1 ङाह छेन्छोककी एल्डर लाहमले, ङाहगी चेवा पेहक्योकी रो़ह गायस ख्येला दि यिहगी प्रुहएँॱराङ येहबा, ङाहगी ख्येला तेहम्बाराङ चेवा पेहती येह।
ए ङाहगी पेहजाया़! ओहराङ खा दाङ तामगी ज्यीॱराङ चेवा पेहच्ये मेहयोहङगे, ओहराङगी चेवादी तेहन्दामदी ओहङ कोहएँ। दि ल़ेहमु चेवाती ल़ेह लाहमले च्यी़राङ थोङगे यिहम्बा।
ङाह किन्ज्योला थुज्यी-छ्ये़ फुल्गे, ङाहगी ख्याया़ नाहङला क्रिस्पस दाङ गायसला म़ेदी लेहमेन सुॱलाङ बप्तिस्मा तेर्ती म़ेह।
ङ्यिह तेहकेन खाङबा ताहक्पु गायस ताङ खाङबाला जोम्गेन्गी छो़बाया़गीॱआङ ख्याला टास्यी-देले म़ेदी येह। ओहले दि क्याहसाकी टाङगा चिदुङ ज़्या़गे गोबा नो़ह इरास्तस दाङ क्वार्टसगीॱआङ ख्याया़ला टास्यी-देले ताङदी येह।
ओहले खुङगी क़ेगी क्याहसाला पा़हज्या छ्या़सीन ओहले क्याहसा काहङ्येॱराङ लोहङटी काहल्सीन। मिह मिह-माहङ क्याहप्ती ओहङसीन ओहले माकेडोनिया लुहङबाले ओहङग्यो पावलगी रो़ह ङ्यी़ गायस ताङ अरिस्तार्खसला ज़ुङदी टिहती क्याहसाकी मिह छो़सा ठोमला ख्येर्सीन।
ओहले लो़हदी डोएँमु बेरियागी पुरसकी पुह सोपात्रोस, थेसलोनिकेगी अरिस्तार्खस दाङ सिकन्दस, डर्बीगी गायस दाङ तिमोथी, ओहले एशिया क्याहल-खाप छ्यिम्बुकी तुखिकस दाङ त्रोफिमस पावल ङ्याम्बुराङ काहल्सीन।
ओहले खुङया़गी डेल्बा ती़हदे बारनाबास दाङ शाऊलला तेर्सीन, ओहले खुङ ङ्यी़गी यहूदीया साने़की छेन्छोककी एल्डरया़ साला ताङ चाहङसीन।
ङाहॱआङ छेन्छोककी एल्डर यिहन्गे सोङबे ङाह ख्या एल्डरया़ला ओहर-छ्य़े स्युहउ येहबा च्यिबेमाना मास्यीकागी तुहक्पु खुर नाङग्यो ङाहगी थोङदी येह ओहले मास्यीकाकी राहङगी ज़िज्यिद तेन नाङगे ङ्यिहमाला ङाहॱआङ मिहरो ङ्याम्बु ओहङज्ये येह।
ए ङाहगी च्याहम्बु रो़ह, ख्ये थाम्ज्यीराङ से़हला या़हबु ओहङ ख़ूज्यु, ओहले ख्येगी नाम्स्यी ल़ेहमुराङ ज़ुबुॱआङ थाङबु ओहङ ख़ूज्यु म़ेदी ङाह किन्ज्यो ङ्याम्बु सोल्वाङ ताप्को येह।