ल़ेह-पेन 13:4 - ह्योल्‍मो

⁴ किन्‍ज्‍योगी थुगी ताङ नाङग्‍यो सोङबे शाऊल दाङ बारनाबास सेलुकिया क्‍याहसाला काहल्‍सीन। ओहले ओहलेगी खुङ ङ्यी़ छ्यु-टुहला जा़दे साइप्रस साने़ला काहल्‍सीन।

ल़ेह-पेन 13:4 Referans Kwoze

ल़ेह-पेन 4:36

ता़ह साइप्रस क्‍याहल-खापगी लेवी माएँ क्‍यिहपागी योसेफ, खोला ल़ेह-पेनया़गी बारनाबास माएँ मिहन ज़्‍या़क्‍यो येहकें, (दि माक्‍यो तेहन्‍दादी लेहमेन मिहला निङरु दाङ स्‍युक क्‍ये च्‍य़ूएँगी मिह यिहम्‍बा।)

ल़ेह-पेन 13:2

ओहले खुङ फ़ेबेॱया ङ्युङने तेहती सोल्‍वाङ ताप्‍ती चो़वो छ्येवाला त़ेरा फुल तेहके ती़हजीला किन्‍ज्‍योगी थुगी खुङया़ला सुङ नाङसीन, “शाऊल दाङ बारनाबासला ङाहगी का़हन्‍दी ल़ेहगी तेहन्‍दाला दाम्‍ग्‍यो, ओ़ह ल़ेहला खुङया़ला खा फ़ेदोङ!”

ल़ेह-पेन 11:19

स्‍तिफनासला मिहया़गी से फान्‍ज्‍यो चो़वो छ्येवा येशूला यिह-छ्य़े पेहकेन स्‍याहप्‍च्‍यीया़ला यरूशलेमला तेहच्‍येला खेन्‍दा-का़हबु काहल्‍ग्‍यो सोङगोराङ माहङबुराङ स्‍याहप्‍च्‍यीया़ प्रे़हदी काहल्‍सीन। ओहले प्रे़हदी डोएँमु रेहरे फोनिके लुहङबाला लेप्‍सीन, रेहरे साइप्रसला लेप्‍सीन, रेहरे एन्‍टिओखिया क्‍याहसाॱलाङ लेप्‍सीन। ओ़ह ग्‍या़या़ला लेप्‍ती खुङया़गी तोहङस्‍यो यहूदी क्‍यिहपागी मिहया़ला च्‍यी़राङ या़हबु लेहङगु स्‍येसीन।

ल़ेह-पेन 27:4

ओहले ङ्यिहगी छ्यु-टुह सीदोनलेगी लाहम स्‍य़ूहदी डोएँमु ल्‍हा़बा दिन ङो़ले स्‍युककी ओहङग्‍यो सोङगोराङ ङ्यिह थेका सिरे डो मा़हखु। ओहले ङ्यिह साइप्रस छोलिङ पोहले ल्‍हा़बाला क्‍यो़दी काहल्‍सीन।

ल़ेह-पेन 20:23

यिहॱनाङ ङाहला देजे च्‍यी़राङ क्‍यी़ह येहबा, मिहया़गी तुहक्‍पु तेर्ती चोन-खाङगी तुहक्‍पु खुर कोहच्‍ये येह म़ेदी नाम्‍पार-ताहक्‍पा थुगी ङाहला तेन नाङदी येह।

ल़ेह-पेन 13:3

ओहले खुङ फे़बेया़गी येहपाराङॱआङ ङ्युङने तेहती खुङ ङ्यी़गी थो़ला लाहक्‍पा ज़्‍या़दी सोल्‍वाङ ताप्‍ती ताङ चाहङसीन।

ल़ेह-पेन 15:36

ङ्यिहमा तोबा तिङले पावलगी बारनाबासला, “डो, ओहराङगी लेहङगु स्‍ये ज़्‍या़क्‍योगी क्‍याहसाया़ला काहल्‍दी येहपाराङ लेहमा च्‍यी़ थु डोएँ। ओहले ओ़हला तेहकेन्‍गी चो़वो छ्येवा येशूला यिह-छ्य़े पेहकेन्‍गी आदा-नो़हया़ काहन्‍डुमु दुबा म़ेदी ङ्याहम च्‍येच्‍ये” म़ेदी मासीन।