३ यूहन्‍ना 1:3 - ह्योल्‍मो

³ ख्‍ये तेहन्‍दामगी लाहमला स्‍य़ूहदी नाहम-माना राहङगी डोलु-तेहलुया़ या़हबु पेहकु दु माएँ ताम किन्‍ज्‍योला यिह-छ्य़े पेहक्‍यो काहजे मिहया़ ङाहसाला ओहङदी स्‍य़ेसीन। दि केच्‍या थ़े ङ्युहङगेमु ङाह ज्‍यिबुराङ क़ेहनाङ लाहङसीन।

३ यूहन्‍ना 1:3 Referans Kwoze

२ यूहन्‍ना 1:4

ख्‍येगी पुह पोहमोया़ नाहङला लाहलाला किन्‍ज्‍योगी ङ्यिहला नाङग्‍यो काया़ ल़ेहमुराङ तेहन्‍दामगी लाहमला डोलु-तेहलु पेहक्‍यो थोङगेमु ङाहगी सेम ज्‍यिबुराङ काहसो काहल्‍दी येह।

२ यूहन्‍ना 1:2

च्‍यिबेमाना तेहन्‍दाम ङ्यिह ङ्याम्‍बुराङ ज़्‍य़ू नाङदी येह ओहले मिहरो नाहम्‍स्‍यी किन्‍दुॱराङ ओहराङ ङ्याम्‍बु ज़्‍य़ू नाङज्‍ये येह।

३ यूहन्‍ना 1:4

राहङदी पुह पोहमोया़ तेहन्‍दामकी लाहमला स्‍य़ूहदीॱराङ दु माएँ ताम थ़े ङ्युहङगे ल़ेहमु काहसो लेहमेन ताम च्‍यि ओहङ ख़ूएँ ले?

फिलिप्‍पी 1:4

नाहम-माना ख्‍या थाम्‍ज्‍यीगी तेहन्‍दाला सोल्‍वाङ ताप्‍केमु ङाह क़ेहनाङ पेहती सोल्‍वाङ ताप्‍कें,

ल़ेह-पेन 1:15

ओहले ओ़ह ती़हजीला चो़वो छ्येवा येशूला यिह-छ्य़े पेहकेन मिहया़ खाल टू़हचे जोम्‍दी येहकें। ओहजेला पत्रुसगी खुङगी पाहरक्‍यीला लाहङदी मासीन,

१ कोरिन्‍थी 13:6

ल़ेह ङ्येहम्‍बागी तेहन्‍दाला चेवागी काहसो मेहबेकें, यिहॱनाङ तेहन्‍दामगी तामला क़ेहनाङ पेहकें।

गलाती 6:10

ओ़ह सोङबे लोहङ येहताङलाॱराङ ओहराङगी मिहया़ला या़हबु पेह कोहएँ ओहले खास पेहतीती मास्‍यीकाला यिह-छ्य़े पेहक्‍योकी खाङबा मे़हमेया़ला या़हबु पेह कोहएँ।

३ यूहन्‍ना 1:2

ए ङाहगी च्‍याहम्‍बु रो़ह, ख्‍ये थाम्‍ज्‍यीराङ से़हला या़हबु ओहङ ख़ूज्‍यु, ओहले ख्‍येगी नाम्‍स्‍यी ल़ेहमुराङ ज़ुबुॱआङ थाङबु ओहङ ख़ूज्‍यु म़ेदी ङाह किन्‍ज्‍यो ङ्याम्‍बु सोल्‍वाङ ताप्‍को येह।

३ यूहन्‍ना 1:5

ए ङाहगी च्‍याहम्‍बु नो़ह, ख्‍येगी ल़ेहया़ कादुप च्‍येती पेहक्‍यो सोङबे, ख्‍येगी ङोहॱराङ मा़हस्‍येबाकी किन्‍ज्‍योला यिह-छ्य़े पेहक्‍यो नो़हया़ला ज्‍यिबुराङ फेन थो़सीन।

३ यूहन्‍ना 1:10

ङाह ओ़हला ओहङगेमु ख्‍या थाम्‍ज्‍यीला खोगी ओहराङला टाह पेहती च्‍यि पेहपा, काह-ठि चोक्‍पा तामया़ मे़बा, ओ़ह ख्‍याया़ला स्‍येकें। ओहजे च्‍यी़राङ मिहम्‍बा, खोगी फि क्‍याहल-खापकी नो़हया़ला टाह पेहकें, ओहले खुङया़ला ओहङॱराङ मी़हच्‍युएँ ओहले खुङया़ला फेप स्‍य़ूहज्‍ये छोल्‍गेया़ला छेन्‍छोकले तेन्‍गे।