२ पत्रुस 3:3 - ह्योल्‍मो

³ थाम्‍ज्‍यी म़ेदी तोहङले ख्‍याया़गी दि तामया़ ङोह स्‍य़े कोहएँ, तिङमागी ङ्यिहमाया़ला राहङगी सेमला ने़जेबाकी चोक्‍पा लाहमया़ला स्‍य़ूहदी डोएँकी मिहया़ थेन्‍दी ओहङज्‍ये येह, ओहले खुङया़गी ख्‍याया़ला स्‍ये़हन्‍डील पेहकेनॱराङ दि ल़ेहमु माज्‍ये येह,

२ पत्रुस 3:3 Referans Kwoze

यहूदा 1:18

“तिङमा ती़हजीया़ला स्‍या़ क्‍याहप्‍केया़ ओहङज्‍ये येह। खुङगी किन्‍ज्‍योला ची़ज्‍ये म़ेह ओहले राहङगी सेमला ने़जेबा पेहती डोज्‍ये येह” म़ेदी खुङया़गी माक्‍यो येहकें।

२ पत्रुस 2:10

खास पेहती किन्‍ज्‍योकी ओङला ङ्येन्‍ज्‍येन पेहकेन दाङ पे मी़हसीहएँगी ल़ेहया़ पेहती राहङग्‍याल स्‍योर्ती डोएँया़ला ठिम ताङ नाङगे ङ्यिहमा थु सी़दे ज़्‍या़ नाङज्‍ये येह। दि ल़ेहमु ची़हमा लुहङ तेर्के मिहया़ ङ्यिहनॱराङ मिहङ्यीहन्‍गे दाङ छ्य़ेन्‍दो तेन्‍गेया़ ओहङगे ओहले खुङया़गी स्‍यिहङगामला येहकेया़लाॱआङ स्‍याहम्‍डेन केन्‍ज्‍येला मी़हन्‍ज्‍यीएँ।

यहूदा 1:16

मुहर-मुहर म़ेदी तेहकेनया़, नाहमॱआङ सेन्‍दोग मेहयोहङगेया़, राहङगी सेमला ने़जेबा पेहती डोएँया़, छ्य़ेन्‍दो तेन्‍दी ताम माएँया़ ओहले राहङला खेप्‍साङ ओहङज्‍येगी तेहन्‍दाला लेहमेन मिहया़ ङ्याम्‍बु ज्‍याप्‍ला तेन्‍गेया़ दि मिहया़राङ यिहम्‍बा।

२ कोरिन्‍थी 4:2

ङ्यिहगी ङोह छाएँगी ल़ेहया़ दाङ यिहप्‍ती-यिहप्‍ती पेहकेन्‍गी ल़ेह चोक्‍पाया़ पाङदी येहबा। ङ्यिह गो़ कोर च्‍य़ूदी ल़ेह मेहबेकें ओहले किन्‍ज्‍योगी सुङला याहर-माहर मेहबेकें। यिहॱनाङ तेहन्‍दामला ङ्यिह छ्यिसाल-नाहङसाल पेहती प्रा साल्‍गे ओहले किन्‍ज्‍योगी ज़ी़लुला ङ्यिह तेहन्‍दाम दाङ टाहङबु पेहती मिह थाम्‍ज्‍यीगी थोङगे पेहती मिहजी ताङगेराङ येह।

२ पत्रुस 1:20

यिहॱनाङ ख्‍यागी दि ताम ङोह स्‍ये़दोङ, सुङरापला लुहङतेम्‍बागी सुङ नाङग्‍योकी स्‍याहलया़ राहङदीराङ सेम नाहङले आहन्‍डाराङ जे़दी प्रुहक्‍योकी तामया़ मिहम्‍बा।

२ तिमोथी 3:1

यिहॱनाङ दि ङोह स्‍य़ेदी ज़्‍या़दोङ, तिङस्‍यो ङ्यिहमाया़ला ज्‍यी़ज्‍ये ल़ेहमु ती़हजीया़ ओहङज्‍ये येह।

१ यूहन्‍ना 2:18

ए पेहजाया़, ता़ह तिङस्‍यो ती़हजी दिराङ यिहन। मास्‍यीकाला टाह पेहकें मिहया़ थेन्‍गेॱराङ येह माएँ ताम ख्‍यागी थ़े सिहन्‍दी येह। ता़ह मास्‍यीकाला टाह पेहकेनया़ माहङबुराङ थेन सिहन्‍दी येह। ओ़ह सोङबे दिराङ तिङस्‍यो ती़हजी यिहम्‍बा म़ेदी ओहराङला क्‍यी़ह येहबा।

यूहन्‍ना 12:48

ङाहला मा-लोक पेहकें दाङ ङाहती ताम मिहङ्यीहन्‍गेनया़ला ठिम ताङ नाङगे मेहन्‍दा च्‍यी़ ज़्‍य़ू नाङदी येह। ङाहगी माक्‍यो तामगीराङ खोला तिङस्‍यो ङ्यिहमाला ठिम ताङज्‍ये येह।

हिब्रू 1:2

यिहॱनाङ ता़ह दि तिङस्‍यो ङ्यिहमाया़ला मिहरो राहङगी स़ेबु लाहमले ओहराङ ङ्याम्‍बु स्‍याहल सुङ नाङदी येह। स़ेबुलाॱराङ मिहरोकी रेबेॱराङ से़हया़दी ताहक्‍पु ओहङज्‍येला दाम नाङसीन, ओहले स़ेबु लाहमलेॱराङ मिहरोगी रेबेॱराङ से़हया़ छ्या़ च्‍य़ू नाङसीन।