२ थेसलोनिकी 3:5 - ह्योल्‍मो

⁵ चो़वोगी ख्‍या फ़ेबे-म़ेहमेया़गी सेमला किन्‍ज्‍योगी चेवा दाङ मास्‍यीकाकी ना ख़ूएँगी ओङ ङो़ले ठि-नाङज्‍यु।

२ थेसलोनिकी 3:5 Referans Kwoze

१ यूहन्‍ना 4:19

तोहङस्‍यो किन्‍ज्‍योगीॱराङ ओहराङला चेवा जे नाङग्‍यो सोङबे ओहराङॱआङ चेवा पेहकें।

१ कोरिन्‍थी 8:3

यिहॱनाङ का़हन्‍दीगी किन्‍ज्‍योला चेवा पेहकें खोला किन्‍ज्‍योगी ङोह ख्‍येन्‍गे।

१ थेसलोनिकी 3:11

ता़ह ओहराङगी किन्‍ज्‍यो याहप राहङगीराङ ओहले चो़वो येशूगी ख्‍या फ़ेबे-म़ेहमेॱया साला ओहङज्‍येला ङ्यिहती लाहम साल नाङज्‍यु।

हिब्रू 9:28

ओ़हठीॱराङ पेहती मिह माहङबुगी तिहक्‍पाया़ खुर नाङज्‍येला मास्‍यीकागी लेहमा च्‍यी़ राहङगी राहङला मार्च्‍ये फुल नाङसीन। ओहले मास्‍यीका येहपाराङॱआङ लेहमा च्‍यी़ फेप नाङज्‍ये येह। ओहजे काहङला मिहया़गी तिहक्‍पाया़ ता़ह च्‍य़ू नाङज्‍येला मिहम्‍बा यिहॱनाङ सेम काहसो पेहती मिहरो फेप नाङगेन्‍गी फेप-लाहम कू़हदी तेहकेनया़ला थार्पा नाङज्‍येला फेप नाङज्‍ये येह।

रोमी 8:25

यिहॱनाङ का़हलेॱआङ ओहराङगी माहथोङबाकी से़हला रेहवा पेहकें माना, ओहराङ ओ़हगी तेहन्‍दाला ना़स्‍यीङ छ्यिम्‍बु पेहती कू़हदी तेहकें।

१ पत्रुस 4:1

काह-ठि जेती मास्‍यीकागी राहङगी कुसोला तुहक्‍पु खुर नाङबा, ओ़ह ल़ेहमुराङ पेहती ख्‍याया़गीॱआङ ओ़ह ल़ेहमुराङ छ्याप्‍स्‍यीगी सेम्‍बाया़ थो़दोङ, च्‍यिबेमाना का़हन्‍दीगी ज़ुबुला तुहक्‍पु खुर्के, खोगी तिहक्‍पा पेहच्‍ये क्‍युर सिहन्‍ग्‍यो ओहङगे।

याकूब 2:5

ङाहगी च्‍याहम्‍बु आदा-नो़ह दाङ आज्‍यी-नुहमुया़, या़हबु पेहती ङ्यिहन्‍दोङ, च्‍यि किन्‍ज्‍योगी जाम्‍बुलीङकी प्राङबु मिहया़ला तेहपाला छ्युक्‍पु ज़ोज्‍ये दाङ ताहम्‍ज्‍या ज़्‍या़ नाङग्‍योकी क्‍याहल-खाप मिहरोला चेवा पेहकेनया़ला नाङज्‍येला दाम नाङग्‍यो मिहम्‍बा ले?

तीतस 2:13

ङ्यिहगी सोनाम-साक्‍पुकी रेहवा– ओहराङगी थाम्‍ज्‍यी म़ेदी चा़ छ्यिम्‍बु किन्‍ज्‍यो दाङ ओहराङला थार्पा नाङगेन येशू मास्‍यीका राहङगी ज़िज्‍यिद छ्यिम्‍बुला फेप नाङगेन्‍गी ङ्यिहमाला ङ्यिह क़ूह तेहको येहबा।

२ तिमोथी 4:8

ता़ह ङाहगी तेहन्‍दाला टाहङदेनकी पेस्‍यो ज़्‍या़ नाङदी येह, ओ़हदी टाहङबु-ठिम ताङ नाङगेन चो़वोगी ओ़ह ङ्यिहमाला ङाहला नाङज्‍ये येह, ओहले ङाहला च्‍यी़राङ मिहम्‍बा, यिहॱनाङ मिहरो फेप नाङगेन्‍गी लाहम ज्‍यिबुराङ सेम काहसो पेहती कू़हदे तेहकें थाम्‍ज्‍यीलाराङ नाङज्‍ये येह।

