२ थेसलोनिकी 3:12 - ह्योल्‍मो

¹² ता़ह ओ़ह ल़ेहमु मिहया़ला चो़वो येशू मास्‍यीकाकी छेनला ङ्यिह लोप्‍ताम क्‍याहप्‍ती दि ल़ेहमु का तेर्को येह खुङया़गी राहङ-राहङगी ल़ेहया़ खाजुम पेहती पेहच्‍यु ओहले राहङदीराङ लाहक्‍पागी कामे साहज्‍यु।

२ थेसलोनिकी 3:12 Referans Kwoze

१ थेसलोनिकी 4:11

ङ्यिहगी ख्‍या फ़ेबे-म़ेहमेया़ला तोहङले माक्‍यो ल़ेहमुराङ सेम लो तेहमुगी मिहजी ताङज्‍येला सेम्‍बा पेहतोङ। ओहले राहङ-राहङगी ल़ेहया़ला सेम या़हबु ताङदोङ ओहले राहङ लाहक्‍पागीॱराङ ल़ेह पेहतोङ।

एफिसी 4:28

कुमेन क्‍याहप्‍केन्‍गी ता़ह यिहन्‍ज्‍यु कुमेन माह-क्‍याहप्‍च्‍यु खोगी टाहङबु पेहती राहङ लाहक्‍पागीॱराङ कादुप च्‍येती ल़ेह तुहक्‍पु पेहच्‍यु, ओहले खोगी कोम्‍बु काहल्‍ग्‍योया़ला तेर ख़ूज्‍ये येह।

२ थेसलोनिकी 3:8

ङ्यिहगी सुज्‍यीदीॱआङ आहन्‍डाराङ खुरा मा़हसेह। यिहॱनाङ ख्‍या फ़ेबे-म़ेहमेया़ला तुहक्‍पु माहयोङज्‍यु म़ेदी ङ्यिहगी ङ्यिहन-नुहपराङ कादुप च्‍येती ल़ेह पेहसीन।

१ थेसलोनिकी 4:1

ता़ह ज्‍युक्‍स्‍योलला आदा-नो़ह दाङ आज्‍यी-नुहमुया़, चो़वो येशूगी छेनला ङ्यिह राहङ फ़ेबे-म़ेहमेया़ला थाल्‍मा च्‍याहर्ती दि उर्चु पेहको येह, ख्‍या फ़ेबे-म़ेहमेया़गी ङ्यिह लाहमले किन्‍ज्‍योला थु ङ्ये़एँगी डोलु-तेहलुया़ लोप नाङदी येह ओहले लोप्‍क्‍यो ल़ेहमुराङ ख्‍या फबे-मे़हमेया़गी नाहरे जे नाङगेराङ येह। ओ़ह ल़ेहमु डोलु-तेहलुया़ला ख्‍या फ़ेबे-म़ेहमेॱया जेन-जेन या़हबु पेहती फेप नाङदोङ।

लूका 11:3

ङ्यिहमा टाहङमा कोहएँगी साहप्‍च्‍या ङ्यिहला नाङदोङ।

१ तिमोथी 2:2

क्‍याहल्‍बुया़ दाङ थाम्‍ज्‍यी पोम्‍बोया़गी तेहन्‍दालाॱआङ सोल्‍वाङ ताप्‍तोङ। ओ़ह ल़ेहमु पेहसीमाना ओहराङ क्‍यिपु दाङ स्‍य़िहदे पेहती किन्‍ज्‍योला क्‍याप्‍ती किन्‍ज्‍योगी थु ङ्ये़बाकी मिहजी ताङ ख़ूज्‍ये येह।