ल़ेह-पेन 19:21 - ह्योल्‍मो

²¹ ओहले पावलगी, “माकेडोनिया दाङ अखैया लुहङबाले पेहती यरूशलेमला डोएँ” म़ेदी थाक ताङसीन। ओहले, “यरूशलेमला काहल फान्‍ज्‍योनी ङाह रोम क्‍याहसाॱलाङ डोॱराङ कोहकें” म़ेदी मासीन।

ल़ेह-पेन 19:21 Referans Kwoze

ल़ेह-पेन 20:22

ओहले ताहन्‍दा किन्‍ज्‍योगी थुगी सुङ नाङग्‍योदी ङ्यिहन्‍दी ङाह यरूशलेमला डोउ येहबा। ओ़हला ङाहला च्‍यि च्‍यि ओहङगे ओ़हदीनी ङाहॱलाङ क्‍यी़ह म़ेह।

ल़ेह-पेन 20:16

एशिया क्‍याहल-खाप छ्यिम्‍बुला ख्‍योल्‍गे म़ेदी पावल एफिसस क्‍याहसाला मेहन्‍डोएँ म़ेदी थाक ताङसीन। च्‍यिबेमाना खोला यरूशलेमला लेप्‍च्‍येला छारा काहल्‍दी येहकें। खो पेन्तिकोस माएँगी छ्येपाला ला़ खाजेबा ग्‍यो़बाराङ लेप्‍च्‍ये सेम पेहती येहकें।

ल़ेह-पेन 23:11

ओहले ओ़ह कुहङमुराङ चो़वोगी पावल पोहला फेप नाङदी, “ज्‍यी़ मेहकोहएँ पावल! दि यरूशलेम क्‍याहसाला ङाहगी ताम स्‍येक्‍यो ल़ेहमुराङ ख्‍येगी रोम क्‍याहल-खापलाॱआङ स्‍ये कोहएँ” म़ेदी सुङ नाङसीन।

रोमी 1:13

ए आदा-नो़हया़ दाङ आज्‍यी-नुहमुया़, ख्‍याया़ला क्‍यी़ह ओहङज्‍यु माएँ ङाहती सेम्‍बा येहबा: लेहमा माहङबुराङ ङाहगी ख्‍याया़ला थू़ज्‍ये सेम पेहसीन यिहॱनाङ च्‍यि च्‍यि ल़ेहया़गी पेहती ङाह ख्‍याया़ला थु ओहङ मा़हखु। लेहमेन क्‍यिहपाकी मिहया़गी पाहरक्‍यीले ल़ेहमु ख्‍याया़गी पाहरक्‍यीलेॱआङ किन्‍ज्‍योला क्‍याप्‍केन मिहया़ थेन्‍ग्‍यो थोङ ङ्युहङज्‍यु माएँ ङाहती सेम्‍बा येहबा।

ल़ेह-पेन 18:21

पावलगी खुङ ङ्याम्‍बु दि ल़ेहमु म़ेदी कोहङबा स्‍युहसीन “किन्‍ज्‍योगी थुला ठुङदी येहसीमाना ङाह ख्‍या फे़बेया़साला लो़ह ओहङगे” म़ेदी पावल छ्यु-टुहला जा़दे एफिसस क्‍याहसाले काहल्‍सीन।

१ थेसलोनिकी 1:7

दि ल़ेहमु पेहती ख्‍या फ़ेबे-म़ेहमेॱया माकेडोनिया दाङ अखैया लुहङबाला येहकेन्‍गी किन्‍ज्‍योला यिह छ्य़ेक्‍यो मिह थाम्‍ज्‍यीगी पाहरक्‍यीला राहङगी पे तेन ख़ूएँ काहल्‍सीन।

गलाती 2:1

लो़ह च्‍युप्‍स्‍यी तिङले बारनाबास दाङ तीतसला राहङ ङ्याम्‍बुराङ ख्‍येर्ती ङाह येहपाराङ यरूशलेमला काहल्‍सीन।

१ कोरिन्‍थी 16:5

ङाह माकेडोनिया लुहङबाला कोरा क्‍याहप्‍ती लो़ह ओहङगेमु ख्‍याया़ला थ़ूगे, च्‍यिबेमाना ताहन्‍दा ङाह माकेडोनियाकी लाहमले पेहतीराङ डोॱराङ येहबा।

रोमी 1:15

ओ़ह सोङबे ख्‍ये रोम क्‍याहसाला तेहकेन्‍गी मिहया़ला या़हबु लेहङगु स्‍येच्‍येला ङाहला ज्‍यिबुराङ सेम क्‍ये़दी येहबा।

ल़ेह-पेन 28:16

रोमला लेप फान्‍ज्‍यो पावलला राहङगी सेमला ने़जेबा खाङबा च्‍यी़ लेहन्‍दी तेहच्‍येला ओङ ज्‍योर्सीन। ओहले खोला सुङज्‍येला माक्‍मी च्‍यी़ॱआङ ज़्‍या़सीन।

