२ तिमोथी 2:20 - ह्योल्‍मो

²⁰ खाङबा छ्यिम्‍बुला सेर दाङ ङुलकी नेक्‍यीया़ च्‍यी़राङ मेहयोहङगे, यिहॱनाङ स्‍यिङ दाङ सासाकी ज़ोक्‍योगी निक्‍यीया़ॱआङ ओहङगे। ओहले लाहला नेक्‍यीया़ चा़ छ्यिम्‍बु ल़ेहया़गी तेहन्‍दाला चा़लतिएँमाना लाहला नेक्‍यीया़दी फेमा-फेमा ल़ेहया़गी तेहन्‍दाला चा़ल्‍ती़एँ।

२ तिमोथी 2:20 Referans Kwoze

१ पत्रुस 2:5

ख्‍याया़ॱआङ येशू मास्‍यीका लाहमले किन्‍ज्‍योकी ज़ी़लुला सी़ह ख़ूएँगी यिहक्‍तेन मार्च्‍ये फुल्‍गेन्‍गी नाम्‍पार-ताहक्‍पा पूजाहारीगी तेहन्‍दाला सोम्‍बो तोह-पा़रा ल़ेहमुराङ राहङला यिहक्‍तेन खाङबा ज़ो नाङगेराङ येहबा।

१ तिमोथी 3:15

का़हलेॱआङ ङाह ओहङज्‍येला यिहन थो़सीमाना किन्‍ज्‍योगी क्‍याहल्‍सीला ओहराङगी डोलु-तेहलु काह-ठि ओहङ कोहकें माएँ ताम दि यिहगी लाहमले ङोह स्‍ये़दोङ। किन्‍ज्‍योगी क्‍याहल्‍सीदी सोम्‍बो ज़्‍य़ू नाङगेन किन्‍ज्‍योकी छेन्‍छोक यिहम्‍बा। दि किन्‍ज्‍योकी क्‍याहल-खाङ, तेहन्‍दामकी काप्‍स्‍यी दाङ ब्राम यिहम्‍बा।

१ कोरिन्‍थी 3:9

च्‍यिबेमाना ङ्यिह ङ्याम्‍बु-ङ्याम्‍बुराङ किन्‍ज्‍योकी छ्या़ले पेहकेन्‍की मिहया़ यिहम्‍बा, ओहले ख्‍याया़ती किन्‍ज्‍योकी स्‍यिहङ दाङ किन्‍ज्‍योकी ज़िम्‍गाङ यिहम्‍बा।

एफिसी 2:22

ख्‍या मास्‍यीका ङ्याम्‍बु च्‍यी़राङ डी़दी ज़्‍याङगेनॱराङ पेहक्‍योकी ज़िम्‍गाङला नाम्‍पार-ताहक्‍पा थु लाहमले किन्‍ज्‍यो ओ़ह ज़िम्‍गाङला ज़्‍य़ू नाङज्‍ये येह।

२ कोरिन्‍थी 4:7

थाम्‍ज्‍यी म़ेदी छ्यिम्‍बु ओङ ङ्यिहती मिहम्‍बा यिहॱनाङ किन्‍ज्‍योदी यिहम्‍बा म़ेदी ङोह स्‍य़े च्‍य़ूज्‍येला दि क्‍युह ङ्यिह ङ्याम्‍बु सासागी निक्‍यीया़ला येहबा।

यूहन्‍ना 8:49

ओहले येशूगी सुङ नाङसीन, “ङाहला ल्‍हेन्‍डी स्‍य़ूहदी म़ेह। ङाह राहङगी याहपला चा़ पेहकें, यिहॱनाङ ख्‍याया़गी ङाहला स्‍ये़हन्‍डील पेहकु दु।

रोमी 9:20

यिहॱनाङ मिह काहल्‍दी किन्‍ज्‍योला ल़ेहन क्‍याहप्‍के ख्‍ये सु यिहम्‍बा? सासाकी नेक्‍यीगी “ङाहला च्‍यिबे दि ल़ेहमु ज़ोक्‍यो?” म़ेदीमाॱराङ ज़ोएँ मिहला टी़ह ख़ूएँ ले?