ल़ेह-पेन 16:2 - ह्योल्‍मो

² लुस्‍त्रा दाङ आइकोनियन क्‍याहसाकी आदा-नो़ह थाम्‍ज्‍यीगीराङ तिमोथीला मिह या़हबु यिहन म़ेदी चा़ पेहको येहकें।

ल़ेह-पेन 16:2 Referans Kwoze

२ तिमोथी 3:15

ख्‍येगी फेमा यिहन्‍ज्‍युराङ नाम्‍पार-ताहक्‍पा छ्य़ेगी स्‍याहलया़ ङोह स्‍य़ेदीॱराङ येहबा। दि स्‍याहलया़गी मास्‍यीका येशूला तेहपा पेहकेमु ज्‍योर्केन्‍गी थार्पाकी तेहन्‍दाला ङोह स्‍य़े ख़ूएँगी येहन्‍देन तेर्के।

१ तिमोथी 5:10

ओहले मोहगी या़हबु ल़ेहया़ पेहक्‍यो ओहङ कोहकें, पुह पोहमोया़ला या़हबु पेहती चारा पेहक्‍यो ओहङ कोहकें, टोहम्‍बोया़ला ता़हनाङ-ताहम्‍जी पेहक्‍यो ओहङ कोहकें, किन्‍ज्‍योला यिह छ्य़ेक्‍यो नाम्‍पार-ताहक्‍पा मिहया़ती काङबा ठी़ तेरक्‍यो ओहङ कोहकें, तुहक्‍पुला छ्यिक्‍यो मिहया़ला रो़हराम पेहक्‍यो ओहङ कोहकें ओहले दि ल़ेहमुराङ ल़ेह या़हबुया़ माहङबुॱराङ पेहक्‍यो ओहङ कोहकें।

हिब्रू 11:2

ताहङबोगी मिहया़गीॱआङ यिह-छ्य़े पेहक्‍यो सोङबे किन्‍ज्‍यो खुङया़ ङ्याम्‍बु थु काहसो जे नाङसीन।

२ तिमोथी 3:11

एन्‍टिओखिया, आइकोनियन दाङ लुस्‍त्रा लुहङबाला मिहया़गी ङाहला तुहक्‍पु तेरक्‍यो दाङ सताई-तिक्‍योगी तामया़ ख्‍येगी या़हबु ङोह स्‍य़ेदीॱराङ येहबा। यिहॱनाङ चो़वोगीॱराङ ङाहला ओ़ह थाम्‍ज्‍यी तुहक्‍पुया़ ङो़ले थार च्‍य़ू नाङसीन।

१ तिमोथी 3:7

येहपाराङ, फि मिहया़गी तन्‍दोलाॱआङ खो या़हबु सी़ह कोहएँ, मिहन्‍सीमाना खोती आब्रु स्‍योर्ज्‍ये येह ओहले खो ती़ह गो-छ्येवागी मिताला छ्यिच्‍ये येह।

ल़ेह-पेन 16:40

ओहले पावल दाङ सिलास चोन-खाङले थेन्‍दी लिडियागी खाङबाला काहल्‍सीन। ओहले चो़वोला यिह-छ्य़े पेहक्‍यो आदा-नो़हया़ ङ्याम्‍बु थू़दी खुङया़ला आ़र क्‍ये च्‍य़ूदी खुङ ङ्यी़ काहल्‍सीन।

ल़ेह-पेन 14:21

पावल दाङ बारनाबासगी डर्बी क्‍याहसाॱलाङ लेहङगु या़हबुया़ स्‍येती मिह माहङबुलाराङ चो़वो छ्येवा येशूगी स्‍याहप्‍च्‍यी ज़ोसीन। ओहले खुङ ङ्यी़ लुस्‍त्रा, आइकोनियन दाङ एन्‍टिओखियाला लो़ह काहल्‍सीन

ल़ेह-पेन 13:51

ओहले पावल दाङ बारनाबासकी खुङया़ला ज्‍यी़-ङोर तेर्ती राहङगी काङबाकी थाल्‍बी प्रू़ ज़्‍या़दी खुङ आइकोनियन साने़ला ओहङसीन।

ल़ेह-पेन 6:3

ओ़ह सोङबे आदा-नो़हया़, ख्‍याया़गी पाहरक्‍यीले नाम्‍पार-ताहक्‍पा थु दाङ रिहक्‍स्‍यीगी काहङग्‍यो, ओहले मिहन थोप्‍क्‍यो मेहन्‍दा तिहन दाम्‍दोङ। ओहले दि साहज्‍ये थुङज्‍येगी ठाल ङ्यिह खुङला चि क्‍याहप्‍कें।

१ तिमोथी 5:25

ओ़ह ल़ेहमुराङ पेहती काहजे या़हबु ल़ेहया़दी तोहङलेराङ छ्यिसाल-नाहङसाल पेहती थोङगे। ओहले छ्यिसाल-नाहङसाल पेहती माहथोङबाकी ल़ेहया़ हिप्‍तीॱआङ तेह मी़हखुएँ।

ल़ेह-पेन 1:15

ओहले ओ़ह ती़हजीला चो़वो छ्येवा येशूला यिह-छ्य़े पेहकेन मिहया़ खाल टू़हचे जोम्‍दी येहकें। ओहजेला पत्रुसगी खुङगी पाहरक्‍यीला लाहङदी मासीन,

ल़ेह-पेन 14:1

आइकोनियन साने़ला पावल दाङ बारनाबास यहूदीया़की छो़खाङला काहल्‍दी ज्‍यिबुराङ या़हबु पेहती लोप्‍च्‍युङ तेर्सीन, ओ़हजेलाराङ यहूदीया़ दाङ ग्रीक मिहया़गी चो़वो छ्येवा येशूला सेमले खाल्‍सीन।

ल़ेह-पेन 14:6

ओहले पावल दाङ बारनाबासगी दि ताम क्‍यी़ह ज्‍योर्ती लुकोनिया लुहङबागी लुस्‍त्रा दाङ डर्बी क्‍याहसागी लाहमले पेहती प्रे़हसीन,

फिलिप्‍पी 2:22

यिहॱनाङ तिमोथी मिह काह-ठि यिहम्‍बा म़ेदीनी ख्‍याया़ला क्‍यी़ह येह। पुहगी आबाला स्‍याहप्‍तो स्‍युहक्‍यो ल़ेहमु खोगी ङाह ङ्याम्‍बु या़हबु लेहङगु स्‍येकेन्‍गी ल़ेहला रो़ह पेहसीन।