ल़ेह-पेन 1:17 - ह्योल्‍मो

¹⁷ च्‍यिबेमाना खोगी टाहङजी ओहराङ ङ्याम्‍बुराङ काहल्‍ग्‍यो येहकें ओहले ओहराङ ङ्याम्‍बुराङ चो़वो छ्येवागी छ्या़ले पेहच्‍येला खोॱआङ दाम्‍ग्‍यो येहकें।

ल़ेह-पेन 1:17 Referans Kwoze

ल़ेह-पेन 1:25

का़हन्‍दीगी ल़ेह-पेनगी ल़ेहला स्‍य़ूहदी स्‍याहप्‍तो स्‍युहखुएँ, ओ़हदीलाॱराङ दाम नाङदोङ च्‍यिबेमाना ओ़ह छ्या़ले यहूदागी क्‍युर ज़्‍या़दी खो का़ह ग्‍या़दी यिहन्‍गे ओ़ह ग्‍या़लाराङ लो़ह काहल्‍सीन।”

ल़ेह-पेन 21:19

ओहले खुङ ङ्याम्‍बु थ़ू फान्‍ज्‍यो पावलगी, लेहमेन क्‍यिहपागी मिहया़गी पाहरक्‍यीला येशूगी या़हबु लेहङगु स्‍येकेमु किन्‍ज्‍योगी काहन्‍डुमु काहन्‍डुमु छ्या़लेया़ जे नाङबा म़ेदी ताम थाम्‍ज्‍यीराङ प्रा-साल्‍सीन।

ल़ेह-पेन 20:24

यिहॱनाङ, ङाहगी मिहली ङाहगी तेहन्‍दालानी च्‍यिॱआङ फेन थो़ज्‍ये म़ेह। ङाहला देजे च्‍यी़राङ सेम्‍बा येहबा, किन्‍ज्‍योगी मिहया़ला काटीन जे-नाङदी येहबा माएँ या़हबु लेहङगुगी तामया़ मिहया़ला स्‍य़े ख़ूज्‍यु म़ेदी ओ़ह छ्या़लेया़ तेहन्‍दा डुप च्‍य़ूज्‍येला चो़वो येशूगीराङ ङाहला कुल नाङग्‍यो यिहम्‍बा।

यूहन्‍ना 17:12

ङाह खुङ ङ्याम्‍बु येहकें थु राहङगी ङाहला नाङग्‍योकी राहङगी छेनला ङाहगी खुङया़ला तेम्‍बु पेहती ज़्‍या़सीन ओहले थार च्‍य़ूसीन। खुङया़ नाहङला तोङदी डो कोहएँगी पुह च्‍यी़ले ल्‍हाक्‍पु लेहमेन सुॱआङ तोङदी माहकाहल, च्‍यिबेमाना सुङरापला प्रुहक्‍योकी स्‍याहल तेहन्‍दा डुपॱराङ कोहच्‍ये येहकें।

मर्कूस 3:19

ओहले येशूला ज़ुङ च्‍य़ूएँगी यहूदा इस्‍करियोत।

२ कोरिन्‍थी 5:18

दि थाम्‍ज्‍यी किन्‍ज्‍यो लाहमले काहल्‍ग्‍यो यिहम्‍बा, मिहरोगी ओहराङला मास्‍यीका लाहमले राहङ ङ्याम्‍बु थिन च्‍य़ू नाङसीन ओहले लेहमेनया़लाॱआङ किन्‍ज्‍यो ङ्याम्‍बु येहपाराङ थिन च्‍य़ूएँगी छ्या़ले ङ्यिहला नाङसीन।

२ कोरिन्‍थी 4:1

ओ़ह सोङबे किन्‍ज्‍योगी काटीन लाहमले ङ्यिहगी दि छ्या़ले ज़्‍योरक्‍यो सोङबे ङ्यिह सेम मा-फाम्‍बु मेहबेकें।

ल़ेह-पेन 12:25

बारनाबास दाङ शाऊल राहङगी ल़ेह सिहन्‍दा च्‍ये फान्‍ज्‍यो यरूशलेमले लो़ह काहल्‍सीन। खुङया़ मर्कूस माएँ यूहन्‍नाला राहङ ङ्याम्‍बुराङ ख्‍येर्ती यरूशलेमले एन्‍टिओखिया क्‍याहसाला लो़ह ओहङसीन।

लूका 22:47

येशूगी दि स्‍याहल सुङ नाङगेमुराङ मिह बा़ल च्‍यी़ लेप्‍सीन। ल़ेह-पेन च्‍यिङ्यी़ नाहङला यहूदा माएँदी ओ़ह मिहया़गी गोबा पेहती येशूला च्‍युक पेहच्‍येला येशूगी पोहला ओहङसीन।

लूका 6:16

याकूबकी पुह यहूदा, ओहले येशूला ज़ुङ च्‍य़ूएँगी यहूदा इस्‍करियोत।

मत्ती 10:4

देशभक्त छो़बागी सिमोन कनानी, ओहले येशूला ज़ुङ च्‍य़ूएँगी यहूदा इस्‍करियोत।