ल़ेह-पेन 15:8 - ह्योल्‍मो

⁸ सेमगी स्‍याहल ङोह ख्‍येन्‍गे किन्‍ज्‍योगी ओहराङला नाम्‍पार-ताहक्‍पा थ़ू नाङग्‍यो ल़ेहमुराङ लेहमेन क्‍यिहपागी मिहया़ॱलाङ नाङसीन। दि ल़ेहमु पेहती किन्‍ज्‍योगी लेहमेन क्‍यिहपागी मिहया़लाॱआङ राहङदी ज़ो नाङसीन।

ल़ेह-पेन 15:8 Referans Kwoze

ल़ेह-पेन 1:24

ओहले खुङया़गी दि ल़ेहमु म़ेदी सोल्‍वाङ ताप्‍सीन, “मिह थाम्‍ज्‍यीगी सेमला येहकेन्‍गी ताम ङोह ख्‍येन नाङगे चो़वो छ्येवा, दि मेहन्‍दा ङ्यी़ नाहङला राहङगी का़हन्‍दीला दाम नाङग्‍यो येहबा ओ़ह ङ्यिहला तेन नाङदोङ,

ल़ेह-पेन 10:47

ङ्यिहगी ल़ेहमुराङ दिया़गीॱआङ नाम्‍पार-ताहक्‍पा थु ज्‍योर्ती येह। ता़ह दि मिहया़ला छ्युगी बप्‍तिस्‍मा लेहन्‍ज्‍येला सुगी का़ ख़ूज्‍ये?

ज्‍याल्‍गा 2:23

मोहला तिङ ङ्या़गे थाम्‍ज्‍यीला ङाह तोङ च्‍य़ूज्‍ये येह ओहले थाम्‍ज्‍यीगी सेम्‍बा दाङ नोम्‍साङला ङ्याहम च्‍येकेन्‍दी ङाहराङ यिहन म़ेदी थाम्‍ज्‍यी छेन्‍छोकया़गी क्‍यी़ह ज्‍योर्च्‍ये येह। ङाह ख्‍या थाम्‍ज्‍यीला राहङ-राहङगी ल़ेहला ते़बे च्‍याहगा तेर्च्‍ये येह।

हिब्रू 4:13

किन्‍ज्‍योगी ज़ी़ मी़हथुप्‍केन्‍गी से़हया़ च्‍यिॱआङ म़ेह। मिहरोगी दिनला रेबेॱराङ से़हया़ खा फे़क्‍यो येहबा ओहले छ्यिसाल-नाहङसाल थोङ ख़ूएँ। मिह-रो़हलाॱराङ ओहराङगी पेहक्‍यो ल़ेहया़गी तेहन्‍दाला स्‍य़े कोहज्‍ये येह।

ल़ेह-पेन 14:3

यिहॱनाङ, पावल दाङ बारनाबास ङ्यिहमा तोबा थु ओ़हलाराङ तेहती चो़वो छ्येवाला सेम तिहङ यिहन्‍ज्‍यु म़ेहबा पेहती चो़वो छ्येवागी तेहन्‍दाला ज्‍यिबुराङ खाम छ्यिम्‍बु पेहती लोप्‍च्‍युङ तेर्सीन। ओहले चो़वो छ्येवागी खुङ लाहमले ताक्‍छेनया़ दाङ याहम्‍जेम्‍बागी छ्या़लेया़ जे-नाङदी राहङगी काटीनकी सुङगी पाङबु नाङसीन।

ल़ेह-पेन 2:4

ओहले खुङ थाम्‍ज्‍यीराङ नाम्‍पार-ताहक्‍पा थुगी काहङसीन ओहले खुङगी नाम्‍पार-ताहक्‍पा थु लाहमलेॱराङ ताम मा ख़ूएँगी ओङ ज्‍योर्ती राहङसा-राहङसा ताम साम्‍बाया़ माज्‍ये छ़ूसीन।

हिब्रू 2:4

किन्‍ज्‍योगीॱआङ ताक्‍छेनया़ तेन नाङदी माहङबुराङ याहम्‍जेन छ्यिम्‍बु दाङ वाङज्‍या छ्यिम्‍बुकी छ्या़लेया़ जे नाङसीन ओहले राहङ थु-सेम जे-नाङदी क्‍य़ेहदी नाङग्‍यो नाम्‍पार-ताहक्‍पा थुगी काबापया़ लाहमले दि केच्‍यागी तेहन्‍दाला पाङबु नाङसीन।

ल़ेह-पेन 4:31

दि रोहवा पेहती सोल्‍वाङ ताप सिहन फान्‍ज्‍यो खुङ छो़दी तेहक्‍यो ग्‍या़ युहङसीन। ओहले खुङ थाम्‍ज्‍यी नाम्‍पार-ताहक्‍पा थुगी काहङसीन ओहले खुङगी किन्‍ज्‍योगी सुङदेन मा़हन्‍ज्‍यीबा पेहती स्‍येती काहल्‍सीन।

यूहन्‍ना 21:17

ओहले येशूगी पत्रुसला येहपाराङॱआङ टी़ह नाङसीन, “ए यूहन्‍नाकी पुह सिमोन, च्‍यि ख्‍ये ङाहला चेवा पेहकें?” ओहले पत्रुस ज्‍यिबुराङ सेम नाहमु काहल्‍सीन, च्‍यिबेमाना येशूगी खोला “च्‍यि ख्‍ये ङाहला चेवा पेहकें?” सुङदी लेहमा सुम टी़ह नाङसीन। ओहले खोगी येशूला मासीन, “चो़वो, राहङगी थाम्‍ज्‍यीराङ ङोह ख्‍येन नाङगे। ङाह राहङला चेवा पेहकें म़ेदी राहङला थुयी़ येह।” येशूगी खोला सुङ नाङसीन, “ङाहती ल़ूहया़ला साहज्‍ये तेर।

यूहन्‍ना 5:37

ङाहला ताङ नाङगेन याहप राहङगीराङ ङाहगी तेहन्‍दाला पाङबु नाङदी येह। मिहरोगी सुङ-क़े ख्‍याया़गी नाहमॱआङ थे़दे म़ेह, ओहले मिहरोगी कुसोला नाहमॱआङ थोङदी म़ेह।

ल़ेह-पेन 15:28

ता़ह ची़ कोहएँगी तामया़ म़ेदी लेहमेन, राहङ फे़बेया़ला मोशागी नाङग्‍योकी ठिमगी खुर्पु खुर मी़हच्‍य़ूज्‍येला किन्‍ज्‍योगी नाम्‍पार-ताहक्‍पा थुगी ङ्यिहला तेन नाङसीन।