ल़ेह-पेन 18:13 - ह्योल्‍मो

¹³ दि मिहगी ओहराङगी छ्य़े-ठिम ङ्याम्‍बु मी़ह-डी़एँगी छ्याप्‍स्‍यीया़ ङो़ले किन्‍ज्‍योला छ्येपा फुल्‍गे तामया़ लोप्‍ते मिहया़ला नोङज्‍ये छोल्‍गु दु म़ेदी यहूदीया़गी मासीन।

ल़ेह-पेन 18:13 Referans Kwoze

ल़ेह-पेन 25:8

ओहले पावलगी राहङगी तेहन्‍दाला ताम प्रा साल्‍दी मासीन, “ङाहगी यहूदी छ्य़े-ठिम, छ्योखाङ दाङ रोमी क्‍याहल्‍बु छ्यिम्‍बुगी तेहन्‍दाला टाह पेहती च्‍यिॱआङ चोक्‍पा ल़ेहया़ पेहती म़ेह।”

ल़ेह-पेन 21:28

ओहले खुङया़गी क़े तेन्‍दी मासीन, “थाम्‍ज्‍यी इस्राएली आदा-नो़हया़, दि मिह जु़ङज्‍येला रो़ह पेह स्‍यो! काहने थेतेराङ काहल्‍दी ओहराङला टाह पेहती ताम माएँ मिह दिराङ यिहम्‍बा। ओहले मोशागी छ्य़े-ठिम माहङ्यीहन, छ्योखाङला छ्येपा माहफुल म़ेदी लोप्‍केन मिह दिराङ यिहम्‍बा! ओहले तोहरोङॱआङ ग्रीक क्‍यिहपागी मिहया़ला छ्योखाङ नाहङला स्‍य़ूह च्‍य़ूदी दि नाम्‍पार-ताहक्‍पा ग्‍या़ला ची़बु जे ज़्‍या़सीन!” म़ेदी मासीन।

ल़ेह-पेन 6:13

ओ़ह तिङले खुङगी स्‍तिफनासकी तेहन्‍दाला स्‍योप क्‍याहप्‍ती पाङबु तेर्के मिहया़ला ख्‍योङसीन। ओहले स्‍योप क्‍याहप्‍केन मिहया़गी, “दि मिहगीनी नाहम्‍माॱनाङ ङ्यिहगी नाम्‍पार-ताहक्‍पा छ्योखाङ दाङ मोशागी नाङग्‍यो छ्य़े-ठिमला टाह पेहती ताम माएँ” म़ेदी मासीन।

ल़ेह-पेन 18:15

दि तामनी ख्‍याराङदी छिकाया़, मिहनया़ दाङ छ्य़े-ठिमगी तेहन्‍दाला च्‍यी़राङ दुबा ओ़ह सोङगोराङ दि तामगी तेहन्‍दाला ख्‍या राहङगीराङ ठिम ताङदोङ। दि तामगी तेहन्‍दाला ङाहगी ठिम ताङ कोहबा म़ेह” म़ेदी मासीन।

ल़ेह-पेन 18:4

ओहले पावल थाङ सोएँ ङ्यिहमा-टाहङमाराङ यहूदीया़की छो़खाङला काहल्‍दी यहूदी दाङ ग्रीक क्‍यिहपागी मिहया़ ङ्याम्‍बु चो़वो येशूगी तेहन्‍दाला ताम मामा चेउ येहकें ओहले खुङया़ला प्रा साल तेर्च्‍ये छोल्‍गो येहकें।

यूहन्‍ना 19:7

ओहले यहूदी गोबाया़गी, “दि मिहगी, ‘ङाहराङ किन्‍ज्‍योगी स़ेबु यिहन’ म़ेदी माक्‍यो सोङगोराङ ङ्यिहगी छ्य़े-ठिमगी तादाङलानी खोला सेॱराङ कोहएँ!” म़ेदी मासीन।