२ थेसलोनिकी 2:15 - ह्योल्‍मो

¹⁵ ओ़ह सोङबे आदा-नो़ह दाङ आज्‍यी-नुहमुया़, ङ्यिहगी राहङ फ़ेबे-म़ेहमेया़ला स्‍ये़क्‍योकी ताम दाङ यिहगी लाहमले राहङ फ़ेबे-म़ेहमेया़गी ज्‍योरक्‍योकी लुहङला ठे-टेहती ज़्‍य़ू नाङदोङ।

२ थेसलोनिकी 2:15 Referans Kwoze

१ कोरिन्‍थी 11:2

ख्‍यागी ङाहला टेहम्‍बा साल्‍ग्‍यो सोङबे ओहले ङाहगी तेरक्‍यो लोप्‍च्‍युङया़ ची़क्‍यो सोङबे ङाह ख्‍याला या़हबु माएँ।

२ थेसलोनिकी 3:6

आदा-नो़ह दाङ आज्‍यी-नुहमुया़, चो़वो येशू मास्‍यीकागी छेनला ङ्यिह ख्‍या फ़ेबे-म़ेहमेया़ला का तेर्के। ङ्यिहगी तेरक्‍योगी लुहङला मी़हचीएँ दाङ ल़ेहमी-लाहमया़ ङो़ले ख्‍या फ़ेबे-म़ेहमेॱया था़-रिहङबुराङ ज़्‍य़ू नाङदोङ।

२ थेसलोनिकी 2:2

लाहलागी नाम्‍स्‍यी लाहमले, लाहलागी सुङ लाहमले ओहले लाहलागी ङ्यिहती ल़ेहमुराङ यिह लाहमले चो़वोकी ङ्यिहमा लेप सिहन्‍दी येह म़ेदी स्‍य़ेसीन माना, ओ़ह केच्‍या थे़दी ख्‍या फे़बे मे़हमेया़की सेम मा़हन्‍ज्‍यीज्‍यु ओहले का माहक्‍याहल्‍ज्‍यु।

१ कोरिन्‍थी 16:13

जेम्‍बु पेहती तेह, यिह-छ्य़ेला थिक-चि पेहती तेहतोङ। आ़र क्‍ये़दी सान्‍दी पेहती तेहतोङ।

फिलिप्‍पी 4:1

ओ़ह सोङबे ङाहगी च्‍याहम्‍बा पेहक्‍योकी आदा-नो़ह दाङ आज्‍यी-नुहमुया़, ख्‍या दि ल़ेहमुराङ पेहती चो़वोला थिक-चि पेहती तेहतोङ। ए ङाहगी रो़हया़ ङाह ख्‍याया़ला निङज्‍यी पेहकें, ङाहगी ख्‍याया़ला ज्‍यिबुराङ टेहम्‍बा साल्‍दी येहबा। ख्‍याया़राङ ङाहती सेम काहसो दाङ पेस्‍यो यिहम्‍बा।

१ कोरिन्‍थी 15:58

ओ़ह सोङबे ङाहगी च्‍याहम्‍बु आदा नो़ह दाङ आज्‍यी-नुहमुया़, ख्‍या सेम माहयाहङबा पेहती थिक-चि पेहती तेहतोङ। चो़वोगी छ्या़लेला ख्‍या नाहम-माना याहरक्‍यी पेहती सोङ। च्‍यिबेमाना ख्‍याया़ला क्‍यी़हराङ येहबा, चो़वोगी तेहन्‍दाला पेहक्‍योगी ख्‍याया़गी तुहक्‍पु नाहमॱआङ थोरो डोज्‍ये म़ेह।

रोमी 16:17

ए ङाहगी आदा-नो़ह दाङ आज्‍यी-नुहमुया़, ङाह ख्‍याला ओहर-छ्य़े स्‍युहउ येह, ख्‍याया़गी पाहरक्‍यीला ठू़ च्‍य़ूदी खा फ़ेदी डो च्‍य़ूएँगी मिहया़ दाङ यिह छ्य़ेलुला गो़ कोर्केन मिहया़ यिहन्‍ज्‍यु जेम्‍बु पेहतोङ। ख्‍याया़गी ज़्‍योरक्‍यो लोप्‍च्‍युङला खुङगी टाह पेहकें। ओ़ह ल़ेहमु मिहया़ ङ्याम्‍बु च्‍यामॱराङ माहच्‍याम।

यहूदा 1:3

ए च्‍याहम्‍बु रो़हया़, ओहराङ थाम्‍ज्‍यीगी ज्‍योरक्‍योकी थार्पाकी तेहन्‍दाला ख्‍या फ़ेबे-म़ेहमेया़ला दि यिहगी प्रुहज्‍येला ङाहला ज्‍यिबुराङ या़हबु ने़क्‍यो येहकें यिहॱनाङ ताहन्‍दा ओ़हगी छापला किन्‍ज्‍योकी स़ेबु-स़ेमुया़ला नाहम्‍स्‍यी किन्‍दुकी तेहन्‍दाला चि क्‍याहप नाङग्‍योकी तेहपाला सी़दे ज़्‍या़दोङ म़ेदी मा कोहच्‍ये ल़ेहमु च्‍यी़ गा ङाहगी सेमला ऩेसीन।

२ थेसलोनिकी 3:14

दि यिहगीला ङ्यिहगी माक्‍योकी तामया़ का़हलेॱआङ सुज्‍यीगीॱआङ मिहङ्यीहन्‍सीमाना ओ़ह ल़ेहमु मिहया़ला या़हबु पेहती ङोहस्‍यी ताङ ज़्‍यो़ ओहले ओ़ह ल़ेहमु मिहया़ ङ्याम्‍बु च्‍यामॱराङ माहच्‍याम। ओ़हठी पेहसीमाना खो राहङराङ ङोह छाज्‍ये येह।

तीतस 1:9

राहङगी ज़्‍योरक्‍योगी तेहन्‍दामकी लुहङदेनला क्‍याप्‍ती तेहकें ओहले लेहमेन मिहया़लाॱआङ दि लुहङदेन लोप्‍ती स्‍युक तेर ख़ूएँदी ओहङ कोहकें। ओहले दि लुहङदेन ङ्यिहगी लोप्‍क्‍यो ल़ेहमुराङ ओहङ कोहकें ओहले दि लुहङदेनला टाह पेहकेन मिहया़दी ङ्य़ेहबा तेन तेर ख़ूएँदी ओहङ कोहकें।