ल़ेह-पेन 19:16 - ह्योल्‍मो

¹⁶ ओहले ओ़ह ङ्येहम्‍बा नाम्‍स्‍यी स्‍युहक्‍यो मिह खुङया़ थो़ला फिर छ्योङ ओहङसीन, ओहले खुङ थाम्‍ज्‍यीला राहङगी ताहमला ज़्‍या़दी खुङया़ला च्‍यार-ताप क्‍याहप्‍सीन ओहले खुङया़ च्‍येहन्‍डामु केरे पेहती ज़ुबु काहङ्येॱराङ नाहन्‍दीराङ नाहन्‍दी थो़दी ओ़ह ग्‍या़ले प्रे़हसीन।

ल़ेह-पेन 19:16 Referans Kwoze

लूका 8:29

येशूगी मेहचाङा नाम्‍स्‍यीला, “दि मिहलेगी थेन्‍दी सोङ” म़ेदी का नाङग्‍यो सोङगोराङ खोगी ओ़ह रोहवा म़ेदी क़े तेन्‍ग्‍यो येहकें। ओ़ह मिहला मेहचाङा नाम्‍स्‍यी स्‍य़ूहदी ङ्यिहमा माहङबुराङ काहल्‍दी येहकें, लेहमा माहङबुराङ ओ़ह ल्‍हेन्‍डीगी खोला ज़ुङदी तुहक्‍पु तेर्को येहकें। मिहया़गी खोगी काङबा लाहक्‍पाला च्‍याल्‍दागी ताहम्‍दी ता़ ज़्‍या़ॱनाङ खोगी च्‍याल्‍दाया़ च्‍येती, ओ़ह ल्‍हेन्‍डीगी खोला रिह काम्‍बु ग्‍या़या़ला ख्‍येर्को येहकें।

मर्कूस 5:15

ओहले येशूसाला लेप्‍ती खुङगी ओ़ह ल्‍हेन्‍डी माहङबु स्‍य़ूहक्‍योगी मिह टा़हदी, काप्‍च्‍या केहन्‍दी येशू पोहला तेहक्‍यो थोङसीन। दि थोङदी खुङया़ ज्‍यी़सीन।

लूका 8:35

ओहले युहल्‍बाराङ लाहङदी ता ओहङसीन। ओहले येशू येहकेन्‍गी ग्‍या़ला लेप्‍केमु खुङगी ओ़ह ल्‍हेन्‍डी स्‍य़ूहक्‍योगी मिह टा़हदी काप्‍च्‍या केहन्‍दी येशूगी स्‍याहप पोहला तेहक्‍यो थोङसीन। दि थोङदी मिह थाम्‍ज्‍यीराङ ज्‍यी़सीन।

ल़ेह-पेन 3:8

ओहले खो ह्‍ओप लाहङदी डोज्‍ये छ़ूसीन ओहले खो फिर फिर छ्योङदे काहल्‍दी किन्‍ज्‍योला त़ेरा तेच्‍या फुल्‍गेराङ खुङ फे़बे ङ्याम्‍बु छ्योखाङ नाहङला स्‍य़ूहसीन।

ल़ेह-पेन 19:15

ओहले ङ्यिहमा च्‍यी़ ङ्येहम्‍बा नाम्‍स्‍यीगी खुङया़ला मासीन, “ङाहगी येशू ङोह स्‍य़ेगे ओहले पावलॱलाङ ङोह स्‍य़ेगे यिहॱनाङ ख्‍याया़दी सु यिहम्‍बा?” म़ेदी टी़हसीन।

ल़ेह-पेन 19:17

दि ताम थे़दी एफिसस क्‍याहसाला तेहकेन्‍गी यहूदी दाङ ग्रीक क्‍यिहपागी मिह थाम्‍ज्‍यी ज्‍यी़सीन, ओहले खुङया़गी चो़वो येशूगी छेनला ज्‍यिबुराङ चा़ पेहसीन।

२ पत्रुस 2:19

खुङया़गी ख्‍याया़ला ना थाम्‍ज्‍यीगी पे-ठिमया़लेगी खा फे़ तेर्के म़ेदी ताहम्‍ज्‍या ज़्‍या़गे, यिहॱनाङ खुङ राहङ मानादी तोङदी डोएँगी योक्‍पु काहल सिहन्‍ग्‍यो ओहङगे, च्‍यिबेमाना का़हन्‍दी से़हगी मिहला क्‍याहल ख़ूएँ ओ़ह से़हगीॱराङ खोला योक्‍पु ज़ोएँ यिहम्‍बा।