ल़ेह-पेन 10:8 - ह्योल्‍मो

⁸ ओहले कर्नेलियसगी राहङगी थोङग्‍योकी ताम थाम्‍ज्‍यीराङ स्‍येसीम्‍बाराङ खुङ सुमला योप्‍पा क्‍याहसाला ताङसीन।

ल़ेह-पेन 10:8 Referans Kwoze

गलाती 1:16

लेहमेन क्‍यिहपाया़गी पाहरक्‍यीला मिहरोकी तेहन्‍दाला स्‍येच्‍येला राहङगी स़ेबु ङाह थो़ला तेन नाङज्‍येला मिहरोला या़हबु ऩेसीन ओहजेला ङाहगी सु ङ्याम्‍बुॱआङ टी़हदाप माहबे।

ल़ेह-पेन 26:19

क्‍याहल्‍बु अग्रिपास, ओ़ह सोङबे ङाहगी स्‍यिहङगामले थोङग्‍योकी दि ज्‍याल्‍गाला ङाह माहङ्यीहम्‍बा पेहती तेहॱराङ मा़हखु।

ल़ेह-पेन 10:33

ओहले ङाहगी लाहम्‍साङराङ राहङसाला मिहया़ ताङसीन, ओहले राहङ ओहप्‍क्‍याल जेती फेप नाङसीन। ता़ह चो़वो छ्येवागी राहङला का नाङग्‍योकी थाम्‍ज्‍यीराङ स्‍याहलया़ ङ्यिहन्‍ज्‍येला ङ्यिह किन्‍ज्‍योगी दिनला जोम्‍दी येह।”

ल़ेह-पेन 9:36

योप्‍पा माएँ क्‍याहसाला ताबीता माएँगी चो़वो छ्येवाला यिह-छ्य़े पेहक्‍यो नुहमु च्‍यी़ येहकें। ताबीता माक्‍योदी डोरकास यिहम्‍बा। ओ़ह माक्‍योगी तेहन्‍दादी “रेहउ” यिहम्‍बा। ओहले मोह नाहम माॱनाङ लेहमेन मिहया़ला या़हबु पेहको येहकें ओहले प्राङबुया़ला रो़हराम पेहको येहकें।

ल़ेह-पेन 9:38

योप्‍पा लुहङबाले लुड्डा लुहङबाला डोज्‍येला था़-रिहङबु म़ेहबा येहकें। ओहले पत्रुस लुड्डाला येहबा माएँगी ताम स्‍याहप्‍च्‍यीया़गी क्‍यी़ह ज्‍योर फान्‍ज्‍यो खुङया़गी मेहन्‍दा ङ्यी़ला, “ङ्यिहसाला फिमु जे माहनाङबा ग्‍यो़बाराङ फेप नाङदोङ।” म़ेदी पत्रुससाला लेहङगु ताङसीन।

ल़ेह-पेन 9:42

दि ताम योप्‍पा क्‍याहसा काहङग्‍याराङ टाहम्‍सीन, ओहले मिह माहङबुगीराङ चो़वो छ्येवाला यिह-छ्य़े पेहसीन।

ल़ेह-पेन 9:43

ओहले पत्रुस ङ्यिहमा तोबाज्‍यी को़बाकी ल़ेह पेहकें सिमोन ङ्याम्‍बु योप्‍पा लुहङबालाराङ तेहसीन।

ल़ेह-पेन 10:7

स्‍यिहङगामकी स्‍याहप्‍च्‍यी फेप फान्‍ज्‍यो कर्नेलियसगी राहङसाला ल़ेह पेहकेन्‍गी योक्‍पु ङ्यी़ दाङ माक्‍मी च्‍यी़ला क़े क्‍याहप्‍सीन। ओ़ह माक्‍मीगी नाहम-माना कर्नेलियसला स्‍याहप्‍तो स्‍युहउ येहकें, ओहले खोॱआङ छ्य़ेसेम पेहकेन्‍गी मिह यिहन्‍गे।

ल़ेह-पेन 10:17

पत्रुस राहङगी थोङग्‍यो से़हगी तेहन्‍दा ङोह मा़हस्‍येबा सोङबे खो थामा थोमे काहल्‍सीन। ओ़हजेलाराङ कर्नेलियसगी ताङग्‍योगी मिहया़ सिमोनगी खाङबा छोल्‍गेराङ कोह दिनला लेप्‍सीन।