ल़ेह-पेन 18:10 - ह्योल्‍मो

¹⁰ ङाह ख्‍ये ङ्याम्‍बुराङ येह, ख्‍येला सुज्‍यीगीॱआङ च्‍यिॱआङ पेह ख़ूज्‍ये म़ेह च्‍यिबेमाना दि क्‍याहसाला ङाहती मिह माहङबुराङ येहबा!” म़ेदी चो़वोगी सुङ नाङसीन।

ल़ेह-पेन 18:10 Referans Kwoze

२ कोरिन्‍थी 12:9

यिहॱनाङ चो़वोगी ङाहला दि ल़ेहमु सुङ नाङसीन, “ङाहती काटीन ख्‍येला दाङस्‍यी येह, च्‍यिबेमाना ङाहती ओङ, च्‍यिॱआङ स्‍युक म़ेहबाकी से़हया़ला छाङबु डोएँ।” ओ़ह सोङबे मास्‍यीकाकी ओङ ङाह ङ्याम्‍बु ज़्‍य़ू नाङज्‍यु म़ेदी ङाह मा-फाम्‍बु येहकेन्‍गी से़हया़ला ज्‍यिबुराङ सेम काहसो पेहती छ्य़ेन्‍दो तेन्‍गे।

मत्ती 28:20

ङाहगी ख्‍याया़ला तेरक्‍योगी काया़ थाम्‍ज्‍यीराङ ची़ज्‍येला खुङया़ला लोप्‍तोङ। ओहले त़ेदोङ, ङाह नाहम माॱनाङ, जाम्‍बुलीङकी ज्‍युक्‍स्‍योलगी ती़हजी थुराङ ख्‍याया़ ङ्याम्‍बु ओहङज्‍ये येह” म़ेदी येशूगी सुङ नाङसीन।

रोमी 8:31

ता़ह दि केच्‍याला साम्‍लु ताङगेमु ओहराङगी च्‍यि माज्‍ये ले? का़हलेॱआङ किन्‍ज्‍यो ओहराङ छ्यो़ले ज़्‍य़ू नाङदी येहसीमानानी ओहराङला सुगी टाह पेह खू़रो ले?

यूहन्‍ना 10:16

ओहले ङाहती लेहमेन ल़ूहया़ॱआङ येहबा, खुङ दि कोहरेदी मिहन। खुङया़ॱलाङ ङाहगी ख्‍योङ कोहच्‍ये येह ओहले खुङया़गी ङाहगी क़े थे़ज्‍ये येह, ओहले ल़ूह थाम्‍ज्‍यी ल़ूह बा़ल च्‍यी़राङ ओहङज्‍ये येह। ओहले ङाह खुङया़गी च्‍यिमे च्‍यी़राङ कोहरोवा ओहङज्‍ये येह।

२ तिमोथी 4:22

चो़वो ख्‍येगी नाम्‍स्‍यी ङ्याम्‍बुराङ ज़्‍य़ू नाङज्‍यु। ख्‍या ङ्याम्‍बु किन्‍ज्‍योकी काटीन ज्‍यू़-नाङज्‍यु।

यूहन्‍ना 11:52

यहूदीया़की तेहन्‍दाला च्‍यी़राङ मिहम्‍बा, यिहॱनाङ फेतोर कोहतोर काहल्‍ग्‍योगी किन्‍ज्‍योगी मिहया़ला ग्‍या़ च्‍यी़ला रुहप पेहच्‍येला दि ताम माक्‍यो येहकें।

मत्ती 10:30

ख्‍याया़गी गो़गी टा क्‍युहङबा रे़ह-रे़हॱआङ किन्‍ज्‍योगी टाहङजी क्‍याहप नाङदी येहबा।

ल़ेह-पेन 15:18

सुङदे चो़वो किन्‍ज्‍योगी सुङ नाङगे, मिहरोगी दि स्‍याहल तोहङलेराङ तेन नाङग्‍यो येहकें।’

लूका 21:18

यिहॱनाङ, ख्‍यागी टा क्‍युहङबाज्‍यीॱआङ साला जार्च्‍ये म़ेह।

२ तिमोथी 4:17

यिहॱनाङ लेहमेहन क्‍यिहपागी मिह थाम्‍ज्‍यीगी ङ्यिहन ख़ूज्‍यु म़ेदी चो़वो ङाह ङ्याम्‍बु ज़्‍य़ू नाङसीन, ओहले निङ थाक्‍पा यिहन्‍ज्‍युराङ किन्‍ज्‍योकी सुङ प्रा-साल्‍ज्‍येला ङाहला ओङ नाङसीन। ओहले चो़वोगी ङाहला सिङग्‍यी-ता़गी खाले थार च्‍य़ू नाङसीन।

मत्ती 1:23

“त़ेदोङ, पोहमो स्‍यार्मा याहङबा च्‍यी़ ज़ुबु ङ्यिहपा डोज्‍ये येह ओहले मोहगी स़ेबु च्‍यी़ ठुङज्‍ये येह। ओहले मिहया़गी मिहरोला इम्‍मानुएल माज्‍ये येह।” इम्‍मानुएल माक्‍योगी तेहन्‍दादी किन्‍ज्‍यो ओहराङ ङ्याम्‍बु ज़्‍य़ू नाङदी येह म़ेदी माक्‍यो यिहम्‍बा।

ल़ेह-पेन 15:14

किन्‍ज्‍योगी राहङगी छेनकी तेहन्‍दाला लेहमेन क्‍यिहपाया़ नाहङले क्‍यिहपा च्‍यी़ दाम नाङसीन माएँ ताम सिमोनगी स्‍ये सिहन्‍दी येह।

ल़ेह-पेन 18:9

कुहङमु च्‍यी़ चो़वोगी पावलला ज्‍याल्‍गा नाङदी सुङ नाङसीन, “सुॱलाङ मा़हन्‍ज्‍यी, खाजुम माहतेह, या़हबु लेहङगुया़ स्‍येकेराङ सोङ।

ल़ेह-पेन 18:11

ओहले पावलगी किन्‍ज्‍योगी लुहङ लोप्‍ती ओ़हला लो़ह फेदाङ ङ्यी़ थु खुङ ङ्याम्‍बु तेहसीन।