ल़ेह-पेन 16:10 - ह्योल्‍मो

¹⁰ पावलला किन्‍ज्‍योगी दि रोहवा ज्‍याल्‍गा नाङ फान्‍ज्‍यो माकेडोनियाकी मिहया़ला चो़वो छ्येवा येशूगी लेहङगु या़हबुया़ स्‍येच्‍येला किन्‍ज्‍योगी ङ्यिहलाराङ क़े क्‍याहप नाङग्‍यो दुबा म़ेदी ङ्यिहगी ह्‍अ कोहसीन। ओहले ङ्यिह छारा पेहती माकेडोनियाला डोज्‍येला ठाबे पेहसीन।

ल़ेह-पेन 16:10 Referans Kwoze

ल़ेह-पेन 14:7

ओहले ओ़ह लुहङबा ङ्यी़ दाङ ओ़हगी सहर-सुहरया़ला येहकेन्‍गी ग्‍या़या़ॱलाङ खुङगी चो़वो छ्येवागी नाङग्‍योकी या़हबु लेहङगु स्‍येसीन।

ल़ेह-पेन 27:1

ङ्यिह इटालिया क्‍याहल-खापला डोज्‍येला ताम डी़ फान्‍ज्‍यो, खुङया़गी पावल दाङ लेहमेन चोन-खाङला लू़क्‍योगी मिहया़ ङ्याम्‍बु गो-छ्येवा माक्‍मीकी माक्‍पेन युलियसकी लाहक्‍पाला चि क्‍याहप्‍सीन।

ल़ेह-पेन 26:13

ए क्‍याहल्‍बु, ङ्यिहमा फेचेला ङ्यिह दमस्‍कस क्‍याहसा ङो़ले डोॱराङ येहकें ओहजेला ङ्यिहमागी क्‍या-साङे म़ेदीॱआङ मी़राङ छ्यिप्‍कें थुकी क्‍या-साङे येहसेर ङ्यिह थो़ला क्‍याहप ओहङसीन।

ल़ेह-पेन 10:29

ओहले ख्‍या फे़बेया़गी ङाहला क़े क्‍याहप ओहङगेमु ङाहगी यिहन्‍जे मिहन्‍जे च्‍यिॱआङ मा़हनेबा पेहती ङाह ख्‍या फे़बेया़साला ओहङसीन। ता़ह सुङ नाङदोङ, ङाहला च्‍यिबे क़े क्‍याहप नाङग्‍यो?” म़ेदी मासीन।

ल़ेह-पेन 9:10

ता़ह दमस्‍कस क्‍याहसाला हननिया माएँ चो़वो छ्येवा येशूगी स्‍याहप्‍च्‍यी च्‍यी़ तेहको येहकें। खोला ज्‍याल्‍गा नाङसीन, ज्‍याल्‍गाला चो़वो छ्येवागी दि ल़ेहमु पेहती के क्‍याहप्‍नाङसीन, “ए हननिया!” खोगी मासीन, “चो़वो छ्येवा, ङाह देलाराङ येहबा लाह।”

ल़ेह-पेन 16:9

ओ़ह कुहङमु पावलला किन्‍ज्‍योगी दि ल़ेहमु ज्‍याल्‍गा नाङसीन। माकेडोनिया साने़की मेहन्‍दा च्‍यी़ लाहङदी तेहक्‍यो थोङसीन। ओहले ओ़ह लाहङदी तेहक्‍यो मिहगी, “माकेडोनिया साने़ला फेप्‍ते ङ्यिहला रो़हराम जे नाङदोङ!” म़ेदी पावलला उर्चु पेहक्‍यो थोङसीन।