ल़ेह-पेन 17:3 - ह्योल्‍मो

³ मास्‍यीका येशूगी ज्‍यिबुराङ तुहक्‍पु खुर कोहच्‍ये येह ओहले येशू टोहङदे येहपाराङ सोम्‍बो ज़्‍याङ नाङ कोहज्‍ये येह ओहले ङाहगी ख्‍याला प्रा साल्‍ग्‍योगी येशूॱराङ ओ़ह थार्पा नाङगेन्‍गी मास्‍यीका यिहम्‍बा।

ल़ेह-पेन 17:3 Referans Kwoze

ल़ेह-पेन 18:28

च्‍यिबेमाना ओ़हला येहकेन्‍गी यहूदीया़ ङ्याम्‍बु मिहया़गी दिनला स्‍येपा तुहर्केमु खोगी सुङरापगी तामया़ ख्‍योङदी चो़वो येशूॱराङ थार्पा नाङगेन्‍गी मास्‍यीका यिहन म़ेदी पाङबु तेर्सीन।

ल़ेह-पेन 9:22

ओहले शाऊलगी तोहरोङॱआङ ओङ छ्यिम्‍बु ज्‍योर्ती दमस्‍कसला तेहकेन्‍गी यहूदीया़ला चो़वो छ्येवा येशूॱराङ मास्‍यीका यिहम्‍बा म़ेदी माहङबुराङ दास्‍यीया़ तेन्‍सीन ओहजेला खुङया़गी च्‍यिॱआङ ल़ेहन क्‍याहप मा़हखु।

लूका 24:32

खुङया़गी राहङ नाहङदुङ मासीन, “येशू ओहराङ ङ्याम्‍बु लाहमला स्‍याहल सुङ नाङगेमु ओहले ओहराङला सुङरापगी तेहन्‍दा खा फे़ नाङगेमु च्‍यि ओहराङगी सेम ज्‍यिबुराङ काहसो काहल्‍ग्‍यो म़ेहबा येहकें ले?”

ल़ेह-पेन 3:18

मास्‍यीकागी ओहप-क्‍याल खुर नाङ कोहच्‍ये येह म़ेदी किन्‍ज्‍योगी माहङबुराङ तोहङ यिहन्‍ज्‍यु लुहङतेम्‍बाया़ ङो़ले सुङ नाङग्‍यो स्‍याहल किन्‍ज्‍योगी दि ल़ेहमु जेती तेहन्‍दा डुप्‍च्‍यु नाङसीन।

लूका 24:46

“सुङरापला दि ल़ेहमु प्री़हदी येहबा थार्पा नाङगेन मास्‍यीका तुहक्‍पु खुर्ते स्‍यि कोहज्‍ये येह, ओहले ङ्यिहमा सुमला टोहङग्‍योलेगी सोम्‍बो ज़्‍याङज्‍ये येह।

गलाती 3:1

ए उल्‍दुम्‍बा गलातीया़, ख्‍याला सुगी मोह क्‍याहप्‍पा? ख्‍यागी मी़गी दिनलाराङ येशू मास्‍यीकाला क्‍याहङस्‍यीङला च्‍याङग्‍योकी ताम थिउ-निहउ पेहती प्रा साल्‍ग्‍यो येहकें।

ल़ेह-पेन 1:4

येशू स्‍याहप्‍च्‍यीया़ ङ्याम्‍बु सोल छ्येच्‍येला ज़्‍य़ू नाङगेमु येशूगी खुङया़ला दि का नाङसीन, “ख्‍याया़ यरूशलेम क्‍याहसा क्‍युर ज़्‍या़दी का़हॱलाङ माहन्‍डो, ओहले किन्‍ज्‍यो याहपगी ज़्‍या़ नाङग्‍योकी ताहम्‍ज्‍याला कू़हदी तेहतोङ। दिगी तेहन्‍दाला ङाहगी ख्‍याया़ला तोहङलेराङ मा सिहन्‍दी येह।

यूहन्‍ना 20:9

(सुङरापला दि ल़ेहमु म़ेदी प्रुहक्‍यो येहबा “येशू टोहङदी तिङले येहपाराङ सोम्‍बो ज़्‍याङ नाङज्‍ये येह।” दि केच्‍या खुङया़गी ताहन्‍दा थु ङोह मा़हस्‍येबा येहकें।)

लूका 24:44

येशूगी खुङया़ला सुङ नाङसीन, “ख्‍या ङ्याम्‍बु तेहकेमु ङाहगी ख्‍याला माक्‍यो मिहन ले, मोशागी नाङग्‍योकी छ्य़े-ठिम, लुहङतेम्‍बा दाङ छ्य़े-लुगी छ्य़ेला ङाहगी तेहन्‍दाला प्रुहक्‍योगी थाम्‍ज्‍यीराङ केच्‍याया़ तेहन्‍दा डुपॱराङ कोहकें।”

ल़ेह-पेन 18:5

ओहले सिलास दाङ तिमोथी माकेडोनिया लुहङबाले ओहङ फान्‍ज्‍यो पावलगी सुङ ख्‍येप्‍टा तेर्केन्‍गी ल़ेह पेहसीन। खोगी यहूदीया़ला, येशूॱराङ थार्पा नाङगेन्‍गी मास्‍यीका क्‍याहल्‍बु यिहन म़ेदी पाङबु तेर्सीन।