ल़ेह-पेन 15:2 - ह्योल्‍मो

² ओहजेला पावल दाङ बारनाबास खुङया़ ङ्याम्‍बु माहङबुराङ स्‍येपा तुहर्सीन, ओहले ओ़ह ग्‍या़गी छेन्‍छोकगी पावल दाङ बारनाबास ओहले लेहमेन मिहया़ला दि टी़हदापकी तेहन्‍दाला था-च्‍येच्‍येला ल़ेह-पेन दाङ एल्‍डरया़ साला यरूशलेमला सोङ म़ेदी मासीन।

ल़ेह-पेन 15:2 Referans Kwoze

गलाती 2:5

यिहॱनाङ मास्‍यीका येशूकी या़हबु लेहङगुकी तेहन्‍दामया़ ख्‍याया़ ङ्याम्‍बु नाहम्‍स्‍यी किन्‍दु लिहच्‍यु म़ेदी ङ्यिह खुङया़गी दिनला याहम्‍बीज्‍यीॱआङ ज्‍युल्‍दी माहतेह।

२ कोरिन्‍थी 11:5

ङाह च्‍यि से़हॱलाङ ओ़ह राहङगी राहङला छ्यिम्‍बु ने़गे ल़ेह-पेनया़ म़ेदी मा-फाम्‍बु म़ेह।

ल़ेह-पेन 15:4

खुङ यरूशलेम क्‍याहसाला लेप्‍केमु ओ़ह ग्‍या़गी छेन्‍छोक, ल़ेह-पेन दाङ एल्‍डरया़गी खुङया़ला फेप स्‍युहसीन। ओहले किन्‍ज्‍योगी पावल दाङ बारनाबास लाहमले जे नाङग्‍योकी थाम्‍ज्‍यीराङ तामया़ खुङ फे़बेया़ला स्‍येसीन।

ल़ेह-पेन 11:30

ओहले खुङया़गी डेल्‍बा ती़हदे बारनाबास दाङ शाऊलला तेर्सीन, ओहले खुङ ङ्यी़गी यहूदीया साने़की छेन्‍छोककी एल्‍डरया़ साला ताङ चाहङसीन।

यहूदा 1:3

ए च्‍याहम्‍बु रो़हया़, ओहराङ थाम्‍ज्‍यीगी ज्‍योरक्‍योकी थार्पाकी तेहन्‍दाला ख्‍या फ़ेबे-म़ेहमेया़ला दि यिहगी प्रुहज्‍येला ङाहला ज्‍यिबुराङ या़हबु ने़क्‍यो येहकें यिहॱनाङ ताहन्‍दा ओ़हगी छापला किन्‍ज्‍योकी स़ेबु-स़ेमुया़ला नाहम्‍स्‍यी किन्‍दुकी तेहन्‍दाला चि क्‍याहप नाङग्‍योकी तेहपाला सी़दे ज़्‍या़दोङ म़ेदी मा कोहच्‍ये ल़ेहमु च्‍यी़ गा ङाहगी सेमला ऩेसीन।

१ कोरिन्‍थी 1:1

किन्‍ज्‍योकी थु लाहमले मास्‍यीका येशूगी ल़ेह-पेन डोज्‍येला क़े क्‍याहप नाङग्‍यो पावल दाङ ओहराङगी नो़ह सोस्‍थेनेस लाहमले,

ल़ेह-पेन 21:18

ओहले नाहङबार च्‍युङ पावल ङ्यिह ङ्याम्‍बुराङ याकूबसाला काहल्‍सीन। ङ्यिह याकूबगी खाङबाला लेप्‍केमुनी ओ़हला थाम्‍ज्‍यी एल्‍डरया़ छो़दी तेहक्‍यो दुबा।

ल़ेह-पेन 16:4

ओहले खुङ फे़बे सुम क्‍याहसा क्‍याहसाले पेहती डोएँमु खुङया़गी यरूशलेमगी ल़ेह-पेनया़ दाङ एल्‍डरया़गी लोप्‍ताम क्‍याहप्‍क्‍योगी तामया़ खुङया़ला ची़दोङ म़ेदी का तेर्सीन।

ल़ेह-पेन 15:27

दि नो़हया़ ङ्याम्‍बु ङ्यिहगी यहूदा दाङ सिलासॱआङ ताङ चाहङदी येह। ङ्यिहगी प्रुहक्‍योगी यिहगी, खुङगीॱआङ राहङ फे़बेया़ला स्‍येच्‍ये येह।

ल़ेह-पेन 15:25

ओ़ह सोङगोराङ ङ्यिहगी टे़ह क्‍याहप्‍ती ख्‍यासाला ओहराङगी च्‍याहम्‍बु बारनाबास ताङ पावल ङ्याम्‍बु मेहन्‍दा ङ्यी़ दाम्‍दी ताङज्‍ये ठाबे ऩेसीन।

ल़ेह-पेन 11:12

ओहले नाम्‍पार-ताहक्‍पा थुगी ङाहला, ‘यिहन्‍जे मिहन्‍जे ताम मा़हमेबा पेहती खुङ ङ्याम्‍बु सोङ!’ म़ेदी सुङ नाङसीन। ओहले किन्‍ज्‍योला यिह-छ्य़े पेहक्‍योगी मेहन्‍दा ट़ूह नो़हया़ॱआङ ङाह ङ्याम्‍बुराङ ओहङसीन ओहले ङ्यिहया़ कर्नेलियसकी खाङबा नाहङला स्‍य़ूहसीन।

ल़ेह-पेन 10:23

दि ताम थे़दी पत्रुसगी खुङया़ला नाहङला क़े क्‍याहप्‍ती डोम्‍बो क्‍योङसीन। ओहले नाहङबार च्‍युङ पत्रुस लाहङदी खुङ फ़ेबेॱया ङ्याम्‍बुराङ काहल्‍सीन। ओहजेला योप्‍पा लुहङबाला चो़वो छ्येवाला यिह-छ्य़े पेहक्‍यो लाहला आदा नो़हया़ॱआङ खुङ फ़ेबेॱया ङ्याम्‍बुराङ काहल्‍सीन।