ल़ेह-पेन 27:24

‘ए पावल, ख्‍ये मा़हन्‍ज्‍यी, ख्‍ये रोमी क्‍याहल्‍बु छ्यिम्‍बुगी दिनला डोॱराङ कोहकें ओहले ख्‍येगी पेहतीराङ किन्‍ज्‍योगी ख्‍ये ङ्याम्‍बु डोएँगी थाम्‍ज्‍यीला थार च्‍य़ू नाङज्‍ये येह’

ल़ेह-पेन 27:1

ङ्यिह इटालिया क्‍याहल-खापला डोज्‍येला ताम डी़ फान्‍ज्‍यो, खुङया़गी पावल दाङ लेहमेन चोन-खाङला लू़क्‍योगी मिहया़ ङ्याम्‍बु गो-छ्येवा माक्‍मीकी माक्‍पेन युलियसकी लाहक्‍पाला चि क्‍याहप्‍सीन।

ल़ेह-पेन 21:17

ओहले ङ्यिह यरूशलेमला लेप्‍केमु ओ़ह ग्‍या़गी छेन्‍छोककी आदा-नो़हया़गी ङ्यिहया़ला ज्‍यिबुराङ चा़ पेहती फेप स्‍युहसीन।

ल़ेह-पेन 21:4

ओहले ओ़हला तेहकेन्‍गी चो़वो येशूगी स्‍याहप्‍च्‍यीया़ला ङ्यिह थु काहल्‍सीन ओहले ङ्यिह खुङ ङ्याम्‍बु साता च्‍यी़ तेहसीन। ओहले नाम्‍पार-ताहक्‍पा थु लाहमले रिहक्‍स्‍यी ज्‍योर्ती खुङगी पावलला यरूशलेमला माहन्‍डो म़ेदी उर्चु पेहसीन।

ल़ेह-पेन 18:12

ओहले गलियोन मिहन थो़क्‍योगी रोमी मिह च्‍यी़ अखैया लुहङबाला स्‍युहङ-पेन छ्यिम्‍बु काहल्‍सीन। ओहजे काहङला यहूदी थाम्‍ज्‍यी रुहप्‍ती पावलला ज़ुङसीन। ओहले ठिम-खाङला ख्‍येर्ती मासीन,

ल़ेह-पेन 16:12

ओहले नियापोलिस क्‍याहसाले फिलिप्‍पी क्‍याहसाला काहल्‍सीन, ओ़ह क्‍याहसादी माकेडोनिया दे-खामगी क्‍याहसा छ्यिम्‍बु यिहन्‍गे ओहजेला रोमीया़गी ओङ छ्ये़उ येहकें। ओहले ओ़हला ङ्यिह तोबा ङ्यिहमा थु तेहसीन।

ल़ेह-पेन 19:22

ओ़ह तिङले पावलगी राहङला स्‍याहप्‍तो स्‍युहएँ तिमोथी दाङ इरास्‍तसला माकेडोनियाला ताङ चाहङसीन यिहॱनाङ खो राहङदी ङ्यिहमा तोबा थु एशिया क्‍याहल-खाप छ्यिम्‍बुलाॱराङ तेहसीन।

ल़ेह-पेन 19:29

ओहले खुङगी क़ेगी क्‍याहसाला पा़हज्‍या छ्या़सीन ओहले क्‍याहसा काहङ्येॱराङ लोहङटी काहल्‍सीन। मिह मिह-माहङ क्‍याहप्‍ती ओहङसीन ओहले माकेडोनिया लुहङबाले ओहङग्‍यो पावलगी रो़ह ङ्यी़ गायस ताङ अरिस्‍तार्खसला ज़ुङदी टिहती क्‍याहसाकी मिह छो़सा ठोमला ख्‍येर्सीन।

रोमी 1:11

च्‍यिबेमाना ख्‍याया़ला मास्‍यीकाला स्‍युक छ्यिम्‍बु ज़ोज्‍येला यिहक्‍तेन काबाप कोह ख़ूज्‍यु म़ेदी ङाहला ख्‍या ङ्याम्‍बु ज्‍यिबुराङ थू़ज्‍ये सेम क्‍ये़दी येहबा।

१ कोरिन्‍थी 4:19

चो़वो छ्येवागी थुला ठुङदी येहसीमाना ङाह ग्‍यो़बाराङ ख्‍यासाला ओहङज्‍ये येह, ओहले छ्य़ेन्‍दो तेन्‍दी डोएँ मिहया़गी ताम मिहम्‍बा, यिहॱनाङ खुङगी ओङ काहजेबा दुबा ओ़ह ङाहगी ताज्‍ये येह।

२ कोरिन्‍थी 10:16

दि ल़ेहमु पेहती ङ्यिहगी मास्‍यीकाकी लेहङगु या़हबुया़ खुर्ती कोरिन्‍थी क्‍याहसा म़ेदीॱआङ था़-रिहङबु येहकेन्‍गी ग्‍या़या़ला डो ख़ूज्‍ये येह, ओहले लेहमेन मिहगी ल़ेह पेहक्‍योगी ग्‍या़ला, “दि ङ्यिहगी पेहक्‍यो यिहन” म़ेदी टा़हन्‍दी तेन कोहज्‍ये म़ेह।