ल़ेह-पेन 14:9 - ह्योल्‍मो

⁹ पावलगी ताम माएँमु खोगी या़हबु पेहती ङ्यिहन्‍दी तेहक्‍यो येहकें। पावलगी खोला या़हबु पेहती तासीन, ओहले चो़वो छ्येवा येशूगी टा़ह च्‍य़ू थुप्‍कें म़ेदी खोगी तेहपा पेहक्‍यो पावलगी क्‍यी़ह ज्‍योर्ते

ल़ेह-पेन 14:9 Referans Kwoze

ल़ेह-पेन 3:4

ओहले यूहन्‍ना ङ्याम्‍बुराङ पत्रुसगी खोला या़हबु पेहती तासीन ओहले पत्रुसगी खोला, “ङ्यिहला ते़ ले!” म़ेदी मासीन।

मत्ती 15:28

ओहले येशूगी मोहला सुङ नाङसीन, “ए पोहमो, ख्‍येगी तेहपा छ्यिम्‍बु दु। ख्‍येगी माक्‍यो ल़ेहमुराङ तेहन्‍दा डुप्‍च्‍यु।” ओहजे ती़हजीलाराङ मोहगी पोहमो टा़हसीन।

मर्कूस 10:52

येशूगी सुङ नाङसीन, “सोङ, ख्‍येगी तेहपा पेहक्‍यो सोङबे ता़ह ख्‍येगी मी़ थोङ ख़ूएँ काहल्‍सीन।” ओ़ह ती़हजीलाराङ खो मी़ थोङगेन काहल्‍सीन ओहले येशूला ताहदा क्‍याहप्‍ती काहल्‍सीन।

मर्कूस 2:5

ओहले येशूगी खुङया़गी दि ल़ेहमु तेहपा पेहक्‍यो ज़ी़ नाङदी ओ़ह नेहपाला सुङ नाङसीन, “ए पुह, ख्‍येगी तिहक्‍पाया़ ता़हदी येह।”

मत्ती 13:58

खुङया़ला यिह-छ्य़े म़ेहबा सुङगोराङ येशूगी ओ़ह ग्‍या़ला माहङबु याहम्‍जेन छ्येवागी छ्या़लेया़ जे माहनाङ।

मत्ती 9:22

ओहले येशूगी ल्‍होक लो़हदी ज़ी़ नाङगेमु ओ़ह पी़हमीला ज़ी़सीन ओहले येशूगी ओ़ह पी़हमीला सुङ नाङसीन, “पोहमो ख्‍ये मा-फाम्‍बु माहबे। ख्‍येगी तेहपागी ख्‍येला टा़ह च्‍य़ूदी येह।” ओ़हजेलाराङ ओ़ह पी़हमी टा़हसीन।

मत्ती 8:10

दि केच्‍या सेन्‍दी येशू ह्‍अ ल़ेह नाङसीन ओहले राहङ तिङला ताहदा क्‍याहप्‍ती ओहङग्‍यो मिहया़ला सुङ नाङसीन, “तेहम्‍बाराङ ङाह ख्‍याया़ला माएँ, देजे छ्यिम्‍बु तेहपा पेहकेन मिहनी ङाहगी इस्राएल क्‍याहल-खाप नाहङॱलाङ च्‍य़ेह सिहन्‍दी म़ेह।

मर्कूस 8:25

येशूगी येहपाराङ खोगी मी़ला राहङगी छ्या़गी दे़ नाङसीन। ओहले ओ़ह मिहगी या़हबु पेहती तासीन। ओहले खो थोङ ख़ूएँ काहल्‍सीन ओहले खोगी थाम्‍ज्‍यीराङ से़हया़ छ्यिसाल-नाहङसाल पेहती थोङ ख़ूएँ काहल्‍सीन।

ल़ेह-पेन 10:4

ओहले खो ज्‍यिबुराङ ज्‍यी़दी स्‍यिहङगामकी स्‍याहप्‍च्‍यीला या़हबु पेहती त़ेदी मासीन, “चो़वो छ्येवा सुङ नाङदोङ।” ओहले स्‍यिहङगामकी स्‍याहप्‍च्‍यीगी सुङ नाङसीन, “ख्‍येगी ताप्‍क्‍योगी सोल्‍वाङ दाङ प्राङबु मिहया़ला राहङगी सेम काहसो पेहती रो़हराम पेहक्‍योदी किन्‍ज्‍योगी ज़ी़ नाङदी येह।