२ पत्रुस 2:21 - ह्योल्‍मो

²¹ च्‍यिबेमाना किन्‍ज्‍योगी दिनला ठाबे सी़हगेन्‍गी लाहम ङोह स्‍य़ेदीलेॱआङ राहङगी ज्‍योरक्‍योकी नाम्‍पार-ताहक्‍पा का मी़हचीसीमानानी बरु खोगी दि लाहम नाहमॱआङ ङोह मा़हस्‍येबा यिहनानी काहजे या़हबु ओहङज्‍ये येहकें।

२ पत्रुस 2:21 Referans Kwoze

याकूब 4:17

ओ़ह सोङबे या़हबु ल़ेह पेह कोहएँ म़ेदी ङोह स्‍य़ेदी स्‍य़ेदीॱआङ का़हन्‍दीगी मेहबेकें खोला तिहक्‍पा फो़गे।

लूका 12:47

“ताहक्‍पुगी सेम ङोह स्‍य़ेदीॱआङ पेह कोहएँगी ल़ेह मेहबेगे योक्‍पुया़ला ताहक्‍पुगी ङ्य़ेहबा छ्यिम्‍बु काल्‍ज्‍ये येह।”

यूहन्‍ना 15:22

का़हलेॱआङ ङाह ओहङदी खुङला दि तामया़ माहस्‍येपा यिहनानी खुङला तिहक्‍पाकी ङ्य़ेहबा फो़ज्‍ये म़ेहबा येहकें। यिहॱनाङ ता़हनी खुङला राहङगी तिहक्‍पाकी तेहन्‍दाला च्‍यिॱआङ तेलेन पेहकें ग्‍या़ॱराङ म़ेह।

१ थेसलोनिकी 4:2

च्‍यिबेमाना ङ्यिहगी चो़वो येशू लाहमले ज़्‍योरक्‍योगी का़हन्‍दी काया़ ख्‍या फ़ेबे-म़ेहमेया़ला तेर्पा ओ़हदी राहङ फ़ेबे-म़ेहमेया़ला थुयी़राङ येह।

यूहन्‍ना 9:41

ओहले येशूगी खुङया़ला सुङ नाङसीन, “ख्‍या तेहम्‍बाराङ स्‍याहर्ना काहल्‍ग्‍यो यिहम्‍बा यिहनानी ख्‍याला तिहक्‍पागी ङ्य़ेहबा फो़ज्‍ये म़ेहबा येहकें यिहॱनाङ ख्‍याया़गी ‘ङ्यिहगीनी थोङगे’ म़ेदी माएँ, ओ़ह सोङबे ख्‍याला तिहक्‍पा येहॱराङ येहबा।”

मत्ती 21:32

बप्‍तिस्‍मा तेर्केन यूहन्‍ना तेहन्‍दामगी लाहम तेन्‍ज्‍येला ख्‍याया़साला ओहङसीन, यिहॱनाङ ख्‍याया़गी यिह मा़हछ्ये। यिहॱनाङ ठाल तुहएँ दाङ बान्‍डन पेहकेनया़गी गा यिह छ्य़ेसीन। दि थाम्‍ज्‍यीराङ थोङदीॱआङ ख्‍याया़ राहङ-राहङगी सेमगी स्‍या़बा पेहती तिहक्‍पा माहपाङ ओहले खोला यिह मा़हछ्ये” म़ेदी येशूगी सुङ नाङसीन।

रोमी 7:12

छ्य़े-ठिम नाम्‍पार-ताहक्‍पा येह, ओहले काॱआङ नाम्‍पार-ताहक्‍पा, टाहङबु दाङ या़हबु येहबा।

गलाती 6:2

तुहक्‍पु-तुहङालकी खुरुया़ खुर्च्‍येला च्‍यी़गी च्‍यी़ला रो़हराम पेहतोङ। दि ल़ेहमुराङ पेहती ख्‍यागी मास्‍यीकाकी छ्य़े-ठिम छाङबु पेहच्‍ये येह।

१ तिमोथी 6:14

ङाह ख्‍येला दि का तेर्को येह, ख्‍येगी ओहराङगी चो़वो येशू मास्‍यीका माहफेप थु ख्‍येगी दि काया़ या़हबु पेहती ची़दोङ ओहले सुगीॱआङ ख्‍येला फातुर च़ू माहङ्युहङज्‍यु।

हिब्रू 10:26

च्‍यिबेमाना तेहन्‍दामकी रिहक्‍स्‍यी ज्‍योर्तीॱआङ ओहराङगी ङोह स्‍य़ेदी स्‍य़ेदीॱआङ तिहक्‍पा पेहसीनमाना ता़ह तिहक्‍पाकी तेहन्‍दाला लेहमेन का़हन्‍दीॱआङ मार्च्‍ये म़ेह।

२ पत्रुस 3:2

काहल्‍ग्‍यो ती़हजीला नाम्‍पार-ताहक्‍पा लुहङतेम्‍बाया़गी नाङग्‍योकी लुहङ दाङ ख्‍या फे़बेया़की ल़ेह-पेनया़गी सुङ नाङग्‍योकी ओहराङ चो़वो दाङ थार्पा नाङगे मास्‍यीकाकी काया़ ख्‍याया़गी टेहम्‍बा साल कोहएँ।

यहूदा 1:3

ए च्‍याहम्‍बु रो़हया़, ओहराङ थाम्‍ज्‍यीगी ज्‍योरक्‍योकी थार्पाकी तेहन्‍दाला ख्‍या फ़ेबे-म़ेहमेया़ला दि यिहगी प्रुहज्‍येला ङाहला ज्‍यिबुराङ या़हबु ने़क्‍यो येहकें यिहॱनाङ ताहन्‍दा ओ़हगी छापला किन्‍ज्‍योकी स़ेबु-स़ेमुया़ला नाहम्‍स्‍यी किन्‍दुकी तेहन्‍दाला चि क्‍याहप नाङग्‍योकी तेहपाला सी़दे ज़्‍या़दोङ म़ेदी मा कोहच्‍ये ल़ेहमु च्‍यी़ गा ङाहगी सेमला ऩेसीन।