ओहङगे लाहमला थ़ूक्‍यो चो़वो येशूगीराङ ख्‍येगी मी़ थोङ ख़ूज्‍यु ओहले ख्‍ये नाम्‍पार-ताहक्‍पा थुगी काहङ ख़ूज्‍यु म़ेदी ङाहला ताङ नाङग्‍यो यिहम्‍बा।”

ल़ेह-पेन 19:7

खुङ मेहन्‍दा च्‍यिङ्यी़जे येहकें।