ल़ेह-पेन 10:23 - ह्योल्‍मो

²³ दि ताम थे़दी पत्रुसगी खुङया़ला नाहङला क़े क्‍याहप्‍ती डोम्‍बो क्‍योङसीन। ओहले नाहङबार च्‍युङ पत्रुस लाहङदी खुङ फ़ेबेॱया ङ्याम्‍बुराङ काहल्‍सीन। ओहजेला योप्‍पा लुहङबाला चो़वो छ्येवाला यिह-छ्य़े पेहक्‍यो लाहला आदा नो़हया़ॱआङ खुङ फ़ेबेॱया ङ्याम्‍बुराङ काहल्‍सीन।

ल़ेह-पेन 10:23 Referans Kwoze

ल़ेह-पेन 11:12

ओहले नाम्‍पार-ताहक्‍पा थुगी ङाहला, ‘यिहन्‍जे मिहन्‍जे ताम मा़हमेबा पेहती खुङ ङ्याम्‍बु सोङ!’ म़ेदी सुङ नाङसीन। ओहले किन्‍ज्‍योला यिह-छ्य़े पेहक्‍योगी मेहन्‍दा ट़ूह नो़हया़ॱआङ ङाह ङ्याम्‍बुराङ ओहङसीन ओहले ङ्यिहया़ कर्नेलियसकी खाङबा नाहङला स्‍य़ूहसीन।

ल़ेह-पेन 10:45

ओहले किन्‍ज्‍योगी राहङगी नाम्‍पार-ताहक्‍पा थुगी काबाप लेहमेन क्‍यिहपागी मिहया़ला नाङगेन थोङदी पत्रुस ङ्याम्‍बु ओहङग्‍यो, येशूला यिह-छ्य़े पेहकेन यहूदी रो़हया़ ह्‍अ ल़ेहसीन।

१ पत्रुस 4:9

ङ्येहर्स्‍यी माहबेबा पेहती च्‍यी़गी च्‍यी़ला ता़हनाङ-ताहम्‍जी पेहतोङ।

हिब्रू 13:2

राहङ खाङबाला ओहङग्‍यो टोहम्‍बोया़ला या़हबु पेहती फेप स्‍यी़हदोङ, च्‍यिबेमाना दि ल़ेहमु पेहती लाहलागी ङोह मा़हस्‍येबा पेहती स्‍यिहङगामकी स्‍याहप्‍च्‍यीया़ॱलाङ फेप स्‍युहक्‍यो येहकें।

२ कोरिन्‍थी 8:21

च्‍यिबेमाना ङ्यिह चो़वोगी ज़ी़लुला च्‍यी़राङ मिहम्‍बा, यिहॱनाङ मिहया़गी थोङदाङलाॱआङ च्‍यि पे सी़हगेन्‍दी येहबा ओ़ह पेहकेन्‍दी ङ्यिहती सेम्‍बा यिहम्‍बा।

ल़ेह-पेन 10:33

ओहले ङाहगी लाहम्‍साङराङ राहङसाला मिहया़ ताङसीन, ओहले राहङ ओहप्‍क्‍याल जेती फेप नाङसीन। ता़ह चो़वो छ्येवागी राहङला का नाङग्‍योकी थाम्‍ज्‍यीराङ स्‍याहलया़ ङ्यिहन्‍ज्‍येला ङ्यिह किन्‍ज्‍योगी दिनला जोम्‍दी येह।”

ल़ेह-पेन 10:29

ओहले ख्‍या फे़बेया़गी ङाहला क़े क्‍याहप ओहङगेमु ङाहगी यिहन्‍जे मिहन्‍जे च्‍यिॱआङ मा़हनेबा पेहती ङाह ख्‍या फे़बेया़साला ओहङसीन। ता़ह सुङ नाङदोङ, ङाहला च्‍यिबे क़े क्‍याहप नाङग्‍यो?” म़ेदी मासीन।

ल़ेह-पेन 9:42

दि ताम योप्‍पा क्‍याहसा काहङग्‍याराङ टाहम्‍सीन, ओहले मिह माहङबुगीराङ चो़वो छ्येवाला यिह-छ्य़े पेहसीन।

ल़ेह-पेन 9:38

योप्‍पा लुहङबाले लुड्डा लुहङबाला डोज्‍येला था़-रिहङबु म़ेहबा येहकें। ओहले पत्रुस लुड्डाला येहबा माएँगी ताम स्‍याहप्‍च्‍यीया़गी क्‍यी़ह ज्‍योर फान्‍ज्‍यो खुङया़गी मेहन्‍दा ङ्यी़ला, “ङ्यिहसाला फिमु जे माहनाङबा ग्‍यो़बाराङ फेप नाङदोङ।” म़ेदी पत्रुससाला लेहङगु ताङसीन।

ल़ेह-पेन 1:15

ओहले ओ़ह ती़हजीला चो़वो छ्येवा येशूला यिह-छ्य़े पेहकेन मिहया़ खाल टू़हचे जोम्‍दी येहकें। ओहजेला पत्रुसगी खुङगी पाहरक्‍यीला लाहङदी मासीन,

ल़ेह-पेन 9:36

योप्‍पा माएँ क्‍याहसाला ताबीता माएँगी चो़वो छ्येवाला यिह-छ्य़े पेहक्‍यो नुहमु च्‍यी़ येहकें। ताबीता माक्‍योदी डोरकास यिहम्‍बा। ओ़ह माक्‍योगी तेहन्‍दादी “रेहउ” यिहम्‍बा। ओहले मोह नाहम माॱनाङ लेहमेन मिहया़ला या़हबु पेहको येहकें ओहले प्राङबुया़ला रो़हराम पेहको येहकें।

ल़ेह-पेन 28:15

रोमला येहकेन्‍गी चो़वो येशूला यिह-छ्य़े पेहकेन्‍गी आदा-नो़हया़गी ङ्यिह ओहङगो येहबा माएँ थे़वाराङ, रेहरे अपियसगी छोङ-ठोम दाङ रेहरे पालीप-सुम माएँ ग्‍या़ थु ङ्यिहला थ़ू ओहङसीन। ओहले खुङला थोङदी पावलगी किन्‍ज्‍योला थुज्‍यी-छ्ये़ फुल्‍सीन, ओहले खोला सेमला आ़र क्‍येसीन।