१ थेसलोनिकी 1:3

च्‍यिबेमाना ओहराङगी किन्‍ज्‍यो दाङ याहपकी दिनला ख्‍या फे़बे मे़हमेया़की तेहपाकी ल़ेह दाङ चेवा लाहमले पेहक्‍योकी कादुप ओहले ओहराङ चो़वो येशू मास्‍यीका थो़ला ज़्‍या़क्‍योकी रेहवाला ख्‍या फ़ेबे-म़ेहमेया़गी क़ूह तेहती येहबा म़ेदी ङ्यिहगी नाहम माॱनाङ टेहम्‍बा साल्‍दीॱराङ येह।

गलाती 5:22

यिहॱनाङ नाम्‍पार-ताहक्‍पा थु लाहमले राहङगी डोलु-तेहलु पेहकें मिहया़गी मिहलीला दि ल़ेहमु सेदोया़ थोङगे यिहम्‍बा– मिहला चेवा पेहकें, सेम काहसो पेहकें, स्‍य़िहदेला तेहकें, ना़स्‍यीङ छ्यिम्‍बु पेहकें, निङज्‍यी पेहकें, या़हबु पेहकें, यिह-छ्य़ेबु,

रोमी 8:28

ङ्यिहला क्‍यी़ह येह, किन्‍ज्‍योला चेवा पेहकेनया़ दाङ मिहरोगी थु-सेम जेती क़े क्‍याहप नाङग्‍यो मिहया़गी तेहन्‍दाला च्‍यिला-माना मिहरोगी या़हबुॱराङ जे नाङगे।

रोमी 5:5

रेहवागी ओहराङला सेम स्‍यि मी़हच्‍युएँ, च्‍यिबेमाना किन्‍ज्‍योगी ओहराङला नाम्‍पार-ताहक्‍पा थु नाङदी येह ओहले ओ़ह नाम्‍पार-ताहक्‍पा थुगी ओहराङगी यिहला किन्‍ज्‍योकी चेवा ज़्‍या़ नाङदी येह।

ज्‍याल्‍गा 13:10

चोन-खाङला डो कोहएँदी चोन-खाङलाराङ डोज्‍ये येह, पादाङगी तुप्‍ती स्‍यि कोहएँया़ पादाङगीॱराङ तुप्‍ती स्‍यिज्‍ये येह। ओ़ह सोङबे किन्‍ज्‍योकी मिहया़ ङ्याम्‍बु ना़स्‍यीङ छ्यिम्‍बु दाङ तेहपा ओहङ कोहएँ।

१ थेसलोनिकी 1:10

ओहले स्‍यिहङगामले माहर फेप नाङज्‍ये येह म़ेदी लाहम क़ूह तेहकेन किन्‍ज्‍योगी स़ेबुला किन्‍ज्‍योगीॱराङ टोङग्‍यो ग्‍या़लेगी सोम्‍बो ज़्‍याङ च्‍य़ू नाङसीन। ओ़ह स़ेबुराङ येशू यिहम्‍बा, ओहले ताहन्‍दा राहङया़गी क़ूह तेहक्‍योदीॱआङ मिह-रो़हलाॱराङ यिहम्‍बा। ओहले ओहराङ थो़ला ओहङज्‍ये पेहक्‍योगी किन्‍ज्‍योकी थुयाल ङो़ले थार च्‍य़ू नाङगेन्‍दीॱआङ मिह-रो़हराङ यिहम्‍बा।

२ पत्रुस 3:12

किन्‍ज्‍योगी ठिम ताङ नाङगे ङ्यिहमाकी लाहम ख्‍याया़गी क़ूह तेहती येह, ओहले ख्‍यागी ओ़ह ङ्यिहमाला पोहला ख्‍योङज्‍ये छोल्‍दी येह, ओ़ह ती़हजीला नामया़ छी़दे तोङदी डोज्‍ये येह ओहले नामला येहकेन्‍गी थाम्‍ज्‍यीराङ से़हया़ मेह-टे़हगी स्‍य़ूहज्‍ये येह।

ज्‍याल्‍गा 1:9

ङाह ख्‍याया़गी आदा यूहन्‍ना यिहम्‍बा। ओहले येशूकी तुहक्‍पु, क्‍याहल्‍सी दाङ ना़स्‍यीङला ङाहॱआङ ख्‍या ङ्याम्‍बु-ङ्याम्‍बुराङ येहकें। किन्‍ज्‍योकी सुङ दाङ येशू मास्‍यीकाती पाङबु तेहक्‍यो सोङबे ङाह पत्‍मोस माएँ छोलिङला येहकें।